Bifesta 全新包裝皇牌卸妝產品｜溫和低刺激卸妝水 保護肌膚嘅心水之選｜iTRIAL用家分享

平時最怕落妝唔乾淨皮膚變差起晒粒粒 成日化妝出街嘅我落妝一定要夠徹底！唔想肌膚變得越嚟越脆弱，係平日挑選護膚方面，都會選擇一些比較低刺激性、低敏、冇香料，較溫和的配方，希望減少肌膚負擔。

日本人氣卸妝護膚品牌 Bifesta最近換上全新形象，新包裝設計簡約清新，識別度更高！

今次呢兩款卸妝產品，亦都係我咁多年來一直無限回購嘅。

用咗咁多年，就算係皮膚狀態唔好嘅時候用佢都唔會覺得刺激，仲卸得好乾淨，而且配方溫和，適合敏感肌使用！

廢話唔多講，即刻同大家一齊實測下 ～

Text & Photo: Luna
 

實測 Bifesta 深層卸妝潔膚水 (深層保濕型) Micellar Cleansing Water (SERUM MOIST)

深層卸妝潔膚水 (深層保濕型) Micellar Cleansing Water (SERUM MOIST)

價錢：$59.9/400ml

產品介紹：

深層卸妝潔膚水～集卸妝、潔膚同化妝水於一身，含有Micellar 深層潔淨因子，能深入毛孔浮起化妝品同污垢，

佢嘅低摩擦配方配合 Pullulan，還加入菸鹼醯胺 Niacinamide及透明質酸，溫和卸妝同時保濕。

低刺激配方通過皮膚過敏測試， 無香料、無油、無添加色素、無酒精化妝品、無苯甲酸酯。就算植左眼睫毛、角蛋白，都可以放心使用。

使用方法：吱(2-3泵)卸妝水於化妝棉上。在面上輕抹，把污垢、化妝品徹底抹淨，毋需過水，清潔同時滋潤皮膚。

產品實測部分

卸妝力：4.8分

按兩泵份量於化妝綿上並輕力在面上抹一至兩次已經可以輕易卸除面上彩妝。配方溫肌膚倍感呵護，用後沒有不適泛紅！

保濕度：4.7分 

平時用油性產品卸妝，一洗唔夠乾淨就會容易起暗粒或暗瘡。 但用左Bifesta 卸妝潔膚水後，暗粒明顯減少，沒有乾燥感，而且水狀質地清爽唔黏笠。
 

實測 Bifesta 高效眼唇卸妝液 Micellar Eye Makeup Remover

高效眼唇卸妝液 Micellar Eye Makeup Remover

價錢：$52.9/145ml

產品介紹：

一支結合了雙層卸妝配方Micellar 潔淨因子與 Emollient 油溶成分，即使濃厚防水眼妝都能輕易卸除。而且仲有維他命B及E誘導體，其低刺激性配方保濕之餘還能溫和呵護眼部幼嫩肌膚。

使用方法：使用前請先搖勻，再倒出適量卸妝液（約５元硬幣大小）於化妝棉上。將化妝棉輕按眼部數秒，待眼妝溶解後即可，毋需用力拭擦。
 

產品實測部分

卸妝力：5分 

卸妝能力真係比滿分！倒少少落化妝棉中，然後在眼睛範圍敷大概一分鐘，輕輕一抹，眼影、眼線、眼睫毛液便能輕易卸除，而且無需來回拭擦。減少眼睛因大力磨擦而造成眼紋嘅機會， 而且完全沒有澀眼不適的感覺！

總評

今次兩款卸妝產品我都非常滿意！

重點推薦高效眼唇卸妝液！絕對係卸妝實力派！

係真值得無限回購，鍾意佢地卸得乾淨又保濕，即使我皮膚特別容易泛紅都完全無問題，每次卸妝後，肌膚都清爽無負擔！

而且油脂問題都改善咗！特別夏天幫助清潔多餘油脂，肌膚全日保持清爽乾淨！大力推薦俾每位化妝的美美！