Uriage CICA DAILY B5積雪草強效修復精華|灌注極致保濕力 綻放由內而外透亮光澤|iTRIAL用家分享
平時有做開醫美療程嘅朋友都經歷過,無論係打laser定微針,做完之後皮膚屏障瞬間變得極度脆弱,泛紅、乾燥、刺痛甚至痕癢接踵而來。喺呢個「黃金修復期」,真係半點刺激性護膚品都唔敢亂用,怕一唔小心就會令皮膚狀況雪上加霜。
今次就實測法國領先皮膚學品牌 Uriage 推出嘅 CICA DAILY B5 積雪草強效修復精華,可以做到高效鎮靜、加速皮膚復原,係日常修復好物。
Text & Photo: Double Yong (IG:dou2le)
實測Uriage CICA DAILY B5積雪草強效修復精華

價錢:$399/30ml
為醫美術後必備嘅第一支日常精華。佢採用咗突破性嘅三重屏障修復科技,做到「強化+保護+修復」肌膚屏障,從表皮層到中底層進行全面修復,防止肌膚問題陷入惡性循環。
當中配方蘊含5大核心成分,針對肌膚深層屏障修復,啟動肌膚自身嘅自我修復力:
· 10.5% 活泉益生元組合複合成分(市場唯一):呢個濃度係市場上獨有,能夠極速急救並緩解因發炎引致嘅痕癢、緊繃、刺痛及泛紅等不適,從根源強化肌膚修復力。
· 積雪草萃取:發揮強大嘅舒緩鎮靜作用,同時兼具修復與抗氧化雙重功效,係敏感肌嘅恩物。
· 透明質酸 + B5:做到深層補水、鎖水、舒敏同修復屏障,徹底解除術後皮膚嘅乾涸狀態,為肌膚注滿水分。
· 二肽:具備抗皺同抗炎功效,幫助肌膚緊緻提彈,延緩老化。
產品實測部分

質地/吸收度: 4.3分
精華呈現出極具高級感嘅輕盈水狀質地,流動性極高,推開時非常順滑,延展性極佳。上手推開後幾乎係秒速被皮膚吸收,完全冇半點黏笠感。我最欣賞佢吸收後嘅膚感,清爽得嚟又帶點恰到好處嘅滋潤度,唔會同後續嘅面霜或防曬打架,更絕對唔會出現起擦膠碎嘅情況,對於需要層層疊加護膚品嘅朋友嚟講非常友好。

保濕度: 4.2分
實測數據顯示,使用前肌膚含水量為24%,塗抹精華後即時躍升至58%,補水效果相當顯著。佢嘅即時保濕力極強,無論係日頭定晚間使用都夠晒滋潤。最難得嘅係,佢雖然補水力強,但質地一啲都唔厚重,喺香港潮濕悶熱嘅天氣下使用都唔會覺得侷促,真正做到水油平衡。

鎮靜度: 4.5分
實測期間,面頰兩側嘅泛紅位置有肉眼可見嘅明顯改善。連續使用後,敏感泛紅退得相當快,皮膚乾燥繃緊嘅情況亦大大舒緩。就算係做完高能量療程後嘅脆弱肌,搽上面都完全冇刺痛感,反而有一種被溫柔包裹嘅舒緩感,鎮靜效果令人十分驚喜。

平滑度: 4.2 分
連續使用7天後,皮膚嘅粗糙感明顯被撫平,觸感變得前所未有咁柔軟平滑。仔細觀察下,毛孔亦睇落細緻咗,整體膚質有顯著提升。肌膚嘅光澤度亦有所增加,告別咗原先嘅暗啞疲倦感,就算素顏都有一種健康嘅透亮感。
總評
試用呢支精華7天後,最明顯嘅變化係肌膚穩定性大大提高。做完醫美療程後嘅泛紅,大概兩至三日就褪得七七八八,修復速度遠比預期快,真正做到加速黃金修復期。加上Uriage 喺成分濃度同臨床數據上都更有醫學級專標品牌嘅優勢,性價比極高,絕對可以作為貴價專櫃品牌嘅平替首選。
關於使用方法,建議喺洗面同爽膚水之後使用,取兩至三滴全面推開,重點泛紅位置可以再加強按摩至吸收。如果想進一步鎖住水分,非常建議配合 CICA DAILY GEL CREAM一齊用, 做到長效保濕修復,皮膚穩定左好多。整體而言,無論你係有做開醫美、抑或皮膚容易敏感泛紅嘅朋友,呢支精華都絕對值得入手!

