Sulwhasoo 雪花秀 禦時緊顏參養面霜（ 人參面霜）｜時刻彈滑緊緻 實現長壽年輕光澤｜iTRIAL用家分享
身為一個對護膚極度認真嘅用家，我一直追求真正有效嘅抗老產品。25歲後明顯感覺到膠原蛋白流失加速，加上生活壓力同環境污染，肌膚狀態開始不似預期。試過唔少聲稱高效抗老嘅護膚品，但效果總係曇花一現，令人失望。直到遇上雪花秀嘅禦時緊顏參養面霜（人參面霜），先明白咩叫真正抗老。呢款面霜唔單止表面去紋，更深入修復肌底嘅同時，喚醒膠原自生兼保護膠原嘅能力，令肌膚Keep住緊緻同有彈性，真正做到「肌膚長壽」。
Text & Photo：Double Yong (IG: dou2le )
實測Sulwhasoo 雪花秀禦時緊顏參養面霜 （人參面霜）Concentrated Ginseng Rejuvenating Cream Rich
Sulwhasoo 雪花秀 禦時緊顏參養面霜（人參面霜） Concentrated Ginseng Rejuvenating Cream Rich
價錢：$1,090/30ml ; $1,680/50ml
產品介紹：
一打開就聞到非常療癒的氣味。香氣固然係吸引我嘅原因，但最吸引我嘅係佢強大嘅抗老功效。大家都知道人參出名抗老，而雪花秀就憑住60年人參科研經驗，研發出兩大專利人參精萃——Ginsenomics™ 同 Ginseng Peptide™，將人參嘅抗老功效發揮喺肌膚上。呢兩種成分可以從肌底入手，針對三大抗老層面：Repair（修復）、Strengthen（強化）、Maintain（鞏固）革新抗老。
修復：啟動肌膚自我抗炎機制，臨床測試顯示48小時內可促進膠原蛋白自生達38%*，令肌底回復健康、強韌。
強化：喺健康肌底嘅基礎上，唔單止自生膠原蛋白，保護力都同步增強。實測數據顯示，持續使用後淡紋效果達47.6%**，光澤度提升45.4%***，100%用家***均認同肌膚變得更緊緻有彈性。
鞏固：最令人驚喜嘅係，即使停用一星期，肌膚狀態依然保持穩定，冇明顯反彈情況^，真正做到長效抗老。
*人造皮膚測試效果
**30位女性使用6星期後自我評估結果
***30位20-60歲女性使用禦時緊顏參養面霜後的臨床測試結果 | 測試時間：2023年11月6日至2023年12月27日。
^30位20-60歲女性停用禦時緊顏參養面霜一星期後的臨床測試結果 | 測試時間：2023年11月6日至2023年12月27日。
產品實測部分
質地：4.5 分
面霜質地細膩豐潤，推開後迅速被肌膚吸收，唔會留低油膩感或「笠」面問題。我特別欣賞佢嘅滋潤度，春夏不黏、用厚少少又足夠應付冷氣乾燥環境，甚至秋冬天氣，早晚使用都唔會覺得負擔。即使係混合性肌膚如我，T字位亦未有出現泛油情況，整體感覺輕透舒適。
彈性： 4.3分
使用一星期後，我最明顯感覺到肌膚彈性有所提升。以往洗完面後肌膚會有少少繃緊，而家就變得柔軟有彈性，按落去有種「嘭嘭」感。尤其係顴骨同下巴位置，線條明顯緊緻咗，冇再鬆垮垮。
皮膚光澤度：4.6 分
我一直受暗沉同膚色唔均勻問題困擾，但用人參面霜後，肌膚整體光澤感明顯提升。唔係嗰種假亮澤，而係由內而外透出嚟嘅健康光采。即使素顏出門，都覺得氣色好好，冇之前咁憔悴。
淡紋度：4.2 分
我本身法令淡比較明顯，使用兩星期後，發現細紋有淡化的趨勢，冇之前咁深，整體肌膚看起來更年輕。雖然未至於完全消失，但已經非常滿意。
總評︰
連續使用雪花秀人參面霜超過一個月，我可以話係真心推薦俾所有追求真正抗老效果嘅朋友。肌膚宜家唔只係表面有改善，係成個底層健康咗，摸落去更滑更彈，光澤感同飽滿度都明顯提升。即使宜家冇化妝，都覺得肌狀態好穩定，冇再因為天氣轉變而敏感或乾燥。
最令我驚喜嘅係，就算我試過停用幾日，肌膚都冇即刻打回原形，證明效果真係幾持久。我會繼續使用落去，尤其係秋冬季節，佢嘅滋潤同修護力真係冇得輸。如果你都試過好多抗老產品都覺得冇效，不如試吓呢款人參面霜，或者都會同我一樣有驚喜！
4.5
