DECORTÉ 水潤提亮CC 護膚防曬霜｜輕盈薄膜 一抹即有自然膚色｜iTRIAL用家分享

紫外線會加速皮膚老化，導致色斑、皺紋，甚至增加皮膚癌風險。所以護膚嘅第一步一定係要防曬！DECORTÉ 水潤提亮CC 護膚防曬霜高遮蓋、強防曬、耐持妝，輕易打造自然妝感。防禦高紫外線SPF 50+ PA++++之餘仲可以擁有自然提亮的效果，遮瑕度都唔錯㗎！今次就同大家一齊睇下佢有幾好用！

Text & Photo：Dayday Lam

實測 DECORTÉ 水潤提亮CC 護膚防曬霜

DECORTÉ 水潤提亮CC 護膚防曬霜

DECORTÉ 水潤提亮CC 護膚防曬霜以獨家技術精準拿捏成分黃金比例，打造輕薄勻一的薄膜。使用少量即可達到高遮蓋、強防曬、耐持妝，的自然提亮及柔和妝感。

3種色號，適合唔同膚色，一支滿足防曬妝前底霜與提亮效果！

01 亮膚色

02 自然膚色

10 薰衣草玫粉色

使用方法：

請於完成護膚後使用。以指尖取珍珠粒大小，置於下巴・兩頰・鼻・額處，並均勻延展、充分貼合全臉。溫馨提示：記得要使用卸妝產品卸除防曬

產品實測部分

質地：4.5分

質地絲滑，容易推開，鼻翼位置唔會容易卡粉，仲好水潤，同平時用啲乳霜質地有少少相似，上臉之後唔會為皮膚帶嚟侷促嘅感覺

膚色提亮度：5分 

我用嘅色號喺#002 Beige，普遍膚色都可以揀呢款，如圖所見整體膚色明顯提亮，嘴角暗沉嘅位置都變白，一啲暗瘡印瑕疵都可以cover到，薄薄地搽一層再加碎粉定妝都可以就咁出街～有小小偽素顏嘅感覺，睇落人都精神啲

持久度：4.8分 

調色防曬霜嚟講呢款產品持久度都高，出街8小時都仲保持光澤感，唔會變黃同埋溶妝。鼻翼位置都冇浮粉嘅情況出現，會有少少出油嘅情況，但係可以接受。落妝後都未見到有曬黑嘅跡象

總評：

平時一般防曬都會好容易同碎粉打交，DECORTÉ 水潤提亮CC 護膚防曬霜完全冇呢個問題，流動性仲好高，可以輕鬆打造透明感嘅妝容，而且三款顏色色號都可以符合到大部份女生嘅膚色。最近香港嘅天氣又潮濕又熱，底妝都可以keep得好好， 保濕都高，出入冷氣地方都冇問題。用咗一段時間都冇晒出色斑嘅問題，推薦早八學生同上班一族嘅靚靚們試下！