DECORTÉ 水潤提亮CC 護膚防曬霜｜夏天不可或缺 防曬霜+隔離+提亮 All In One ｜iTRIAL用家分享

相信每日做好防曬係維持年輕狀態嘅基本要數，更係每個女仔守護皮膚健康嘅長遠投資～

春夏季又到啦 ，潮濕又熱嘅天氣令皮膚容易出汗出油，呢啲時候真係唔想搽太多太厚嘅防曬喺臉上面，但係同時又驚曬黑，紫外線又會加速皮膚老化，到時出現色斑、皺紋問題。

DECORTÉ 水潤提亮CC 護膚防曬霜，一支做到遮瑕同強力防曬，除咗有效防禦高紫外線長達24小時，仲做到自然提亮光澤美肌嘅效果，就好似原生媽生皮膚咁！今次等我實測一下，係咪真係咁勁啦！

Text & Photo: Luna

實測 DECORTÉ 水潤提亮CC 護膚防曬霜

DECORTÉ 水潤提亮CC 護膚防曬霜

DECORTÉ 水潤提亮CC 護膚防曬霜獨有嘅黃金比例配方，只係用少量已可達到防曬、持妝、自然提亮嘅柔和妝感！ 一支搽出素肌感同光澤感，好適合想擁有日系妝透明感嘅女仔使用。

3種色號：01 亮膚色・02 自然膚色・10 薰衣草玫粉色適合亞洲人使用。

*#01 light beige色 適合皮膚偏白嘅女仔

*#02 beige色 適合健康膚色嘅女仔

*#10 粉紫色 適合皮膚較易蠟黃，偏黃嘅女仔

使用方法：

- 請於完成護膚後使用。

- 以指尖取珍珠粒大小，置於下巴・兩頰・鼻・額處，並均勻延展、充分貼合全臉。

- 每日記得要使用卸妝產品卸除防曬
 

產品實測部分

三種顏色：10 薰衣草玫粉色・01 亮膚色・02 自然膚色

 

#10 薰衣草玫粉色
 

#01 亮膚色
 

#02 自然膚

質地：5分

具備 SPF50+ PA++++ 高防曬係數，奶油慕絲質地偏水潤，容易推勻且輕盈，一啲都唔笠唔卡粉，而且有明顯嘅光澤感，擦完肌膚感覺輕薄無負擔。

比較 #01同 #02色，覺得 #01 Light Beige 色號比較適合自己
 

#01 Light beige色塗抹全面效果

膚色提亮度：4.9分 

吱出一粒豆狀已經夠全面使用，臉上本身暗沉的位置及瑕疵都可以輕輕地遮住，而且見到微微嘅光澤感，就像原生媽生皮膚一樣！
 

持久度：4.8分 

防曬同時持妝效果都非常滿意！大概9小時後，只有鼻翼泛油位置有輕微脫落。

總評：

夏天總係想搵一支夠透氣又輕薄同時效能持久度要夠強勁嘅防曬，但好多時市面上其他品牌嘅防曬都唔夠保濕易卡粉令妝感唔貼面又易出油。DECORTÉ 水潤提亮CC 護膚防曬霜 就絕對滿足到咁多要求嘅我，自然妝感、水光感都好到位！而家每日出門口前都用佢，再on top係有要重點瑕疵嘅位置加少少遮瑕膏已經可以好快咁完成底妝！ 真係對佢愛不釋手，真心好推薦大家試試！