PURDORI Velvet Restore 睡眠面膜｜轉季肌膚的夜間修護之旅｜iTRIAL用家分享
每次到轉季時分，都係肌膚最先知，因為明明護膚程序做足，但皮膚依然好似鬧情緒咁，時不時緊繃，甚至局部甩皮，上妝個刻真係欲哭無淚。正當我苦惱之際，遇上咗來自美國嘅環保美容品牌PURDORI，佢哋全新推出嘅 Velvet Restore 睡眠面膜，聲稱可以喺夜晚睡眠黃金時間為肌膚進行深層修復。身為一個懶人，我最鍾意就係一邊瞓覺一邊護膚，所以今次決定親身實測，睇下係咪真係可以瞓住提升緊緻度同喚醒肌膚光澤，順便同大家分享下我嘅用後感。
Text & Photo: Double Yong (IG：dou2le )
實測 PURDORI Velvet Restore 睡眠面膜
價錢：$590/100ml
產品介紹：
PURDORI係我一直都有留意嘅品牌，佢哋堅持用天然植萃成分，今次呢款睡眠面膜主打夜間修復，蘊含咗三種珍貴天然抗老精萃，可以針對淡化細紋同皺紋，尤其係眼周細緻部位，提升面部輪廓之餘，仲可以令肌膚回復年輕光采。
日本蘭花幹細胞：可以直達真皮層，激活肌膚細胞，促進膠原蛋白同彈性蛋白再生，令面部睇落更平滑同有彈性。仲有抗氧化作用，改善老化跡象，唔使再擔心啲乾紋同暗沉！
Biocecolia益生元：由甘蔗同麥芽發酵而成，可以重建肌膚微生態平衡，強化肌膚屏障，等肌膚維持水潤光滑，建立一個健康嘅保護層。
RO-ICE+™：冰花、蘆薈同玫瑰萃取結合，提供冰感修護，舒緩肌膚日間壓力，適合容易泛紅敏感嘅肌膚，改善狀態。
產品實測部分
質地：4.5分
面膜係柔滑嘅淡粉紅色乳霜狀加好天然、好清淡嘅花香，質地非常豐潤幼滑，延展性極高，好容易就能均勻推開。接觸皮膚嘅瞬間，有一陣好輕微、好舒服嘅冰涼感覺，應該就係佢專利RO-ICE+™成分帶來的舒緩感。我將面膜塗上全面，順著面部淋巴位置輕輕按摩。大概一兩分鐘後，佢就已經吸收得七七八八，表面只留下一層極之薄嘅保護膜，完全無黏膩感，更唔會黐頭髮或者枕頭。呢一點對呢種睡眠質素一般嘅人來講，非常友好。
保濕度：4.8分
潔面後肌膚處於繃緊下含水量只有26%，使用後水分讀數大幅躍升至 49% ！手摸上去，皮膚明顯柔軟咗、飽滿咗，本身乾燥嘅繃緊感一掃而空。保濕效果亦都唔單止體現係即時數據上，以往轉季就算夜晚搽咗保濕產品，朝早起身個鼻翼同額頭依然會出油，但面頰卻偏乾，用後發現肌膚嘅水油平衡似乎有改善，朝早起身膚質變得清爽而軟潤的，唔再係局部油光滿面，令轉季不穩定情況大有改善。
肌膚光澤度： 4.7分
使用前肌膚有種疲憊感，光澤度不足，膚色有啲唔均勻。一段日子後「光澤感」同「通透感」提升咗，係一種從肌底透出來嘅健康光澤，而非油光。成個人睇落精神咗、乾淨咗，就算素顏都唔會顯得殘樣。連上妝時最明顯係粉底唔再卡喺眼底同鼻翼嘅乾紋度，妝容貼服到好似同自己嘅皮膚融合埋一齊咁。
緊緻提升度： 4.6分
至於輪廓提升，我特別觀察咗下顎線同蘋果肌。我發現持續使用後，面部線條似乎變得緊緻咗少少，尤其係朝早起身照鏡，會覺得塊面冇咁浮腫，下顎線條睇落利落咗，蘋果肌位置亦因為肌膚飽滿度增加，睇落更澎潤，唔會咁扁平。眼周同法令紋呢啲細緻部位，雖然無話完全消失，但感覺冇之前咁「深刻」，可能因為肌底充滿水分，撐起咗皮膚，令細紋冇咁明顯。
總評︰
回顧PURDORI Velvet Restore睡眠面膜確實俾到我唔少驚喜。佢唔似得一般保濕面膜咁流於表面，而係真正從「肌底修護」、「強韌屏障」同「即時舒緩」三方面入手，為我轉季期間脆弱嘅肌膚提供一個全面嘅夜間修護方案。
我特別欣賞佢將高效成分同愉悅使用感結合得咁好，每晚用已經成為我睡前一個放鬆又充滿期待嘅儀式。朝早起身摸到水潤飽滿、充滿光澤嘅肌膚，成日心情都會大好。
如果你同我一樣，受轉季肌膚問題困擾，或者覺得一般保濕面膜未能滿足你抗老同提升輪廓嘅需求，可以試下呢款面膜。因為於我而言，呢趟夜間修護之旅，絕對係一趟值得嘅投資。
4.5
