APIVITA C15蜂膠抗氧化精華｜平替版貴婦精華！15% 純維C精華實測：淡斑抗氧驚人效果！｜iTRIAL用家分享
面上色斑問題一直都好困擾我，尤其係近幾年工作壓力大、作息唔定時，加上香港天氣熱又多曬，成日覺得塊面暗沉、膚色唔均勻，化妝都要厚厚搽遮瑕膏先敢出街。
之前試過唔少開架美白產品，有啲用咗幾個月都冇明顯改善，有啲又太刺激，搞到皮膚乾敏甚至出粒粒，真係試得多心灰意冷。
見到APIVITA新推出嘅C15蜂膠抗氧化精華，簡直係小資女必買、高cp值之選！佢有15%高濃度穩定型維他命C + 1%維他命E，再加專利蜂膠抗氧化劑，幫肌膚築起個超強防護罩，擋住晒啲污染同紫外線老化。
最緊要係性價比超高，30ml大約HK$460左右，就買到15%高濃度維C精華，比起一啲千幾二千貴價品牌平好多！
等我實測一下係咪真係有用，係咪真係可以推薦比大家！
Text & Photo: Coey C
實測 APIVITA C15 蜂膠抗氧化精華
價錢：$460/30ml
產品介紹：
呢支 APIVITA C15 蜂膠抗氧化精華真係好似專為我呢種長期受色斑、痘印同暗沉困擾嘅女仔而設。佢最令我驚艷嘅係用咗 15% 高濃度純維他命 C！
大家知唔知 15% 代表啲咩？喺市面上咁多維 C 產品入面，15% 算係非常高嘅濃度，而且佢係用咗純維他命 C，比起一般維 C 衍生物，抗氧同淡斑嘅爆發力勁好多！佢可以好精準咁中和自由基，幫我哋淡化色素、提亮膚色，連啲細紋同鬆弛都有改善。
但最吸引我嘅係 APIVITA 嘅獨家專利技術蜂膠抗氧化劑！雖然維 C 係好勁，但最驚就係佢好容易氧化變色失效，或者根本落唔到肌底。APIVITA 呢個技術就係用咗專利雙重封裝技術，好似幫維 C 加咗個保護罩咁，令成分可以好穩定咁輸送去肌底，持續 8 小時都仲有效架！簡單嚟講，呢個專利技術係令原本已經好高濃度、好勁嘅 15% 維 C 變得更持久、更有效、更深層，唔會搽完等於冇搽。色斑同痘印淡化得更快，膚色整體都更透亮。
用落質地真係輕盈、水感十足，一推開就吸收晒，完全唔黏膩。官方臨床數據仲提到連續用 28 日，色斑可以減淡 58%，連膠原蛋白都會增加 2.5 倍！(雖然個人效果因人而異，但聽落真係好吸引。)
產品實測部分
淡斑/淡印度：4.3分
我本身額頭面頰有輕微色沉斑，夏天易變深暗沉，膚色不均，素顏無自信要厚塗遮瑕。
竟然真係有效！用咗一個禮拜，明顯見到色斑慢慢變淺咗，膚色均勻咗好多。最驚喜係原本啲痘印都淡咗，而家就算淡妝出街都OK！
光澤度：4.6分
以前塊面總係黃黃咁、好似好攰咁。呢支 15% 純維 C 嘅去黃力真係好勁，幫我快速整走晒啲暗沉感。而家肌膚有種自然嘅發光感，整體亮白度 Up 咗，就算素顏都覺得皮膚透亮咗好多！✨
淡紋度： 4.4分
幼紋有明顯改善！最驚喜係發現原本好顯眼嘅虎紋變淺咗，皮膚整體更彈性緊緻，長期用落真係幫到我抗老！
質地：4.7分
質地超輕盈水感，清爽不黏膩，推開超順滑，抹上即刻快速吸收，唔會留白屑或油膜，香港潮濕天氣用落都好舒服，朝晚疊層護膚都唔會悶住皮膚
肌膚彈力度：4.5 分
即時上臉已有明顯彈潤感，皮膚像喝飽水，摸落柔軟。持續用咗一段時間，真係覺得多咗膠原蛋白咁，細紋位置都緊緻咗，冇咗之前嗰種又乾又繃緊嘅感覺。
總評
連續試用7天後，斑點開始有輕微淡化跡象。雖然淡紋需要時間累積，但抗氧化效果好明顯，即時感覺皮膚更有防護力，唔再咁易暗沉或出油光，膚色整體開始透亮起來。
而肌膚感覺，用落真係彈潤嫩滑好多！膚色變得更均勻有光澤，細紋位置都稍為撫平咗。
超高性價比維C精華！幾百蚊就買到一支減斑維C精華，效果持久又溫和，性價比超高！
強烈推薦！尤其適合有色斑、暗沉同輕微細紋困擾嘅姐妹，質地輕盈易吸收，朝晚用都ok，長期堅持落去淡斑提亮抗老都work。連續用7天已經見到初步亮澤同彈潤改善，用家分享大多話1-2個月後變化更大～如果你都想素顏自信出街，值得入手試下！
4.5
