SHIMBI METHOD 褪黑小白鑽｜黃氣退散 7天高效美白｜iTRIAL用家分享
喺護膚領域入面，搵到一套真正適合自己又有效嘅產品，從來都唔係一件容易嘅事。近年護膚品市場湧現唔少新品牌，令人眼花繚亂之餘，亦令人更加審慎選擇。最近我留意到一個新興嘅日本成分美容品牌——SHIMBI METHOD。佢嘅品牌理念係結合科學與美學智慧，由日韓權威醫美團隊聯手研發，標榜運用尖端醫美科技同領導性成分，為成分美容訂立更高標準，打造精準高效嘅護膚方案。
好消息係，最近香港萬寧終於引入咗呢個品牌，於是我就決定入手呢支被稱為「褪黑小白鑽」嘅SHIMBI METHOD 5%熊果素維C淡斑精華，我會連續使用7天以評估實際功效，睇吓係咪值得推薦俾同樣關注肌膚問題嘅你。
Text & Photo: Double Yong (IG：dou2le)
實測 SHIMBI METHOD 5%熊果素維C淡斑精華 (褪黑小白鑽)
SHIMBI METHOD 5%熊果素維C淡斑精華 (褪黑小白鑽)
價錢：$159/30ml
產品介紹：
SHIMBI METHOD 5%熊果素維C淡斑精華，又名「褪黑小白鑽」，產品包裝採用簡約設計，白色紙盒外面印有清晰嘅產品資訊，入面嘅精華係磨砂玻璃樽，泵頭式設計方便控制每次使用嘅份量。
精華成分組合根據官方提供資料，並非依賴單一成分，而係將多種尖端成分以黃金比例調配，務求達到相輔相成嘅最佳效果。
主打三重高效淡斑成分，包括3%熊果素、2%維他命C誘導體、1%傳明酸，以及0.1%具舒緩功效嘅甘草酸鉀，由源頭阻截黑色素形成，到促進角質代謝，再到舒緩鎮靜皮膚。
產品實測部分
質地：4.3分
精華一唧出黎係乳白色嘅半透明液體，輕輕推開可以感受到質地非常順滑，唔會覺得黏膩。對比起之前用過嘅美白精華，覺得呢款精華會輕盈d，推開之後皮膚都吸收得好快。完全吸收之後，皮膚有種滋潤後嘅飽滿感，摸落都更加柔軟細滑。
即時保濕度： 4.5分
使用前係處於潔面後零護膚狀態，皮膚含水量數值係35%。使用後即時重新測量嘅結果，數值即時上升至71%！增幅達到一倍，保濕效果超級明顯！皮膚吸收充足水分之後，即時變得飽滿，整體光澤度明顯提升。加上滋潤度恰到好處，唔會造成油膩感，整體膚感好balance。
提亮/美白度：4.2分
因為日常嘅紫外線刺激同人大咗之後代謝變慢，整體膚色變得偏黃同暗啞，令到成個人睇落冇乜精神，略帶疲態。使用7日之後，整體膚色均勻咗，平時好困擾我嘅黃氣都明顯減退。成塊面可以keep到由內到外透出光澤，白淨又通透。呢種提亮效果並唔係嗰種唔自然嘅死白，而係皮膚嘅光澤度同均勻度有實質提升，望落更精神爽利，健康有活力。
淡斑/淡印度：4.1分
除咗膚色之外，我面頰上反覆出現、困擾已久嘅暗瘡印都係我護膚路上最棘手嘅難題。認真對比咗使用前後嘅狀況，我發現暗瘡印嘅淡化速度明顯比平時快，以往等暗瘡印自然消退，一般需要一個月時間先可以完全消失，但呢7日入面，我用肉眼觀察到佢嘅顏色持續變淡，面積亦逐步縮小，遮瑕嘅時候都容易咗好多。
毛孔細緻度：4.0 分
成分上，維他命C同熊果素都可以有助促進皮膚新陳代謝，所以使用後我發覺皮膚觸感變得滑溜，冇以前咁粗糙。特別係鼻翼兩側同面頰嘅毛孔位置，以往可能因為角質堆積，令毛孔睇落比較顯眼。但呢幾日觀察，發覺視覺上冇以前咁粗大，細緻度有所提升。皮膚嘅整體紋理變得平滑，望落去自然更透亮，呈現健康光澤。
總評
SHIMBI METHOD「褪黑小白鑽」喺質地同使用感方面，真係做到輕盈又滋潤，吸收得快、零黏笠感，完全唔會造成負擔，適合唔同季節同膚質使用。而功效方面，最令我驚喜嘅係佢嘅即時保濕同提亮效果，使用後皮膚即時飽滿光澤。至於大家最關心嘅淡斑效果，雖然對付陳年荷爾蒙斑需要更長時間先見到顯著效果，但對於新形成嘅暗瘡印，淡化速度確實理想。
加上連續試用7日之後，整體膚色均勻咗，令人困擾嘅暗瘡印明顯改善，皮膚由內到外透出自然光澤，證明佢嘅成分組合能夠有效發揮作用，全方位截擊黑色素。肌膚感覺上更加彈潤嫩滑，即使唔化妝，素顏狀態都見得人。宜家上妝嘅時候都唔使刻意用太多遮瑕產品。膚色均勻咗，望落去成個人自然精神爽利。
呢支精華確實係一個性價比相當高嘅選擇，如果你最近都喺度困擾緊膚色暗沉、暗瘡印難消嘅問題，不妨去萬寧了解吓呢支「褪黑小白鑽」，或者親自體驗吓佢嘅效果。
4.25
