JONZAC 高礦100%純活泉噴霧 & 14天抗敏體驗套裝｜深層修復 始於等滲活泉｜iTRIAL用家分享
踏入夏季，香港悶熱與潮濕總係令人猝不及防。只係喺戶外片刻，紫外線與高溫已經會令面部肌膚全面泛紅，乾燥灼熱感隨之而來，肌膚屏障當下格外脆弱。
法國No.1有機抗敏品牌JONZAC，其活泉水源自法國群山溫泉聖地，深入地底1,850米，屬醫學級活泉水。泉水中蘊含14種高濃度礦物，可以激活肌膚天然癒合力，高效鎮靜舒敏，同時具備抗老化功效——亦係市場上唯一具抗老化功效嘅活泉水，所以係日常必備好物。
除了日常保濕，JONZAC高100%純活泉噴霧更可隨時隨地急救舒緩，抗炎退紅。品牌亦推出14天抗敏體驗套裝，除皇牌活泉水外，仲有包括低敏卸妝潔面啫喱、低敏維C抗氧精華及積雪草深層修復霜，令我大有興趣一試。
Text & Photo: Double Yong (IG：dou2le)
實測 JONZAC 高礦100%純活泉噴霧
價錢：$99/300ml
產品介紹：
活泉噴霧最廣為人知功能係為肌膚補充水分，但JONZAC純活泉噴霧功效遠不止於此。
JONZAC純活泉噴霧來自法國奧弗涅大區群山深處溫泉聖地，泉水自地底1,850米深處汲取，純淨無菌，未經任何人工處理。泉水中含有14種高濃度礦物，包括鈣、鎂等海中微量元素。經臨床實證，JONZAC活泉水具備抗炎、鎮靜、修復及促進肌膚新陳代謝等活性功效。
更值得留意嘅係，JONZAC活泉水礦物質含量接近肌膚結構，屬於等滲透壓設計，噴灑後無需輕拍亦能快速滲透，肌膚能充分吸收當中有效成分。
臨床實證數據方面，12名用家使用高礦100%純活泉噴霧研究顯示：95%用家認同肌膚得到舒緩，93%認同長效水潤，78%認同膚色得以提亮。另外，可30分鐘即時滋潤、8天促進骨膠原增生、24小時持續提升水分達18%、12天強化角質層達22%、29天促進骨膠原生長改善肌膚紋理。
重要係活泉噴霧應用場景相當廣泛。日常保濕層面，可隨時補水，舒緩曬後或運動後肌膚不適；卸妝後用更能及時舒緩補水，減少清潔後乾燥不適；脫毛或醫美療程後，亦可快速鎮靜舒緩；甚至可用於嬰兒護理，緩解尿布疹引起痕癢與泛紅。
質地： 4.3分
噴霧水珠極為細密均勻，噴灑瞬間係一層薄薄水霧，滲透速度極快，基本上接觸肌膚後數秒已被吸收，無需輕拍，肌膚表面留下嘅係清爽水潤感，而非黏笠殘留物。呢種輕盈透薄質地，更令潮濕香港夏季中，可以為肌膚減去負擔。
鎮靜度： 4.5分
早一日户外活動令面部因日曬而出現泛紅與灼熱感，噴上活泉噴霧後，泛紅區域短時間內已有明顯減退，灼熱感亦隨之消散。連續使用數天，面部因環境刺激引起敏感泛紅情況有顯著改善，皮膚乾燥繃緊感覺亦大幅減少。對於容易因天氣轉變或紫外線而敏感嘅肌膚而言，噴霧鎮靜效果確實嚟得及時且有效。
實測 JONZAC 14天抗敏體驗套裝
價錢：$159
套裝包括：
· JONZAC低敏水潤潔面啫喱 30毫升
· JONZAC高礦100%純活泉噴霧 50毫升
· JONZAC低敏維C抗氧精華 10毫升
· JONZAC積雪草深層修復霜 10毫升
Step 1：JONZAC低敏水潤潔面啫喱 30毫升
潔面啫喱係以溫和方式卸除防水妝容及日常污垢。配方中含有JONZAC活泉水及有機錦葵花水，前者提供舒緩鎮靜功效，後者則具備出色柔膚同舒緩特性。植物性甘油成分有助鎖住水分，避免清潔過程中肌膚水分流失。產品不含硫酸鹽表面活性劑，將過敏風險降至最低。
Step 2：JONZAC高礦100%純活泉噴霧 50毫升
Step 3：JONZAC低敏維C抗氧精華 10毫升
呢款精華採用優化維C配方，穩定性更高，滲透效率更佳。主要功效為對抗初老、緊緻毛孔、提升肌膚飽滿度、減淡細紋，同時改善暗沉、提亮膚色。精華質地輕盈水潤，推開後迅速被肌膚吸收，不留黏膩感。
Step 4：JONZAC積雪草深層修復霜 10毫升
修復霜採用獨家專利配方CICATHERMALE®，結合積雪草與醫療級高礦活泉水。積雪草向來以卓越的修復力見稱，配合JONZAC活泉水中14種醫療級高濃度礦物，能即時消炎、減輕痕癢、2天淡化疤痕、12天促進肌膚再生。修復霜質地豐潤不油膩，塗抹係泛紅或敏感區域後，能迅速形成一層保護膜，舒緩不適感。
清潔度： 4.2分
啫喱質地輕盈，塗抹在面上感覺溫和。清洗後，肌膚表面防曬與輕度妝容已被徹底清除，毛孔呈現潔淨狀態。最關鍵係潔面後肌膚完全無繃緊或乾澀感覺，反而保留了一層自然的水潤感。
溫和度：4.5分
加上潔面過程中，產品塗抹於面部完全無產生任何刺痛或刺激感，即使係面部有輕微泛紅區域，使用時亦未見加劇敏感情況，溫和度值得信賴。
總評：
JONZAC 陪伴嘅14天，整體肌膚狀態亦有所轉變——泛紅頻率大幅降低，肌膚保水度與彈性均有提升，觸感變得柔嫩細緻。對於平日容易因天氣轉變、日曬、運動後或身處冷氣房間而出現敏感反應嘅肌膚而言，舒緩修復效果超級到位。
值得一提嘅係，JONZAC全線產品通過皮膚過敏測試，無添加酒精、人工香料及其他刺激成分，高敏肌膚、孕婦、甚至嬰兒均可使用。品牌同時通過歐盟Ecocert與Cosmebio國際有機雙認證。無論係日常保養，甚或戶外活動後需急救舒緩，抑或醫美療程後修復護理，JONZAC都能勝任。
如果你尋找緊一套真正溫和、有效、且具備臨床實證支持嘅抗敏護膚方案，JONZAC係好值得一試。
4.75
