OROGOLD 24K純金多元維生素去角質啫喱｜ 溫和淨化深層肌膚 達致美白抗氧化效果｜iTRIAL用家分享
平時護膚最怕就係唔吸收，精華、面霜搽極都好似冇反應，皮膚依然暗啞無光、角質層又厚。其實都係角質層過厚同毛孔堵塞引致，用幾貴嘅護膚品都係浪費。
OROGOLD 24K純金多元維生素去角質啫喱，主打溫和深層清潔，有效潔淨毛孔、淨化深層肌膚，達致美白同抗氧化效果。今次就同大家實測一下佢到底有幾好用，即刻睇睇我嘅真實分享啦！
Text & Photo: Jessica B (IG：Jessicab1213)
實測 OROGOLD 24K純金多元維生素去角質啫喱
價錢：$1,580/100ml
產品介紹：
奢華成份大拆解：三大核心成份幫肌膚做深層大掃除
24K純金：帶動整體修護，幫肌膚極速回復光澤。
扁桃酸（Mandelic Acid）：屬於親脂性果酸，可以好溫和咁深入毛孔。醫學上成日用嚟抗菌，對付暗瘡特別有效，連成年人嘅壓力瘡都解決到！
維他命C：公認嘅美白抗氧神器，主要幫手抑制黑色素、抗自由基，仲可以促進膠原蛋白增生，想皮膚白淨透亮全靠佢。
用法非常簡單：
1 . 清潔全臉，將適量啫喱塗抹於濕潤面上。
2 . 臉上輕輕打圈按摩，避免接觸眼睛。
3 . 捽出老廢角質之後，直接用清水沖洗乾淨。
4 . 建議一星期使用 1 次，幫肌膚定時大掃除。
產品實測部分
質地：4.7 分
啫喱帶有奢華嘅金箔碎片，推開觸感非常水潤絲滑，完全無磨砂顆粒粗糙摩擦感，性質溫和之餘，過水之後皮膚仲好保濕、一啲都唔繃緊。
光澤度：4.8 分
用完之後原本暗啞、泛黃嘅膚色即時提亮咗，望落好似開咗濾鏡咁透亮；而且毛孔深層污垢被清走晒，視覺上毛孔變得更加細緻緊緻，成塊臉由內到外散發出好健康嘅自然光澤！
總評：
呢款去角質啫喱真好有驚喜！性質極之溫和，完全無刺激感，就算敏弱肌膚用都好安心。用後皮膚即時變得極度軟熟、光滑，完全無乾到繃繃緊嘅感覺。幫肌膚帶走暗沉泛黃之後，成塊臉由內到外透出好自然嘅亮白光澤，連毛孔都收細咗。後續護膚品變得超好吸收，膚質都提升咗。誠意推薦畀大家，絕對值得入手一試！
5
