La Roche-Posay B5 Pro 極效修復面膜｜重建肌膚屏障與光澤｜iTRIAL用家分享
皮膚最令人擔心出現嘅狀況？敏感一定會係榜首，因為除咗又紅又熱加痕癢，伴隨一定要護膚時帶刺痛感。
而敏感並唔單止係與生俱來先發現，仲會因為工作壓力、熬夜、亂試護膚品，皮膚屏障受損下突然降臨。脆弱程度係想做醫美療程補救，都有機會連基本保濕都變得刺痛。
La Roche-Posay係我心目中嘅肌膚修復專家，源自法國，全球No.1皮膚科醫生推薦品牌。
我最早用佢哋嘅B5萬用修復霜，效果好好，從此成為忠實用家。
今次開始試用佢哋最新推出嘅Cicaplast B5 Pro極效修復面膜，一款專門針對醫美療程後及極度敏感肌嘅修復面膜，可以係你無論做完激光、彩光，定係純粹因為轉季搞到皮膚唔舒服，都可以即時舒緩肌膚不適，退紅、降溫、修復屏障。
Text & Photo: Double Yong (IG：dou2le)
實測 La Roche-Posay B5 Pro 極效修復面膜 CICAPLAST B5 PRO MASK
La Roche-Posay B5 Pro 極效修復面膜 CICAPLAST B5 PRO MASK
價錢：$300/10片
產品介紹：
市面上聲稱「修復」嘅面膜好多，但真正敢講「醫美療程後適用」嘅極少。因為醫美後皮膚有微小傷口，產品必須近乎無菌。La Roche-Posay呢款面膜嘅核心在於佢嘅成分同技術。
面膜主要成份係高濃度維他命原B5，可以滲入角質層，促進上皮細胞增生，加速受損組織癒合，同時有好好嘅保濕同抗炎作用。
另外添加咗積雪草萃取，幫助舒緩皮膚炎症、刺激膠原蛋白合成，強化皮膚基底。仲要La Roche-Posay產品都有獨有蘊含硒嘅溫泉水，作用包括天然抗氧化、抗發炎和調節免疫系統。面膜生產過程仲喺採用121°C高溫淨化技術，成個過程喺無菌環境進行，確保達到醫療級嘅工藝，就算接觸醫美後嘅微細傷口都唔會引起感染。
而根據品牌嘅臨床數據，使用15分鐘後皮膚表面溫度會平均下降5.1°C*，有效緩解灼熱感；連續使用後泛紅指數平均減少45%**；屏障功能提升24.4%***。
呢啲數字證明佢唔係單純短暫補水，而係真正修復受損嘅角質層結構。所以完全適用醫美療程後嘅即時修復，以及日常因為轉季、壓力、環境污染引起嘅敏感不適。
建議醫美療程後第一個星期日日敷作密集修護，恆常修復就每星期敷2至3次作為恆常修復，或者皮膚唔舒服嗰陣連續敷幾日做急救。
*於32 位女性進行次儀器測試。
**40 位亞洲女性使用33 天(連續6 天使用, 其後每星期使用3 次)後之臨床評估。
***64位受試者首次使用後第一天，使用15分鐘後皮膚經皮水分流失率測試結果和首次使用前對比結果，實際效果因人而異。
產品實測部分
質地及貼服度： 4.7分
面膜嘅材質係微米級極細纖維，柔軟得嚟有韌性，可以順住面部輪廓緊貼。我敷上去之後，輕輕按壓鼻翼、嘴角、下顎邊緣，面膜就乖乖貼實，完全冇氣泡。剪裁方面，眼洞同嘴洞大小適中，唔會太大露晒出嚟，亦唔會細到焗住。最驚喜係下巴位置包得好，唔會縮上去。而且使用全交叉織法，可以更強承載精華，敷住都可以自由郁動唔會滴到周圍都係。
保濕度： 4.8分
水份測試儀實測結果敷之前係45%，皮膚摸落有啲乾，仲有少少泛紅。敷完面膜之後再測數值係71%，升幅達26%。而且最令我滿意嘅係，呢個保濕效果唔係「假濕」，唔會話用完表面好濕，過半個鐘就乾返晒。呢款面膜嘅精華有真正滲透入角質層感覺，敷完之後兩個鐘，我唔搽任何嘢，皮膚依然柔軟，冇繃緊感。
鎮靜度： 4.7分
我塊面成日一直有啲泛紅，有時仲有少少微熱。我洗乾淨面之後敷上呢塊B5 Pro面膜，頭兩分鐘已經感覺到一陣清涼感，好似有冷風吹住塊面。敷到第八分鐘左右，我揭開一角睇，發現紅色已經退咗一半有多。敷夠15分鐘後成塊揭開，紅色真係退咗好多，淨返嘅紅色係好淡好淡，皮膚溫度已回復正常，摸落係涼涼哋、平靜嘅感覺，而且除咗即時降紅降溫，舒緩效果仲可以維持到第二日。
總評：
La Roche-Posay B5 Pro極效修復面膜即時舒緩能力係我見過最強嘅之一。每次皮膚出現灼熱、泛紅、痕癢嘅時候，敷上一塊，15分鐘內就有明顯改善。佢好似一個「皮膚滅火器」，好快將炎症壓落去。
另外精華嘅質地同份量控制得好好。每一塊面膜拎出嚟都唔會滴水，但精華量足夠敷15分鐘仲保持濕潤。敷完之後面上殘留嘅精華輕輕按摩幾下就吸收晒，唔需要過水，亦唔會黐立立或者搓泥。之後直接搽面霜就得。呢個設計好貼心，因為敏感肌最怕又洗又抹，搞到層皮膚更脆弱。
而且皮膚嘅光澤感同飽滿度都有提升，化妝都貼服咗好多一塊面膜已經做到保濕+舒緩+修復，唔使層層疊，真正幫助皮膚修復底層嘅健康。
如果成日覺得皮膚好唔穩定、經常冇啦啦紅熱痕嘅敏感肌朋友，或者準備做或者啱啱做完醫美療程，需要安全高效修復產品嘅人，可以去萬寧、屈臣氏或HKTVmall睇睇吓，俾自己皮膚一個真正修復嘅機會。
4.75
