【KATE 眼影胭脂】又平又好用 一盒6色多功能眼彩盤

要講開架品牌，大家絕對會想起KATE吧！相信無論你讀緊書定做緊野，化妝袋入面點都會有一樣KATE家既化妝品～因爲佢真係又平又好用。

而佢既眼影同眼線筆係我同家姐都必會回購既產品，今年春夏我地已經鎖定目標啦！

KATE 同調六色眼彩盤 Tone Dimensional Palette 係一盒六色既多功能彩妝盤，絕對岩哂懶、冇記性、鍾意用細袋既女孩們～

一齊來看看我的實測吧！

Text & Photo: Cass (IG：cassswy) | Editor：AnGel S.
 

KATE 同調六色眼彩盤 Tone Dimensional Palette

價錢：$136 / 6.8g

顏色：EX-2 紫棕色調

實測KATE 同調六色眼彩盤 Tone Dimensional Palette

質地：4分

粉質細緻，順滑絲絨質感，超有珠光感。六色都帶有閃片，但唔會極誇張。

啡棕色可以日常用，薰衣草色好有少女感，而紅色就有點性感～無論要去咩場合有岩用既顏色。

延伸閱讀：

【KATE 睫毛膏】The Lash Former睫毛膏 內外睫毛愈掃愈鬈翹！

上色度：5分

今次一盒有六色，可以做齊打亮、胭脂、鼻影同埋眼影～

首先用左D打底，搽哂成個眼窩同埋下眼肚。

然後再用E紫色，搽2-3層（紫色不算太上色，係帶點透明感粉紫），

用最深色F棕色黎畫條眼線，眼會望落精神啲。

最後我會係眼底加多少少F，雙眼會再大多少少。

然後我用左B酒紅色黎做胭脂，非常出色！好甜美既紅😍

A & C 分別用黎做鼻影同打亮，係胭脂上少少位置都做掃左一啲打亮。

我比較鍾意單色眼妝，所以哩盒對我黎講好夠用～而且都好易控制，唔會飛粉。

除左紫色外，其他顏色都好出色，無色差。

持久度：4分

化左一日大概8-9個鐘，用眼影畫既眼線甩左啲，胭脂甩左少少，但仲依然帶點粉紅，佢既持久度我好滿意呢～

總結：

一盒KATE同調六色眼彩盤 Tone Dimensional Palette $136就有6款顏色，又夠多功能，除左平、靚、正之外，我都唔知講咩好，應該係我今年見過最抵用、最好用、最有信心既一盒彩妝產品，我話買哂4盒都唔過份，你話呢😜

延伸閱讀：

【Etude House 眼影】 極抵用的9色眼影盤Tulip Day 一盒打造甜美柔和浪漫鬱金香氣息眼妝❤︎