Lancôme 淨澈亮肌精華水｜亮白極光水 提亮膚色新肌綻放｜iTRIAL用家分享

成日聽人講Lancôme有枝「極光水」好好用，用完可以重拾無暇柔軟肌膚～
所以一直都好想試下睇下可唔可以改善下自己啲暗啞肌！
用咗一排發現效果都幾好，可以改善到肌膚粗糙、暗啞、水油失衡等問題～
今日就同大家分享下呢枝Lancôme 淨澈亮肌精華水啦！

Text & Photo：Ms K (IG: msk_xoxo) 

實測Lancôme 蘭蔻 淨澈亮肌精華水 Clarifique Refining Enzymatic Dual Essence

Lancôme 蘭蔻 淨澈亮肌精華水 Clarifique Refining Enzymatic Dual Essence

價錢：$790/150ml（圖中試用品為90ml裝）

產品介紹：

Lancôme 蘭蔻淨澈亮肌精華水啟發自30年酵素科研，含有珍珠般珍貴的植物法國山毛櫸嫩芽萃。
每年初春於法國森林以人手採摘一次，獨特雙層質地，97：3 精密水油比例，
有助維持肌膚水油平衡，促進肌膚表皮細胞更新，令膚色均勻透澈亮澤，使用一星期後肌膚更亮淨！

質地易推度：4.6分 

水油配方，用前搖一搖，屬於有少少油分嘅水狀質地。雖然有油分，摸落有少少油感，但搽上面唔會笠，仍然好水潤，皮膚好快吸收。

即時保濕度： 4.3分

即時保濕效果好好，非常補水，搽完皮膚即時充滿水潤光澤，夜晚洗完面搽成晚都好滋潤，即時改善皮膚乾燥問題。

光澤度： 4.4分 

用咗一排光澤度明顯提升，皮膚透亮度亦提升，令整體膚色更均勻。

毛孔細緻度： 4.2分

用咗一個星期之後，毛孔無咁明顯，皮膚柔軟咗，感覺肌膚年輕咗，效果唔錯！

總評︰

呢枝Lancôme 淨澈亮肌精華水真係一試愛上，每次洗完面用，有種二次清潔同埋好滋潤嘅感覺～
雖然係水油配方但一啲都唔油，用完肌膚更水潤，明顯亮白咗，光澤度提升！
特別推薦同我一樣混合性肌膚嘅人使用，如果想同我一齊體驗透亮年輕肌膚的秘訣，就快啲去試下啦！

快啲按連結了解更多吧！