【YSL Beaute 唇釉】夏天必入手韓國SNS話題之作! YSL絕魅柔霧唇釉零秒心動❤
20.07.2020

身為唇膏忠粉嘅我,YSL每次出新唇膏/唇釉我點會入手返1-2隻色~ 今次呢款YSL Beaute全新「絕魅柔霧唇釉」簡直係擊中我嘅少女心!超夢幻柔霧妝效絕對係今年夏天嘅大熱潮流,更係韓國性感女神泫雅代言!! 想少女+性感集於一身嘅話,就要試下YSL Beauté Tatouage Couture Velvet Cream啦~

 

Text & Photo:TiffanyC (IG:_tiffanycc_)  | Editor: AnGel S.

 

ysl beauty 唇釉 霧面 Tatouage Couture 好用 推薦 2020 香港

YSL Beauté 絕魅柔霧唇釉 Tatouage Couture Velvet Cream

價錢:$310

色號:211 Chili Incitement 


包裝: 

黑色磨沙包裝設計個性十足,係街攞出嚟補妝一定型盡全場。


實測YSL Beauté絕魅柔霧唇釉 Tatouage Couture Velvet Cream 

ysl beauty 唇釉 霧面 Tatouage Couture 好用 推薦 2020 香港

易塗度:5分

改良版氣墊唇刷比較闊身,兩三下手勢就可以搽到一個迷人唇妝,前面較尖嘅位置可以完美勾劃唇形。


ysl beauty 唇釉 霧面 Tatouage Couture 好用 推薦 2020 香港

質地:4分

一搽上嘴好水潤易推,而且不黏笠,偏向霧面質地,但佢霧面得嚟唔會覺得乾,我好鍾意呢款YSL唇釉,因為佢集啞光同水光於一身~ 既保留果份霧面嘅朦朧感,同時又有微微水潤光澤效果,令雙唇望落更豐盈,有留意開唇妝潮流嘅朋友仔一定會知今年流行豐盈嘅唇妝,望落好juicy、好kissable~


延伸閱讀:

【YSL Beauté 粉底霜】貼服+自然光澤 一支過打造通透底妝!

 

ysl beauty 唇釉 霧面 Tatouage Couture 好用 推薦 2020 香港

左邊: 薄搽左一層;右邊: 疊加兩層

我用緊嘅係211號色,你可以見到其飽和實色嘅妝感,可以遮到本身唇色同時有柔焦感覺,佢仲唔顯唇紋!

211 Chili Incitement係一隻超顯白嘅復古紅棕色,佢偏棕調令人散發出一種淡淡嘅高貴氣質,黃皮膚搽佢係會超顯白~


上色度:4分

YSL一向係上色度方面都做得好出色,色彩飽和感好高,想要一個較自然、比較日常少少嘅偽素顏唇妝,可以薄搽一層,化出韓國流行嘅咬唇妝~ 

如果想令雙唇望落更豐盈,可以將唇釉點係唇部中間位置,再慢慢用手blend開,咁樣望落冇咁實色又更有層次感~ 

如果想望落型格少少,有泫雅女王氣場嘅感覺,就可以full lip咁搽/疊加兩層,我覺得full lip搽會再顯白多啲~ 

 

滋潤度:3.5分

岩岩搽上嘴果陣feel到有層滋潤感係度,但當你食左野要補唇色果陣會feel到有啲乾~

 

ysl beauty 唇釉 霧面 Tatouage Couture 好用 推薦 2020 香港

持久度:4分

持久度唔錯,食完野仲keep到5成色,不輕易脫妝~ 重點係依家成日都帶住口罩,有時少不免會除低口罩,唔想比人見到冇血色、好冇精神嘅樣,就一定要搵番支夠曬long lasting嘅唇釉,咁先唔會沾上口罩,避免成個口罩沾滿曬唇色咁尷尬~


 

總評:

今次新出呢款YSL Beaute絕魅柔霧唇釉係我好推介嘅唇釉,無論係顏值、上色度定持久度都唔錯,無論薄搽定厚搽,效果都好靚,一支唇釉已經可以化到兩個妝容! 

作為一款霧面唇釉嚟講,佢唔算好乾,乾唇朋友用佢前最好先搽潤唇膏打底!雖然呢排成日都要帶住口罩,但對於唇膏腔嘅我嚟講,就算唔化底妝,點都要化返對眼同個嘴,即使除口罩都依然keep到好氣色。

我終於明點解係韓國推出果陣已經被韓妹係SNS瘋狂洗版,超夢幻柔霧妝效絕對係今年夏天嘅大熱潮流,想成為泫雅必備!!!


延伸閱讀:

【Giorgio Armani 唇釉】Ecstasy Mirror顯色潤澤又持久 2020一定要擁有呢支!


總評分
3.75
質地
效果
抵買
推薦
Share :