【Melvita 美白面霜】超有感！KO膚色不均＋改善暗啞肌膚！

自疫情開始到依家，每日都要帶住口罩，肌膚因為經常帶口罩而變得暗啞，面上暗啞嘅肌膚令到我望落好憔悴～唔止！唔理佢嘅話，仲會引起膚色不均問題！Melvita最近推出新品 有機透白光感面霜，馬上試下係咪做到均勻膚色同提亮先！

Text & Photo：TiffanyC (IG: _tiffanycc)

實測 Melvita 有機透白光感面霜 Nectar Blanc 4D Brightening Cream

Melvita 有機透白光感面霜 Nectar Blanc 4D Brightening Cream

價錢：$460/50ml

質地／易推度：3.5分

質地比教厚實，不算易推，推開後需較長時間比皮膚慢慢吸收

清爽度： 3.5分 

雖然佢比較難推開，但被皮膚吸收後，佢會滲入皮膚入面，唔會停留係皮膚表面，摸上手唔會覺得好黏笠，但係需要比時間佢慢慢吸收。

左邊面：冇搽到面霜；右邊面：搽左Melvita美白面霜

美白 / 膚色均勻度：4分 

光澤度：4分 

大家可以見到冇搽到面霜嘅果邊面，額頭位置同埋嘴角下巴位置都比較暗啞，有膚色暗沉問題。

而右邊面有上面霜，可以見到膚色明顯提亮左亮白左，整體膚色望落均勻左，就算冇搽粉底都提亮到膚色。
 

總評：

連續使用一個禮拜，最大感受係佢嘅提亮膚色效果真的不錯，使用後可以見到膚色明顯提亮左亮白左，整體膚色望落均勻左，就算冇搽粉底都提亮到膚色。就算唔化妝，都唔會望落有膚色不均問題，而且佢唔會令肌膚造成負擔～由其係依家成日帶口罩，盡可能都會skip粉底，因為一整天焗住皮膚好容易爆暗粒粉刺！我依家每朝化妝前搽完佢，之後直接搽一層碎粉，底妝部分就完成了！