【 L'Occitane精華水】精華除咗可以上妝前噴，仲可以隨時隨地保濕肌膚！

生活上各種外來因素，例如壓力、睡眠不足、生活忙碌及空氣污染等都會引起皮膚失衡問題，令皮膚水分流失、欠缺彈性、容易變得皮膚敏感、暗啞、疲倦同脆弱。面對轉天氣，溫度及濕度變幻無常，皮膚好容易變得敏感同唔穩定，所以喺護膚上我都會加強保濕。最近皮膚好容易敏感泛紅，仲生咗唔少粉刺同暗粒，皮膚狀況唔穩定，就等我試下L'Occitane蠟菊煥活健膚精華水究竟係咪真係可以令肌膚變得穩定啦！

Text & Photo：TiffanyC (IG: _tiffanycc)
 

實測 L'Occitane 蠟菊煥活健膚精華水 Immortelle Reset Triphase Essence

L'Occitane 蠟菊煥活健膚精華水 Immortelle Reset Triphase Essence
價錢：$530/150ml

噴霧質地：4分

噴霧好幼細，唔會好濕/一次過噴得太多，影響整個妝容
 

滲透度：4分 

噴完上面之後，我會輕拍面頰等佢容易啲吸收落皮膚底層。滲透力唔錯，一噴上面好容易被皮膚吸收，清爽唔黏笠。

Before: 43% ; 29%

After: 83% ; 26%

即時保濕度：5分 

可以見到before & after嘅分別，真係做到即時保濕，即時上升咗40%
 

實用性：4.5分 

除咗上妝前噴，令之後底妝更貼服外，仲可以上完妝再噴，keep住個底妝整日都好保濕～～

總評：

連續使用一個禮拜，最大感受係佢嘅保濕效果同滲透力都唔錯。大家都可以見到佢嘅即時保濕效果好好，有效咁舒緩肌膚敏感問題，keep住用令肌膚變得穩定。每次使用後都會覺得好舒服，精華水好快就可以滲透落肌膚底層，真係feel到肌膚即時好飽滿，好似pump滿水咁。精華水質地清爽輕盈，加上保濕滲透力唔錯，好啱香港天氣使用，一年四季都適合用，特別推薦俾混合性肌膚sis們！