【IPSA 唇釉】 奶茶腔歡呼吧！想成為溫柔小姐姐必入 光澤柔滑唇釉！｜iTRIAL美評
平時我都好怕用唇釉，因為感覺會好乾同埋會好難卸，實色到令人卻步，但試完IPSA Lip Color 光澤柔滑唇釉後對唇釉完全改觀了，才發現到原來唇釉都可以咁滋潤同易卸，究竟佢係咪真係咁正？等我哋 iTRIAL美評同大家測試一下啦！
Text & Photo & Video: TiffanyC (IG: junhei_tiffany) | Editor： AnGel S.
實測IPSA 光澤柔滑唇軸 Lip Color
價錢：$210
色號：#02 & #07
掃頭：
微彎嘅掃頭可以好精準塗唇山同唇邊位置。
#02 焦糖奶茶色 （Butter 光澤奶油質感系列）
呢隻色超～級～靚！我終於明白點解佢係大熱之選！佢十分百搭，無論任何場合都可以搽得到，奶茶色調中加左少少橘調，超級顯白，由其係對於我地呢啲暗黃膚色嘅女生來說，更有明顯提亮膚色的效果，本人大推呢支！佢為雙唇帶來柔滑光澤，清徹豐盈，卻不膩的唇妝體驗。
#07 杏仁奶茶色 (有點似太妃糖色) （Whipped Cream 啞緻奶油質感系列)
呢支係溫柔小姐姐必備！一塗上嘴不得了，氣質即刻上升百倍，我覺得呢支係一年四季都好岩用，由其係同男朋友約會，搽呢支實冇錯了，男士們好怕女仔搽一啲好Sharp嘅唇膏，呢支就岩岩好啦，望落去溫柔同埋好kissable！佢為雙唇帶來濕潤效果，順滑啞緻的質感營造濕潤、光滑的霧面效果卻不會令唇部乾燥。
就呢兩支唇軸，我做了三個小測試～
黏笠度：4分
我以風扇模仿係街上嘅風，結果不出所料有點黏頭髮，始終佢都係比較滋潤，所以有少少黏頭髮係可以接受的。
持久度：3分
我以水杯測試持久度，飲水過後杯上已沾有不少唇膏，但嘴上仍然有5成色，所以還不錯。
易卸度：5分
我以卸妝濕紙巾抺走唇釉，發現輕輕一抺已經抺走所有唇膏，十分容易卸走。
總評語：
我覺得IPSA呢兩支唇釉好滋潤，一啲都唔乾，而且仲好易卸，完完全全打破了我一直以來對唇釉嘅誤解，自從用完佢之後就愛上人左用唇釉啦！今次出嘅唇釉顏色都好百搭，沒有什麼難襯嘅唇色，所有唇釉都好易carry到。特別推薦今次試用嘅兩款，奶茶色嘅唇釉，最最最特別嘅地方就係大家買之前可以IPSALYZER專業皮膚分析的升級「潛意識意向測定」中，以簡單的情境選擇，找出你潛藏內心的靈感取向，為你找到專屬#潛意識唇釉，更可根據你心中想改變的程度來挑選不同的#潛意識唇釉 ，咁大家就唔怕買錯色啦！
4.5
