【fresh 紅茶爽膚水】護膚簡單一步 肌膚保濕有光澤 敏感肌都適用的精華水

21.07.2021

Fresh紅茶酵素抗污染精華水 (Black Tea Kombucha Facial Treatment Essence) 可以話係品牌皇牌產品之一,自推出以來一路廣受好評!精華水以紅茶酵素作為主要成份,再加上柑橘果皮萃取同非洲臘腸樹果萃取,一支就可以為皮膚帶來8大好處,例如24小時抗污染抗氧化、帶來長效潤澤、提亮膚色及淡化細紋等等。最新證實精華水更有效對抗藍光!

每日用法簡單,潔面後第一步先搽紅茶精華水,為皮膚保充水份同幫助後續護膚品更易吸收。下面我會同大家一齊測試下fresh紅茶精華水嘅質地/易推開度、清爽度、即時保濕度及光澤度。

Text & Photo: Tiffany Tsoi (IG:@your.beautyteller )

 

實測紅茶酵素抗污染精華水 Black Tea Kombucha Facial Treatment Essence

紅茶酵素抗污染精華水 Black Tea Kombucha Facial Treatment Essence

價錢:$280/ 50ml ; $620/ 150ml ; $860/ 250ml


質地/易推度:4.5分

fresh紅茶精華水質地比起普通爽膚水會稍為厚少少,但都係偏向透薄輕身。流動性強,容易推開,亦都唔會好難吸收。
 

清爽度: 3.8分 

啱啱搽上面嘅時候會有少許黏笠感,睇圖會見到面油紙有痴住皮膚嘅情況,但佢未至於會因爲精華水黏笠/油膩而令到面油紙變深色。按多兩下吸收後會變得清爽一點。


即時保濕度:4分

即時保濕度效果都唔錯,使用後皮膚水份立刻由46%提升到58%,升左多過10%。
 

光澤度:3.8分 

(比較圖:連續試用一星期 (7日)嘅效果)

用左fresh紅茶精華水後皮膚有微微變得更有光澤,比之前透亮,無咁暗沉。同埋我覺得精華水淡化啲印效果幾好,好似面額側邊明顯有啲印 (Before圖),用紅茶精華水呢個禮拜我無特別去再用淡印/美白精華,但係After圖會見到啲印淡左好多!

 

總評:

連續使用fresh紅茶精華水一個星期後,我覺得皮膚變得更透亮有光澤,肌膚彈性好左,而且淡化印效果幾好。佢保濕度唔錯,乾肌係夏天夠用。但係我頭一兩次試嘅時候有少少刺痛感,皮膚有啲發熱,如果同我一樣係易敏感嘅要注意下。我自己做法係慢慢加強肌膚對佢嘅耐受性,一開始用嘅時候可以先將精華水倒係化妝棉,再係面上抹開,早晚都係咁做。過左3-4日再改做倒係手心,雙手合埋輕輕搓開,再按壓上面。份量慢慢增加,之後用佢就無左唔舒服嘅感覺,大家有需要可以參考吓呢個做法。

總評分
4
質地
效果
抵買
推薦
Share :