Clarins 全新賦活精華眼霜 2In1 | 小資女恩物!一支有齊眼精華眼霜,輕鬆改善眼部肌膚問題!

08.10.2021

係戴口罩嘅日子下,眼睛成為我地最矚目嘅地方,所以對好多人黎講眼部保養變得更加重要!我因爲睡眠質素較差,再加上有嚴重鼻敏感,經常也沒精打采,所以有一對好深嘅「熊貓眼」。加上平時有捽眼呢個壞習慣,導致我眼底有眼紋問題。Clarins今次延續王牌Double Serum嘅優勢,推出全新賦活精華眼霜2In1,以黃金比例2:1調配,眼精華同眼霜一支搞掂曬,性價比高!下面我會同大家一齊測試下呢款精華眼霜,由質地、保濕度等方面入手,測試吓佢可唔可以係7日內減淡皺紋同去黑眼圈。

Text & Photo: Tiffany  (IG:@your.beautyteller )


實測Clarins 賦活精華眼霜 2In1 Double Serum Eye

Clarins 賦活精華眼霜 2In1 Double Serum Eye

價錢:$600 / 20ml

產品介紹:

全新賦活精華眼霜 2In1 Double Serum Eye 採用雙管設計,以黃金比例2:1注入眼精華同眼霜,只需一泵就滿足曬眼部肌膚所需的保養。眼精華加入了有機法國峨蔘萃取,可以令年輕蛋白激增119%,更有效改善眼紋,緊緻肌膚。而眼霜則含有超級成分薑黃,可以達到5大細胞修復功效:再生、滋養、保濕、活氧及防禦、改善黑眼圈。連續使用七天,可以減退眼紋,黑眼圈及滋潤修復。
 

質地:  4分 

精華眼霜設有兩種份量,用嘅時後可以按照個人所需轉動泵頭調節用量。泵出黎會有兩個質地,一半精華狀,一半乳液狀,兩者可以輕易混合。質地容易推開,塗抹上眼感覺輕薄舒服,無厚重感。

 

清爽度: 3.8分 

剛塗開精華眼霜時會有少少黏力,睇圖會見到面油紙有黐住皮膚嘅情況,但係並無因爲油膩而令到面油紙變深色。配合按摩,當精華眼霜吸收後,會變得清爽。
 

即時保濕度: 4分

即時保濕效果不錯,使用後提升了約15%,早上使用後再上遮瑕膏有變得更加貼服。

滋潤度: 3.8分 

精華眼霜入面含有奇異果有機萃取,內有豐富維他命C、A、B、E,有助滋養眼底肌膚。我的眼底比較乾,用落覺得滋潤度中等,依家呢啲炎熱天氣用都夠嘅。
 

去黑眼圈度:3.8分

用了短短一星期,眼底黑眼圈有減淡到,近眼尾部分效果會比較出。雖然黑眼圈依然明顯,但我覺得精華眼霜有發揮其功效,長期使用效果應該會唔錯!
 

改善皺紋度:3分

我的眼紋集中在眼底(箭嘴指着部分),用完這個星期後我覺得淡紋呢方面無好明顯效果,可能要持續用耐啲先會見效。


總評:

呢款精華眼霜我還是滿意的,我覺得可以一試!質地容易接受,上眼舒服,唔會覺得有厚厚一層黏住皮膚。保濕不錯,容易吸收,早上使用後沒有跟化妝品「打架」,無因為太笠太潤而令化妝品起擦膠碎。加上它有兩個泵頭可以調整用量,偏油膚質可以選用細泵,偏乾就可以用大泵。用了短短一星期,我覺得黑眼圈有減淡到,眼底有感覺無咁乾,眼部肌膚幼嫩了,如果持續使用我相信效果應該會不錯。總括來說,我覺得呢款精華眼霜可以一試!性價比較高,小資女只較一個價錢就有齊精華和眼霜,使用時也比較方便,將日常兩個護眼steps混合做一個,懶人必試!

大家如果有興趣,可以到官網或專櫃購買全新賦活精華眼霜 2 In 1

http://p.nmg.com.hk/z12469

總評分
4
質地
效果
抵買
推薦
Share :