【benefit 眼線筆】又油又水挑戰Roller Liner啞緻眼線筆!畫咩都得!| iTRIAL美評
19.02.2019

有留意開化妝品嘅你,相信對benefit呢個牌子都唔陌生?!平時試佢哋嘅眉部產品多,今次就等我哋iTRIAL美評試吓benefit全新Roller Liner啞緻眼線筆好唔好用啦?!

Text:吉吉 (IG:katiekwongxx) | Photo:吉吉 & Sing Ho

Benefit Roller Liner 啞緻眼線筆(啡色)

價錢: $195/ 1ml

平均價錢:$195/ ml

Benefit Roller Liner 啞緻眼線筆 實測

畫上手效果

易畫度:5分

上色度:5分

顏色是較深嘅啡色,好順滑,唔會化開!上眼後眼睛即時變得有神,更blingbling✨。因為用了氈尖筆設計,非常方便,可以均勻地畫到任何線條。直又得,彎又得!新手都無問題?!

用力眨眼

有一少少掉落了

持久度:4分

用力眨眼後,眼尾有少少眼線甩咗,跌咗落下眼線嘅位置。但程度並不算太嚴重,可以接受!

防水度:1.5分

防水效果並不太理想,噴咗水上去,大約甩咗七成?而我上眼嘅效果都差唔多,有一次用咗佢,嗰日我笑到標眼水,點知笑完之後眼線就甩咗一半,特別係眼尾嘅位置!
不過甩還甩,都無搞到隻眼黑哂,只係有一點點黑色,抹返走,補個妝就OK〜如果你同我一樣,成日笑到標眼水,會流眼水又鍾意喊嘅話,可能就不太適合你??

防油度:3分

防油度反而比防水度好,滴咗成滴油上去約甩咗一半!不過鑑於我地隻眼係唔會出成滴油,所以都算滿意?

總評語:

總括而言, benefit Roller Liner 啞緻眼線筆的確好上色好容易畫,適合新手使用,不論畫邊種線條都可以輕易完成!但係對我來說,防水度就不太滿意,只要一出眼水或者流眼淚就會甩!?
不過我有朋友用喺佢眼上面又好少甩,所以如果你都係淚腺比較發達或者屬於「油眼」嘅話都要小心啦!?

總評分
3
美評
Share :