【Benefit 定妝噴霧】全新POREfessional強力無重定妝噴霧!修飾毛孔同時持妝長達16小時!

04.05.2021

就到立夏,天氣開始轉熱,好多女仔都擔心好快會熱到溶妝,有啲朋友仔更會遇到未出門口已經開始流汗嘅情況,有時真係唔化好過脫妝。所以每到夏天,大家嘅定妝一定要做好,防止遇上溶妝脫妝嘅尷尬情況!

講到定妝,近年開始興起用定妝噴霧,有人更話定妝噴霧係乾肌人士嘅福音,因爲通常佢會比起傳統碎粉更加保濕唔乾。Benefit最近推出咗全新強力無重定妝噴霧The POREfessional: Super Setter Makeup Setting Spray,利用專有成份 - 零毛孔無瑕細緻粉末去減少泛油情況同修飾毛孔。除此以外,呢款定妝噴霧更聲稱可以維持妝容不溶不脫長達16小時!

下面我會同大家一齊試下呢款定妝噴霧,測試佢嘅清爽度、遮毛孔度、光澤感同持久度!


 

Text & Photo: Tiffany Tsoi

實測Benefit 強力無重定妝噴霧

Benefit 強力無重定妝噴霧

價錢:$285


 

噴霧質地:4.5分 

噴霧質地輕身,噴出嚟嘅霧水好細,喺臉上好快吸收。同埋佢不含霜狀嘅潤膚成份,唔會有厚厚一層嵌着皮膚嘅感覺,噴在臉上係舒服的。
 

清爽度:4分 

定妝噴霧吸收得好快,而之後底妝會變得比噴之前清爽。睇圖會見到吸收咗後,面油紙並沒有變深色,說明不存在油膩感,十分清爽。


 

遮毛孔度:2.5分

使用定妝噴霧後遮毛孔效果不明顯,睇圖會見到面額圈起咗嘅毛孔位使用前後分別不算太大。
 

光澤感:2.5分

另外,定妝噴霧不算是走「光澤感」路線,而是偏向「霧面型」一點,因此底妝看上去比較沒有呈現光澤,同用之前妝效差不多。


 

持久度:3.5分

在使用定妝噴霧幾個鐘後,可以在圖中的圈住嘅位置見到臉部出現輕微泛油情況,鼻翼位置亦有少少浮粉。


 

總評:

Benefit呢款新定妝噴霧使用起來感覺舒服,噴出嚟嘅水珠夠細夠均勻,吸收快,而且無整花個妝嘅問題,感覺用後妝感更清爽。可能因為我係屬於乾性肌膚,所以喺修飾毛孔、光澤度及持久度上喺我臉上效果就唔算太大,個人習慣上好似用碎粉感覺肌膚較保濕,若是油肌或混合肌的朋友使用,使用Benefit新定妝噴霧效果應該會更顯著!

總評分
3.5
質地
效果
抵買
推薦
Share :