【bareMinerals定妝噴霧】定妝保濕噴霧 想要完美無瑕又想要小顏立體感? 竟然係靠一支定妝噴霧? | iTRIAL美評

Tiff哥一向行開歐美風，奶油肌絕對唔係我的心水。Tiff哥的粉底一定係matte身的完美肌，此外閃閃令的highlighter同眼影我都有唔少。今次真係Tiff哥都要碌大對眼，定妝噴霧都可以做到立體感的妝容，仲要係有微細閃亮粒子，自然透亮感呀!一定要在iTRIAL美評試試呢支，bareMinerals Dew Mist Setting Spray定妝保濕噴霧!

Text & Photo：Tiff哥 (IG: Cytfany) | Editor：Tiffanypanda

bareMinerals 定妝保濕噴霧
Dew Mist Setting Spray

價錢：$240/100ml

點擊查看產品資料

實測 bareMinerals 定妝保濕噴霧
Dew Mist Setting Spray

輕輕係手上上一層粉底，加多一層定妝噴霧，左右對比做實驗

今次實測用左一個Tiff哥覺得甩到hihi，同時濕度勁高的粉底，測試下Dew Mist的效用。輕輕係手上上一層粉底，加多一層定妝噴霧，左右對比做實驗。

本身呢隻粉底標榜一搽上面即刻補濕，果然係無講錯。無噴定妝噴霧，濕度47%。

噴左定妝噴霧，濕度45%。

保濕度：4分

before --- 濕度47%   after --- 濕度45%

如此Dew Mist真心比下去，單上粉底都比噴左噴霧的高，但係都keep到45%，保濕度唔差，只係對比下有差異。

濕一濕水，測試佢既定妝效果。

反而噴左定妝噴霧，眼線都甩埋.....

持久度：2分

呢隻粉底俾我嫌棄的主因就係唔持久，而結果出爐，其實噴左都唔係咁持久。加D水落手，印一印，都即刻出晒黎，連眼線筆都甩埋，做運動或者夏天出戶外就免啦。

題外話，Dew Mist有閃粉，但係噴得唔好會唔平均。

總評語：

低過3分，其實Tiff哥都無打算推薦。之不過，光澤度都係高，只係要有充足的光線底下先見到。以一支定妝噴霧黎講，可以話係失望而回。但係保濕噴霧而言，佢都仲有佢的價值。至少，Dew Mist Setting Spray的成份有康普茶酵素，抑制污染物同自由基; 西瓜及蘋果萃取，加上繡線菊萃取，同埋有滋潤控油功效。只可惜係命名為定妝噴霧，如果係保濕噴霧一定大愛!