Yii 再生補濕活氧精華(Moisturizing Essence) 再生提亮修復乳霜 (Cream R)｜轉季救星，肌膚重現水潤光澤｜iTRIAL用家分享
最近轉季，我嘅皮膚又開始作怪，泛紅敏感同缺水問題一齊湧現，搞到塊面成日繃緊又暗啞，甚至紅卜卜真係好煩惱。所以留意到全新日本肌養品牌Yii嘅皇牌產品——Moisturizing Essence再生補濕活氧精華同Cream R再生提亮修復乳霜，就想感受一下肌膚重生嘅魔法效果。呢個新日本品牌主打肌養品，尊重肌膚自然節奏，以高濃度、高滲透力嘅配方與平衡養肌哲學，深層修復肌膚細胞、強化肌膚屏障，引領肌膚回歸最理想的狀態。我好欣賞佢嘅養肌理念，主張唔只係外在美的護膚步驟，而係一場養生與養肌並行嘅儀式，重視健康與可持續嘅生活態度。
講返Yii呢兩款皇牌產品主打緊緻修復同保濕鎖水，可以刺激細胞活力，對抗氧化壓力，令肌膚更加平滑透亮，所以都適合轉季或者肌膚狀態唔穩定嘅時候，令肌膚重現水潤光澤！
Text & Photo: Double Yong (IG：dou2le)
實測 Yii Moisturizing Essence 再生補濕活氧精華
Yii Moisturizing Essence 再生補濕活氧精華
價錢：$580 /30ml
產品介紹：
Yii嘅皇牌產品，呢支再生補濕活氧精華主打水基質地，滋潤零負擔，特別適合30+使用。佢採用咗雙聯式透透技術，能夠刺激細胞生長因子，提升肌膚含氧量，從而修復細紋，改善飽滿度流失同暗啞膚色。官方話連續使用7至14日就可以重拾透亮飽滿，煥發淨白同緊緻輪廓，聽落真係好吸引。我本身皮膚偏乾，轉季時特別容易敏感，所以對呢支精華嘅紓敏同保濕效果特別期待。
產品實測部分
質地：4.8分
精華質地好水潤，流動性高，推開之後好快就被皮膚吸收，唔會留下任何黏膩感。佢嘅質地輕盈透薄，用後肌膚感覺柔軟飽滿，完全唔會有負擔感，又唔會影響後續護膚步驟，尤其適合而家潮濕悶熱嘅天氣使用。我的用法是每次泵2下，按壓上臉，等待20-30秒再重覆做多2-3次，每次用完皮膚都好似飲飽水。
即時保濕度：4.9 分
使用前，我嘅肌膚含水量只有28%，皮膚明顯偏乾，摸落去有少少粗糙。用完精華之後，含水量即刻飆升到47%，肌膚即刻變得水潤飽滿，摸落去滑溜咗好多。Before同After嘅對比真係好明顯，證明佢嘅即時保濕效果極佳，用完之後肌膚即刻水潤咗，日頭使用夠清爽，晚間用亦夠滋潤，完全唔會令皮膚覺得負擔。
緊緻提升度： 4分
每日早晚各一次，肌膚嘅變化真係令人驚喜。Before嘅相片中可以見到下顎線條有少少鬆弛，蘋果肌位置亦唔夠飽滿，膚色偏暗啞。After嘅相片中就明顯見到下顎線條緊緻咗，蘋果肌提升咗，膚色亦變得均勻透亮。
紓敏度：4.3分
我本身皮膚容易泛紅敏感，尤其轉季時更加嚴重。Before嘅相片中，面頰同鼻翼位置有明顯泛紅，皮膚狀態唔穩定。連續使用7日後，After嘅相片中泛紅情況大大減輕，皮膚變得平靜同穩定，摸落去亦更加平滑。
實測 Yii Cream R 再生提亮修復乳霜
價錢：$480 /30g
產品介紹：
呢支乳霜專為初老乾燥肌膚而設，質地豐潤但唔膩，可以源源養肌，日復日注入再生光彩，重現飽滿柔滑細緻肌。官方話連續使用7天就可以見到輪廓緊緻，膚質透亮細緻，減淡細紋。
產品實測部分
質地：4分
乳霜質地豐潤但唔厚重，推開之後好快就被皮膚吸收，留下嚟嘅係一層細緻嘅保護膜，感覺滋潤但唔黏膩。吸收後肌膚感覺滋潤飽滿，尤其適合缺水肌膚，它係油包膜嘅面部乳霜質地，係品牌嘅皇牌產品，可以長時間鎖水保濕。
鎖水度：4.6分
每晚塗上面霜後，第二朝起床肌膚都依然保持水潤，唔會乾繃。Before嘅相片中，肌膚明顯缺水，細紋同乾紋都比較明顯。After嘅相片中，肌膚變得飽滿有光澤，細紋亦減淡咗不少，鎖水效果極佳，而且帶妝全日都唔會卡粉，真正做到長效保濕，個妝仲可以全日持久貼服。
肌膚飽滿及光澤度： 4.5分
而下顎同蘋果肌位置，Before嘅相片中肌膚鬆弛欠彈性，膚色暗啞。After嘅相片中，肌膚明顯緊緻咗，蘋果肌提升咗，輪廓更加分明，膚色亦變得均勻透亮，好似「飲飽水」一樣，整體氣色都好咗不少。
總評
將Yii Moisturizing Essence再生補濕活氧精華同Cream R再生提亮修復乳霜疊加使用，真係1+1>2嘅效果！精華先為肌膚注入水分同營養，質地滋潤易吸收，即刻紓緩咗我轉季時嘅泛紅同敏感。跟住塗上乳霜，佢豐潤嘅質地形成一層保護膜，鎖住精華嘅水分同活性成分，令保濕效果更加持久。使用後肌膚感覺飽滿有彈性，朝早起身都依然水潤，唔會乾繃。連續使用幾日，膚色明顯均勻咗，下顎線條緊緻咗，蘋果肌都提升咗，成個人都精神咗好多。絕對係轉季護膚嘅必備組合！
4
