【YSL粉底】恆時啞緻氣墊粉底 又要透亮又要無瑕疵 唔洗天生麗質都做到? | iTRIAL美評

Tiff哥又同大家見面啦! 大家心目中的完美肌係點呢? 我可以好肯定，一定唔係自己個塊面。個個人都想有完美肌，唔通個個人都有咩? 但係擁有左呢個YSLBeauté All Hours Cushion Foundation 恆時啞緻氣墊粉底SPF50/PA+++，你就可以無時無刻都有完美肌! 即刻在iTRIAL美評測試一下！

Text & Photo：Tiff哥 (IG: Cytfany) | Editor：Tiffanypanda

YSL Beauté 恆時啞緻氣墊粉底
All Hours Cushion Foundation SPF50/PA+++

價錢：$480

色號：#20

點擊查看產品資料

實測 YSL Beauté 恆時啞緻氣墊粉底
All Hours Cushion Foundation SPF50/PA+++

Tiff哥手大，通常三隻手指放得到入去個cushion到就開心，YSL呢個cushion好難三隻手指放到，令到上妝感覺上無咁方便。另外個粉底十分容易沾上，輕輕一下就拎晒全面的份量。(可能係新貨的關係...)

質地：

認真，一上手係覺得薄到似防曬。首先係因為比自己塊面的色再淺左一度，同防曬的色無太大分別，完全視覺感受到防曬的感覺。

嘗試用YSL粉底遮走YSL字

遮瑕度：4分

上第三層終於遮得晒，證明係可以疊加的粉底。紅印係絕對可以遮到，黑色圈有少少遮唔晒。但係呢種遮瑕度，for平時出去影外景，夠晒做!

未上妝之前

保濕度：4分

上左妝之後，都仲keep到46%，幾驚喜。粉底最緊要唔好乾，但係通常滋潤度高就會油同埋厚。YSL呢隻粉底超驚喜，唔係真勁保濕，但係以一個遮瑕度唔差的粉底黎講，呢個程度的效果已經好滿意。

行左5個鐘的山，又落雨又太陽，又焗又濕，都唔溶!

總評語：

Tiff哥向來為大家服務，所以絕對唔馬乎，要試就試到出街! 試左做運動前後，認真防汗防水，行左個5小時的山，又曬又落雨，都無甩到粉底!!! 仲要完全無乾紋喎，望落只會覺得係自己的皮膚好天生麗質的感覺! 0.5分係扣左係中等遮瑕度個到，始終我對YSL的期望都好大。