【YSL Beauté 粉底霜】 史上最高保濕精華比例 兼具光澤感與高遮瑕嘅底妝 !? |iTRIAL美評

16.04.2020

YSL Beauté Touche Éclat系列一向都好受歡迎,由最初嘅明彩筆,到之後被譽為「超模粉底」嘅粉底液,我都有用!今次系列再推出新產品 — Touche Éclat Le Teint Crème 明彩透亮粉底霜,有高濃度保濕精華,聲稱可以做到有光澤又有柔焦效果嘅妝感。

今日我想同大家一齊試下呢款新粉底,試下係咪真係做到聚光柔焦,測試佢嘅遮瑕度、保濕度、持久度同氧化情況!

Text & Photo: Tiffany Tsoi (IG: @your.beautyteller) | Editor:AnGel S.


實測YSL Beauté 明彩透亮粉底霜 Touche Éclat Le Teint Crème

YSL Beauté 粉底霜 粉底 輕盈 光澤 高遮瑕 底妝 iTRIAL美評 實測 用後感 review

價錢:$550 (全7色)

色號:B20

點擊查看產品資料


YSL Beauté 粉底霜 粉底 輕盈 光澤 高遮瑕 底妝 iTRIAL美評 實測 用後感 review

質地:

粉底流動性唔算好強,但易推,延展性高。除左有高保濕精華,仲加入左萬壽菊同歐錦葵,有舒緩同亮肌效果,係一款護膚型粉底。所以我會建議用手指或掃上,用sponge上會比較吸粉,比較浪費。


YSL Beauté 粉底霜 粉底 輕盈 光澤 高遮瑕 底妝 iTRIAL美評 實測 用後感 review
YSL Beauté 粉底霜 粉底 輕盈 光澤 高遮瑕 底妝 iTRIAL美評 實測 用後感 review

遮瑕度: 4.5分

遮瑕度屬中上,層疊塗抹可增加遮瑕力。圖中見到素顏時瑕疵明顯,黑眼圈嚴重,有紅印和暗瘡印,而且我本身皮膚較薄,血管明顯。薄上一層已經有中度遮瑕,瑕疵遮到7-8成,同埋有修飾毛孔能力。如果本身瑕疵唔多,就咁用支粉底已經好夠。不過因為我黑眼圈好勁,所以有再上遮瑕膏係眼底。


YSL Beauté 粉底霜 粉底 輕盈 光澤 高遮瑕 底妝 iTRIAL美評 實測 用後感 review

保濕度: 5分

我係乾肌,每次上粉底前都要上保濕妝前打底霜,但我見粉底糅合86%保濕精華,係業界最高比例,所以今次上粉底前無搽任何base,想試下係咪真係好保濕同貼服。結果保濕度真係唔錯又貼面,而且上面感覺唔會好黏笠。成日落黎都唔覺得乾,留係冷氣房耐d都唔會變到好乾好緊。


YSL Beauté 粉底霜 粉底 輕盈 光澤 高遮瑕 底妝 iTRIAL美評 實測 用後感 review

持久度: 3.5分

上妝約5個鐘後開始有輕微出油,同埋鼻翼有浮粉情況,但唔嚴重,用紙巾印開就可以,出油後有d奶油肌妝感。


YSL Beauté 粉底霜 粉底 輕盈 光澤 高遮瑕 底妝 iTRIAL美評 實測 用後感 review

抗氧化度: 3.5分

有輕微氧化問題,上妝5個鐘後明顯暗左半度至一度,變得有少少黃。


YSL Beauté 粉底霜 粉底 輕盈 光澤 高遮瑕 底妝 iTRIAL美評 實測 用後感 review

色調:

色調黎講唔算多選擇,總共只有7隻色。色號前面嘅英文字母代表膚色色調,B係中間色,BR係粉色。想知自己係咩色調可以睇手腕血管嘅顏色: 綠色代表暖色系(偏黃);藍紫色代表冷色系(偏粉);藍綠色代表中間色。而英文字後面嘅數字就代表深淺度。不過買粉底最好都係去試清楚先好買。我自己係屬於冷色系偏白,用B10/BR10會比較合適。另外,因為粉底有氧化問題,我覺得可以揀白少少,等佢set好就會同本身膚色match返。


總評:

粉底雖然保濕度高,但佢唔係韓國水光肌/有好強光澤嘅妝感,反而係好似膚質本身就好健康透亮,出油後亦唔會顯油膩。另外,妝感真係幾無瑕,確實做到所講既以光柔焦。不過佢唔係好薄零妝感,可能因為遮瑕度好好,所以有一定厚度,用量要注意返,唔係會有面具感。同埋我覺得以呢個偏中上嘅價錢,我會對其要求高一些,而其持久度偏弱,所以扣左一些分。




總評分
3.75
質地
效果
抵買
推薦
Share :