【XOVE 肌底液/修護液】凍齡靚媽黎姿大推白松露Treatment Essence 速效活肌再生
29.10.2020

松露一向予人矜貴罕有的感覺,白松露更相對比較稀有,所以當呢樣珍貴成分出現係護膚品當中,真係好吸引!由卓珈集團創始人馬黎珈而(黎姿)女士帶入香港嘅新進品牌XOVĒ (源於拉丁文,解釋為Youth年輕)就將白松露加到護膚品中,透過瑞士頂尖科研研發出靈魂成分「W-TruComplex®️白松露活肌修復精萃」(白松露100%活肌修復因子),其抗衰老功效是羊胎素80倍及維他命E 1000倍!今次我試嘅係XOVĒ皇牌產品——白松露賦活肌源修護液 The Treatment Essence。作為潔面後護膚第一步使用,可以達到極緻滲透,賦活細胞,修復再生,主要是幫助將養分導入肌膚底層,深層保濕,刺激膠原同彈力蛋白生長,緊緻淡紋。下面我會同大家測試一下修護液嘅吸收度、即時保濕度、亮白度、提升緊致度、淡紋度及修復力。
 

Text & Photo:Tiffany Tsoi (IG: your.beautyteller) | Editor:AnGel S.


XOVE skincare 黎姿 肌底液 白松露 修護液 好用 推薦
XOVE skincare 黎姿 肌底液 白松露 修護液 好用 推薦

XOVE 白松露賦活肌源修護液 The Treatment Essence

價錢:$650/100ml


 

實測XOVE 白松露賦活肌源修護液 The Treatment Essence

 

XOVE skincare 黎姿 肌底液 白松露 修護液 好用 推薦
XOVE skincare 黎姿 肌底液 白松露 修護液 好用 推薦 

質地:4分 

XOVĒ修護液質地好水,流動性好高,可以輕易推開,快速搽勻全面。

 

吸收度: 4分

質地好水,剛搽上面時唔算十分清爽,睇圖會見到面油紙會輕微痴住,需要稍為多加按壓至完全吸收。我自己搽完上面後會搓暖手掌心,分別先係兩邊面頰按壓,再到額頭同下巴,幫助吸收。雖然唔係秒吸收,但都唔會好難吸收,按至完全吸收後就唔油膩,亦唔笠。


延伸閱讀:

【fresh 肌底液/精華水】轉季必備紅茶精華水 潔面後第一步保濕同時抗污染

 

XOVE skincare 黎姿 肌底液 白松露 修護液 好用 推薦 

即時保濕度:4分

即時保濕效果唔錯!搽咗修護液之後水份升到去58%,比起洗完面咩都未搽嘅時候升咗14%。
 

XOVE skincare 黎姿 肌底液 白松露 修護液 好用 推薦

連續使用7天效果

(由於Before張相係朝早影,而After係夜晚影,所以燈光亮度會有差別,Before會看起來好似較白。)

亮白度:4分

雖然因爲燈光問題Before睇落去好似白啲,但其實After會比較亮白,因爲仔細看面頰位置(眼底下鼻翼旁嘅倒三角形)會發現有變得比較透亮和白淨。
 

提升緊緻度:3.5分

連續用XOVĒ修護液7日之後,肌膚有少少拉提效果,望落去比起未用時稍為緊緻咗,特別係兩邊面頰,好似冇咁鬆。

 

XOVE skincare 黎姿 肌底液 白松露 修護液 好用 推薦 

修復能力:3.5分

XOVĒ白松露賦活肌源修護液呢個星期撞啱轉季,皮膚狀態唔穩定。一邊面頰生咗啲暗粒,用咗修復液2日後暗粒變得平滑咗,無一開始咁凸出。雖然啲暗粒仲喺度,修復力唔算特別快,但感覺到有發揮加快肌膚自我修復的功效。


 

總評:

XOVĒ白松露賦活肌源修護液質地唔厚,偏水狀,按摩後容易吸收,唔油膩。滲透速度唔錯,可以幫助之後其他護膚品更快吸收。連續使用一星期後皮膚開始變得透亮立體,無未用時咁暗啞。保濕度良好,令肌膚有光澤咗,面頰亦有少少緊緻咗,無咁鬆弛,成功令到成個人望落無咁顯老。仲有修復力都有感受到,本來微微凸出嘅暗粒變得平滑。

總括黎講,我覺得呢款修護液可以一試。以抗衰老修復精華液來說,加上有珍貴嘅白松露成份,佢嘅價格比起市面上其他熱門同類產品可以說算係較平,係作爲抗衰老入門產品幾唔錯嘅選擇。


延伸閱讀:

【FARMLAB 精華】保濕拉提嫩肌 抹走歲月痕跡

總評分
4
質地
效果
抵買
推薦
Share :