【Utena面膜】豪敷黃金啫喱! Utena薰衣草黃金啫喱面膜 | iTRIAL美評
31.12.2018

聖誕節去咁多派對,皮膚仲係咁差? 點得呀。仲有幾日時間,當然要搵啱急救產品! Utena大受歡迎的日本面膜,以其超高保濕力的黃金啫喱,內有雙重透明質酸,贏到不少口碑。Utena面膜新出的限量版薰衣草黃金啫喱面膜,作為薰衣草迷的Tiff,當然要身先士卒啦。

Text: 師奶少女Tiff (IG: Cytfany/c9girl_tiff)

Utena薰衣草黃金啫喱面膜

價錢: $65/[email protected]

平均價錢: $0.98/1g

Utena薰衣草黃金啫喱面膜實測

這款面膜薄得嚟,多精華,敷咗30分鐘都未乾晒(所以我又敷多30分鐘嘻嘻) 敷完拆開包裝,其實唔係話成個包裝都一堆精華咁,但絕對足夠搽勻全身暗沉,當BODY LOTION都好嘛。由細到大都迷戀於薰衣草香的Tiff,一聞便知龍與鳳。打開包裝已經有一股幽幽的薰衣草香飄飄出黎,敷面的時候聞住香味更放鬆,好容易唔小心就瞓咗。

貼面度:4.5分

這款面膜有好多開口位畀你調校,多到連人中同鼻位都有得開,這點絕對值得讚揚(拍手)。但少少缺陷係鼻哥有位置都包唔晒,相對咁多唔同品牌的面膜嚟講,佢都算係貼架啦。

吸收度:5分

啫喱狀精華令到面膜長期有一種冰冰的感覺,精華容易推開,又極快吸收。輕輕一推,拍兩三下都吸咗。敷完唔會成塊面黏黏的,我愛上這面膜了

質地:5分

黃金啫喱精華面膜望落去似嗰種,厚得嚟好黏的面膜。但係,大錯特錯啦! 係估佢唔到咁清爽。而面膜的材質亦係十分透薄,類似面膜紙的厚度。

敷完面膜都唔會覺得黏,仲有光澤咗

總評語:

我係香味控,夠香已經爆分,仲要貼面同唔黏,喺我心目中已升為神面膜。最值得一提係價錢,雖然$21先一塊,其實$0.98/1g精華,所以唔浪費精華搽勻全身就抵番晒!

總評分
5
美評
Share :