The Ordinary 粉底液 | 輕盈啞光自然妝容、經濟實惠粉底液之選

27.08.2021

天氣炎熱易出汗,大家想化妝又怕太厚妝容易溶妝,想搵適合每天使用輕透薄質地,價錢又夠經濟實惠嘅粉底。推薦大家用加拿大著名科研護膚品牌 The Ordinary粉底液。備有兩款質地,分別為Coverage Foundation遮瑕粉底液 及 Serum Foundation 精華粉底液,Coverage Foundation比 Serum Foundation 遮瑕更好。起初接觸The Ordinary產品係佢地好出名嘅精華液好用抵用,之後再用埋The Ordinary底妝液遮瑕膏,質量及價錢CP值都高。 

Text & Photo: SamSamBeauty (IG:@samsam_yuen)

 

化妝前打好底妝係重要一環,塗上護膚品後再係上粉底前,配合 高延展明亮輕盈柔順妝前液 High-Spreadability Fluid Primer 使用,上粉底後妝容更加持久貼服。 

 primer質地潤滑易推開,使用後令粉底液上粉時更加貼服。
 

實測 The Ordinary 遮瑕粉底液 Coverage Foundation

 The Ordinary 遮瑕粉底液 Coverage Foundation

價錢:$58/30ml

試用色號:2.0YG

產品特色:Coverage Foundation遮瑕粉底液提供高效遮瑕效果,呈現平滑細致妝面,質地輕盈不油膩,能避免厚重妝容使肌膚顯老缺點,讓肌膚看起來自然,更持久地保持妝容,備有 21 色調。
 

實測 The Ordinary 精華粉底液 Serum Foundation

 The Ordinary 精華粉底液 Serum Foundation

價錢:$56/30ml

試用色號:2.0YG

產品特色:Serum Foundation精華粉底液質地為超輕盈乳霜,採用中度遮瑕配方,用後呈半啞光又不失遮瑕效果,不會在細紋處堆積且定妝效果持久,讓日常底妝更輕易無負擔,締造時尚自然啞光的妝容,備有 21 色調。

 

質地:3.9分 

輕盈易推透薄,適合要輕淡妝容人士,亦有啞光遮瑕效果,如果有埋防曬功效更好。
 

貼服度:4分 

粉底液質地夠輕透薄,用在皮膚上亦夠貼服無浮粉。

 

光澤感:3.9分 

啞光粉底液唔會用後油光滿面感,適合暗瘡肌膚不顯現瑕疵。


遮瑕度:3分 

輕薄質地關係,遮瑕度未必太高,一般調節膚色均勻絕對做到。
 

如果想加強遮瑕度,去黑眼圈暗瘡印可配合埋 The Ordinary 遮瑕膏 Concealer,以點按方式加強重點瑕疵。

The Ordinary 遮瑕膏 Concealer膏狀質地,不會太厚難以推開,造成粉印一達達。


持久度:4分

化妝後外出幾小時後有少許出油,加上天氣熱出汗關係,而妝容尚算保持得唔錯。


今次亦有收到其他Ordinary產品:



 


總評:

The Ordinary primer 能令妝容更細滑,而泵裝設計易於使用,份量控制不需太多。兩款粉底液 - 遮瑕粉底液 Coverage Foundation 精華粉底液 Serum Foundation 方面我會比較喜歡精華粉底液,因為液體質地易推透薄,又有調色遮瑕度。日常使用夠方便。如果要見朋友食飯就會用遮瑕粉底液,質地膏狀遮瑕度 會比較好。兩款粉底都好薄好貼所以都唔會太浮粉,所以遮瑕度未必太強。質地方面亦唔會太黏笠,但皮膚比較乾嘅可能要加強潤膚產品一齊用會無咁乾及起細紋。最後想妝容更加完美我就會用埋遮瑕,遮住黑眼圈令雙眼望落去無咁攰。價錢方面$56-58有30ml 絕對係性價比推薦大家使用。

總評分
4
質地
效果
抵買
推薦
Share :