【THREE 眼唇卸妝液】3秒！真係3秒！只需3秒就搞掂！一抺卸走所有防水彩妝

平日放左工之後，真係累到不得了，超想唔卸妝唔沖涼就走去瞓覺，但！就算唔沖涼都唔可以唔卸妝，所以一支可以卸得又快又乾淨嘅眼唇卸妝液好重要！THREE精萃重點卸妝露R Balancing Point Makeup Remover R採用油水分離兩層式配方，溫柔呵護眼周及唇部，同時迅速卸除彩妝，就等我試下係咪真係可以卸得咁乾淨啦！

Text & Photo：TiffanyC (IG：_tiffanycc_)  | Editor： AnGel S.

THREE Balancing Point Makeup Remover R 精萃重點卸妝露R

價錢：$300/90ml

實測THREE Balancing Point Makeup Remover R 精萃重點卸妝露R

使用方法：

於全臉卸妝洗面前使用。均勻搖晃後倒於化妝棉上。 將化妝棉放置於唇部中央，往嘴角方向擦拭卸除唇妝。眼妝則是敷在眼皮上幾秒鐘後，輕柔去除彩妝。

質地：

質地好清爽不黏膩。

延伸閱讀：

【THREE 卸妝油】日本爆紅天然平衡潔膚油 防日彩妝都可以輕鬆卸乾淨！

潔淨力：5分

大家都可以睇到我真係好輕力抺就可以卸得好乾淨，就連防水眼線、睫毛膏及唇軸都可以卸得好徹底！平時卸完可能要再用棉花棒再卸走眼睫毛根部位置卡住的殘妝，但用THREE卸妝露卸完後連棉花棒都唔駛用，真係好方便懶人（即係我haha）。

滋潤度：4分

卸完之後都唔會覺得乾，因為呢支眼唇卸妝液入面含有保濕潤澤成分，包括精油、植物油、植物精華同埋植物純露。

總評：

輕抺就可以卸得好乾淨，就連一啲防水眼線、睫毛膏及唇釉都可以卸得好徹底！懶人必備！THREE精萃重點卸妝露R Balancing Point Makeup Remover R真係保濕得嚟又卸得好乾淨，最近都搵緊一支好用嘅眼唇卸妝產品的話，呢支可以一試！

延伸閱讀：

【EVE LOM 卸妝油】卸妝淨膚精油膠囊 鼎鼎大名卸妝潔面霜的繼承者？