雪花秀皇牌潤燥再生精華｜直擊肌膚老化根源 煥活年輕肌膚｜iTRIAL用家分享

年過三十以後，額角同眼尾都開始浮現細紋，加上因為香港生活繁瑣又不規律，肌膚成日會變得暗啞 。每次上妝唔再貼服，浮粉卡粉，歲月嘅痕跡無所遁形嘅時候，我都會拎起梳妝台上嘅雪花秀皇牌潤燥再生精華做護膚第一步。每次只要佢出場就可以救救我受困擾既肌膚，所以我一直係佢嘅忠實追隨者。

最近雪花秀仲推出同系列眼部精華 ── 全新潤燥再生眼部精華，針對年齡增長及循環減緩慢導致既黑眼圈、浮腫及膠原流失問題，一次過Take Care到眼周同面部肌膚

Text & Photo: Double Yong (IG：dou2le )

實測雪花秀 潤燥再生精華 First Care Activating Serum

雪花秀 潤燥再生精華 First Care Activating Serum

價錢：$630/60ml, $840/90ml

產品介紹：

要真正抗老，唔係要搽得「多、濃、厚」，而係要從問題根源解決！我習慣早晚潔面後，用呢支每10秒*就售出一瓶、韓國No.1**抗衰老精華 ── 雪花秀皇牌潤燥再生精華做護膚Step 1，可以修復兼鞏固肌膚屏障、激活肌膚循環，令營養更精準送到肌底，從根源預防同及改善五大重點老化問題！

我特別想提及背後嘅成分。潤燥再生精華蘊含經歷500小時天然熟成人參淬鍊而成嘅抗衰老皂苷專利成分LYMPHANAX™，同時啟動預防肌膚加速老化技術E.G.R.3 TECHNOLOGY™***，喺核心細胞層面調節代謝週期，重啟肌膚正常自我修復功能，鞏固好肌膚屏障同埋激活肌膚循環 。即係佢唔係得眼望表面效果，而真係令肌膚從內識得自我修復、循環、再生。用咗幾日之後，唔會淨係覺得「咦今日好似白咗喎」咁簡單，而係慢慢你會發現皮膚唔再成日扭計，穩定咗，就算捱完夜第二朝都唔會成面灰晒。

臨床實證更進一步證明可以有效預防並改善五大重點老化痕跡****：改善肌底乾燥68.2%、提升肌底彈力6%、改善膚質與毛孔15.4%^、改善膚色不均2.6%、淡化細紋27.2%。

每次用最深刻嘅感受，係肌膚從底層透出嘅健康。即使係刻意維持晚睡習慣嘅測試期間，第二朝面色都唔會再係咁疲憊灰黃，取而代之係一種由內而外嘅通透光澤。令我更有感，抗老要由根源做起，先係有效。
 

產品實測部分

質地： 4.6分 

精華質地係完全恰到好處，唔會太過水狀又可以輕推覆蓋臉頰。而且吸收迅速，令肌膚有明顯水潤感。就算香港夏天又焗又濕，搽完都完全零負擔，唔會起屑，亦唔會同後續產品打交。而氣味係好天然嘅草本香味，係聞落會令人覺得好放鬆、好舒服嘅味道。

即時保濕度：4.4分

用水分測試機即時實測，未用之前皮膚水分得33%，比較繃緊。搽完精華等佢吸收咗三分鐘，水分即刻升到72%，成塊面有種飲飽水嘅感覺，摸落去好有彈性。呢隻保濕並非只係即時效果，而係持續鎖住水分令到肌膚整日都依然保持水潤柔軟。身處辦公室冷氣環境，往常午後必用保濕噴霧，喺呢七日間竟無用武之地，肌膚水潤度維持得相當理想，嗰感覺係肌膚真正「飲到水」嘅滿足。
 

緊緻度： 4.2分 

連續七日之後，最明顯係兩邊面頰嘅毛孔，由原來因為老化同缺水而呈橢圓形同向下拉嘅狀態，變得較為飽滿圓潤，亦可以感受到肌膚嘅彈性有所增強。雖然唔係話一個星期就有戲劇性嘅改變，但可以回復少少彈性，已係相當出色。鼻翼兩側因乾燥而造成嘅紋理，都有變得平滑，上妝後唔再出現乾裂痕跡，妝感更顯精緻。

光澤度： 4.4分 

光澤感係我覺得呢支精華最令人驚豔嘅係用完，肌膚會有種健康、自然散發嘅光澤。如今素顏示人，肉眼可以感受到嗰份由內而外散發嘅通透，而且一整日都維持到乾淨明亮嘅膚色。
 

實測  雪花秀 潤燥再生眼部精華 First Care Activating Serum

雪花秀 潤燥再生眼部精華 First Care Activating Serum

價錢：$660/20ml

產品介紹：

First Care潤燥再生系列是雪花秀多年的皇牌，系列首次推出全新潤燥再生眼部精華，可以話係用家一直都好期待嘅產品。佢透過「重啟循環、抑制色素、填補膠原」，一次過做到：淡化黑眼圈、改善浮腫眼袋，仲可以提升眼周肌膚。最特別係配有冰涼白瓷導入頭，相比金屬，陶瓷材料更有清涼感。 由內眼角向外，沿著眼窩弧度打圈，最後輕壓太陽穴，有助紓緩眼部浮腫，朝早用佢嚟急救就最啱。

品牌臨床數據更提到即時效果：淡化黑眼圈8.4%^^、減輕眼袋和眼部浮腫12.6%^^^；使用4星期後^^^^：提升上眼瞼緊緻度25.7%、改善眼下肌膚緊緻度26.6%，所以可以稱得上係一款效果顯著嘅眼部保養品。
 

產品實測部分

質地：4.7 分

眼部精華嘅質地呈輕乳液狀，但滲透力驚人。輕輕按摩已經可以瞬間吸收，無須來回拉扯脆弱嘅眼周肌膚。滋養嘅同時，又好透薄，唔黏膩，完全無負擔感，早晚使用都零油脂粒困擾。上妝前使用，仲可以令遮瑕更貼服。而且採用無添加配方，唔會刺激到眼周，好溫和。
 

黑眼圈改善度： 4.0分 

我嘅黑眼圈係因為血液循環唔暢順而成，偏青紫色。我特地記錄了眼頭下方色澤最深嘅位置，試完呢支眼部精華後發現黑眼圈淡咗唔少。以前需要以橙色遮瑕打底，而家直接輕薄遮瑕就可以修飾。我期待繼續用落去嘅效果！

眼周緊緻度： 4.5分 

連續使用七天後，指尖輕按下眼瞼，可以清晰感受到眼底肌膚嘅回彈力明顯好過以前，唔再係嗰種虛浮鬆軟嘅觸感。尤其上眼皮嘅轉變最為驚喜，使用雙眼皮貼造成嘅鬆弛，得到顯著改善，眼尾呈現微微上揚嘅走勢，有效地提拉成整個眼形。另外眼袋、浮腫問題都改善咗唔少，成個眼周輪廓變得緊緻，望落成倨人都精神咗。

總評：

論及即時效果，潤燥再生精華初上臉嗰一瞬間，肌膚便即時變得水潤，好似每個細胞都飲飽水，之後搽嘅精華同面霜，吸收效率皆大幅提升。

而眼部精華就可以幫我改善黑眼圈同浮腫，令雙眸重現神采。當然唔單止即時急救浮腫咁簡單，持續用仲可以提升緊緻度。

雪花秀潤燥再生精華系列就好似幫你打好肌膚健康基礎，抗老效果先可以事半功倍。如果你覺得肌膚開始出現初老跡象，或者用咩都難以吸收，就要快D登記體驗雪花秀5大「潤燥年輕注養站」＋： https://bit.ly/4eIsD1A，親身從生活各方面感受產品「精準倍效注養」嘅力量，煥活年輕肌膚！

*根據2019至2025年的銷售數據（韓國及海外）
**根據Beauté Research 2025年韓國百貨公司累計銷售額
***回復表皮外層結構平衡技術；一種對抗肌膚加速老化並保持肌膚健康的生物技術
****臨床測試結果：30位30至60歲女性使用後即時以至8星期效果
^暫時效果
^^自我評估結果[使用精華及導入頭的臨床測試結果] 測試對象：33位25至60歲女性；測試日期：2025.11.17-2025.12.22
^^^使用後即時效果
^^^^使用4星期後[使用精華及導入頭的臨床測試結果] 測試對象：33位25至60歲女性；測試日期：2025.11.17-2025.12.22
＋活動受條款及細則約束，詳情請參閲活動網頁