【Sofina 粉底液】無懼潮濕炎熱的夏天 底妝仍然可以自然又透亮！

面對持續酷熱又潮濕嘅天氣，「粉底液要控油」一定係每位女士揀選底妝產品時的首要條件！

通常大家都會揀粉餅，打造啞光妝容。但有時又想要具光澤感嘅皮膚，今次遇上日本Sofina 皇牌底妝 Primavista 自然光感持久粉底液， 新配方加入了毛孔隱藏粉體，令妝效更加自然貼服，增加透薄光感。再配合高密著柔膜技術，提升控油效果，皮膚就可以全日keep住清爽。雖然我偏向乾肌，但大熱天時T字位都會出油，就等iTRIAL美評家我帶大家感受下呢款史上最強粉底液啦。
  

Text & Photo: Cass (IG：cwanyin_) | Editor：AnGel S.

SOFINA Primavista 自然光感持久粉底液 Primavista Natural Glow Lasting Liquid Foundation SPF31 PA+++

價錢：$300/30ml (全7色)

色號：03

實測 SOFINA Primavista 自然光感持久粉底液 Primavista Natural Glow Lasting Liquid Foundation SPF31 PA+++

粉撲：5分 

一直都有用開Sofina嘅粉撲，軟硬適中！斜角形的設計讓大家可以用尖角那邊上細微位置。

最鍾意佢連埋粉撲盒，細細個帶出街好方便～

延伸閱讀：

【Sofina 防曬】2020最強UV阻隔技術 抗氧保濕修護一take過

質地：4.2分 

本來以為03色有點太深，但對比我依家有既Sofina粉底液反而淺色少少，質地亦更加水感和易推，但比較快乾，上妝時要推快少少。

貼服度：4.5分 

如產品說明所說，真係薄薄地一層就即時均勻透亮，好貼服，亦好自然。

冇厚重嘅粉感，好適合夏天，是一種就算化左妝皮膚都抖到氣嘅感覺。

光澤感：4分 

個人黎講，係鍾意韓妹嘅光澤感妝容，但又唔鍾意太誇張。

係啦！就係裸妝感！Sofina呢款粉底液好啱我口味，做到輕薄、有光澤，而唔係油光嘅感覺。

遮瑕度：3分

粉底透薄自然，相對地遮瑕力就較弱了。如果唔係太多瑕疵，多搽一層粉底就夠遮瑕力，但太紅太明顯嘅瑕疵，就都係用返遮瑕膏吧🤣
  

持久度：4.2分 

出了街大概3-4個鐘，成塊面淨係用了Sofina呢支Primavista粉底液，連碎粉都冇上！

要戴口罩，今日嘅太陽又好燦爛，天氣好焗，但我嘅口罩有98%仲係白色架！

同時，我亦都冇油光滿面，唯一就係鼻翼有啲汗，我覺得持久度Pass！

總評：

在妝效、粉撲、持久度和質地方面都表現得唔錯，最鍾意係Sofina Primavista 自然光感持久粉底液唔會乾，雖然遮瑕力相對較弱，但夠清爽透薄！

呢支已經係我用嘅第3支Sofina粉底液，還是很好用，連續10年日本No.1果然名不虛傳！

推薦俾所有女生們，粉底液一定要有支看門口。

延伸閱讀：

【YSL Beauté 粉底霜】 史上最高保濕精華比例  兼具光澤感與高遮瑕嘅底妝 !？