Sasatinnie 竹炭潔淨清爽面膜｜純素保養 煥回好狀態｜iTRIAL用家分享
香港又濕又焗嘅天氣，加上生活壓力令到皮膚狀態變得唔好、暗啞乾燥又毛孔粗大，分外顯得暗沉氣色差，完全唔想望到素顏嘅自己，但即使用粉底去掩蓋，上妝亦都唔貼服，反而顯到肌膚更加憔悴又滿佈倦態。
穩定肌膚狀態我就揾咗Sasatinnie 純素面膜幫我，發現情況即刻改善咗好多，素顏嘅時候肌膚甚至如自帶光澤一樣，令我一口氣入手晒全個系列，特別係竹炭潔淨清爽面膜。
Text & Photo：Double Yong (IG: dou2le )
實測Sasatinnie 竹炭潔淨清爽面膜 Bamboo Charcoal So-Purify Mask
Sasatinnie 竹炭潔淨清爽面膜 Bamboo Charcoal So-Purify Mask
HK$159/10片
竹炭潔淨清爽面膜係純素面膜系列中我最常用嘅一款，面膜以炭粉為主要成分，有助清除毒素、污垢及多餘油脂，軟化角質皮層。改善粉刺、黑頭毛孔堵塞等問題，令皮膚回復水油平衡、光滑有彈性嘅狀態。
面膜紙質地：4 分
貼服度： 4.5 分
Sasatinnie純素面膜有獲得韓國純素認證，面膜材料係100%純素天然纖維，剪裁好、又柔軟貼服，令精華可以更平均滲透每一寸肌底。
保濕度： 4.5 分
純素面膜除咗無八大添加成分，溫和配方敏感肌都啱用之外，每一片精華含量多，敷15-20分鐘拎走，都仲有好多精華可以按摩慢慢完全吸收，用完之後肌膚含水量上升左一倍，所以狀態超水嫩又充滿光澤。
毛孔細緻度： 4 分
透過鏡直望肌膚變得平滑、毛孔存在感亦都減弱，除去黑眼圈之外，膚色一致明亮感滿滿，直程可以唔用粉底，畫返個眼妝就光彩照人。
上妝貼服度：4.8 分
即使用上粉底貼服度都係滿分，順滑不卡粉，即使出咗街一日都無浮粉情況，所以都推薦上妝前先急救一下。
SASATINNIE純素面膜分別有4款選擇：
蘆薈：適合缺水及曬後的敏感肌膚
艾草：適合缺水、敏感及不穩定肌膚
竹炭：適合油性肌膚、水油不平衡及皮膚粗糙肌
茶樹：適合合混合性／油性肌、痘痘肌、泛紅敏感肌膚
可以分別對應自己皮膚需要，選擇適合使用
總評︰
完全愛上SASATINNIE純素面膜嘅我，連續使用一段日子後，可以話已經好熟練遇上唔同皮膚問題以及狀況，就用返相對成份的面膜解決，令水油不平衡嘅情況無再出現過，宜家完全被水嫩明亮嘅肌膚狀態吸引，每一次望到素顏肌膚都平滑柔嫩就係回購嘅原因。
4.75
