Samsung Galaxy Z Flip4｜顏色時尚機身輕巧摺疊式屏幕輕易成為自拍達人｜iTRIAL用家分享

21.10.2022

而家自拍打卡影靚相都係生活一部份，不論男女老少都鍾意相機食先。但並非每人都有專業拍攝工具、相機、腳架拍出唯美照片。自拍通常會用前鏡頭拍攝可以望到自己最美角度，但前鏡頭拍攝最大問題係像數低，未能拍出高解像度照片。用後鏡頭拍攝睇唔到自己拍攝時角度，未能拍出理想角度狀態，更加係男士幫另一半拍攝後挨鬧的原因。

新一代摺疊屏幕手機Samsung Galaxy Z Flip4就能解決到以上問題，早前出席左Z Flip4活動，體驗到摺疊屏幕唔需要腳架都做到多角度拍攝，只要開啟後置屏幕就可以用後鏡頭拍攝出滿意角度，機身小巧方便，就算放喺大熱小廢包都可以。今次喺iTRIAL美評中實測一下Samsung Galaxy Z Flip4點樣幫到大家輕易做到自拍達人，值唔值得推薦俾大家！

Text & Photo：SamSam Beauty (IG: @samsam_yuen )

實測 Samsung Galaxy Z Flip4

Samsung Galaxy Z Flip4 評價好用推薦用家分享

Samsung Galaxy Z Flip4

價錢： $8,298 (8GB RAM + 256GB ROM) ; $9,298 (8GB RAM + 512GB ROM)

Samsung Galaxy Z Flip4機身小巧，摺疊時機面外屏幕可處理多項工作，例如打電話、查看通知、回覆短訊或快速設定，加入快速指令及SmartThings Scene widget小工具，非常方便貼心，無需手持電話操控。機面螢幕背景主題多元化，外屏幕及主屏幕同步使用Galaxy Themes，可自定字體、時鐘樣式，圖像、GIFs甚至影片，機面螢幕背景可用你最愛嘅竉物或小朋友嘅圖片顯示更加個人風格化。

透過FlexCam模式，打開摺疊屏幕毋須手持電話即可以多角度自拍或大合照免除腳架需要。想隨時捕捉到重要拍攝，快速自拍Quick Shot進行高質素錄影，係錄影時不被中斷嘅情況下做到無縫切換到Flex模式繼續免手持錄影，利用Quick Shot模式中切換至人像模式進行自拍，可見到實際照片比例預覽到拍攝角度同效果，岩晒喜歡自拍同記錄身邊事物嘅大家。喜歡拍照用電量自然比較多，電池容量有3,700mh ，高功率25W快充，約30分鐘即可充電達50%，就能更盡情影相拍片，又能夠隨時回覆短訊保持聯繫。

產品實測部分

1. 實測外形

Samsung Galaxy Z Flip4 評價好用推薦用家分享

輕便易攜度：4.8分

收納方便：5分

時尚度：4.7分

Samsung Galaxy Z Flip4細小機身摺疊後尺寸僅 84.9 x 71.9 x 15.9-17.1mm，隱藏式鉸位猶如粉盒造型，展開後有6.7吋大螢幕，霧面機身玻璃與平滑金屬框架高貴帶有時尚感，顏色配有四款顏色Bora 紫、杏桃粉、石墨黑及冰川藍。重量187g就算放入小手袋都唔會覺得好重，非常方便。

2. 實測拍攝功能

Samsung Galaxy Z Flip4 評價好用推薦用家分享

拍攝方便度：4.5分

拍攝專業度：4.2分

操作容易度：4.3分

用户界面友好度：4.5分

畫質細緻度：4.3分

方便隨時拍出不同角度嘅FlexCam模式就幫到手輕易自拍照片及合照，免手持拍攝功能只要將機身打開成L字型，調教多角度拍攝，放喺枱上拍攝就能Free出雙手拍出自然唯美效果，就算日常開會視像都更方便無需全程攞住電話會議。

女士們經常想拍攝打卡時，用前鏡頭有螢幕顯示可拍出心水角度但畫質未如理想，想另一半幫忙拍出高畫質相片時可利用外幕拍攝功能，就能拍出最滿意角度，利用5字手勢就能倒數拍攝，男士們只需幫忙做人肉腳架，無需連影多張相後另一半唔滿意挨鬧啦！好多時去餐廳食飯都想影出精美top shot photo，好多時需要企起身拍攝有可能會對其他食客做成不便，利用平鋪俯拍功能無需企起身都能夠拍出不同角度靚相。

3. 實測自訂專屬自己的外屏畫面

Samsung Galaxy Z Flip4 評價好用推薦用家分享

使用方便度：4.2分

設計多元度：4.2分

個人化度：4.5分

搶眼度：4.3分

想手機變得更個人化，Galaxy Z Flip4外屏幕及主屏幕可同步使用Galaxy Themes，喺自訂中自行定制字體、時鐘樣式、顯示圖示和版面設計來創造個人風格，亦可以用影片、GIFs及Emoji 等作為背景，有養小孩定毛孩嘅家長都可以換上佢哋嘅可愛照片更加個人化。而Galaxy Z Flip4四款時尚顏色Bora紫、杏桃粉、石墨黑及冰川藍，通常女仔都好喜歡Bora紫襯衫日常都好靚，想幫手機轉顏色，都可以配置原廠機殼，多款顏色及不同物料，仲有指環扣設計夠晒時尚方便。