Samsung Galaxy Z Flip4 ｜打卡達人必備之選 隨時隨地影出高清打卡相｜iTRIAL用家分享
平常用開嘅手機都幾大部, 好多褲嘅褲袋都擺唔晒成部電話，需要另外加條電話繩掛住，否則會增加跌咗/被人偷嘅風險。而最近iTRIAL美評俾機會我可以試用新一代摺疊屏幕手機Samsung Galaxy Z Flip4，摺機呢個設計真係好啱女仔，放落小廢包都無問題，體驗完Samsung Galaxy Z Flip4之後，發現影相真係可以不求人，等我再詳細實測其他功能，睇下是否好用和推薦給大家用。
Text & Photo：Winnie Wong (IG: lai_hung_winnie )
實測 Samsung Galaxy Z Flip4
價錢： $8,298 (8GB RAM + 256GB ROM) ; $9,298 (8GB RAM + 512GB ROM)
產品介紹：
免手持操控︰不用展開手機就能夠完成多項工作，例如打電話、回覆短訊，甚至控制SmartThings Scene widget小工具，都能夠在機面屏幕上迅速完成。
免手持拍攝︰透過FlexCam模式，用戶只需摺疊屏幕，毋須手持即可以不同角度拍攝影片或合照。
Quick Shot 快速自拍︰可直接從機面屏幕拍攝高質素的自拍照片，用戶亦可利用Quick Shot進行高質素錄影，然後在錄影不被中斷的情況下無縫切換到 Flex模式繼續免手持錄影。
測自訂專屬主題︰外屏幕及主屏幕同步使用Galaxy Themes，更可自行定制字體、顯示圖示和版面設計來創造個人風格。
超快速充電︰只需要約30分鐘即可充電達50%。
產品實測部分
1. 實測外形
輕便易攜度：4.8分
收納方便 ：4.9分
時尚度：5分
機身打開時係非常薄身，而對摺後都依然輕薄,，不會覺得好厚重，比平常手機更易收納，即使放喺小廢包都完全無問題。另外於顏色方面，除了萬能黑色外，都選取於粉色系，但即使男仔用Bora紫及冰川藍都唔會覺得有任何不合適之處，選色方面真不錯！
2. 實測拍攝功能
拍攝方便度：4.9分
拍攝專業度：4.9分
操作容易度：4.6分
用户界面友好度：4.8分
畫質細緻度：4.9分
喺Flexcam方面，免手持精精彩拍攝真係好滿足到我呢啲好鍾意打卡合照嘅女仔，因為好多時工作都需要自行影相，set腳架其實都係費時同需要位置，而用Galaxy Z Flip4就可利用座地自拍，可以隨時隨地好快速咁調較，用於多角度攝影都無問題，影相自然更pro，更容易拍出最滿意嘅角度。
而係好多人一係影嘅時候除了就返位置影wide啲之外，就係較完倒數後趕回指定位置擺好pose，但而家舉5字手勢就可倒數拍攝呢個功能就方便好多，就算係小朋友都可以自拍。 再用埋封面屏幕自拍功能，摺埋部機都可以影到相，仲要喺後置高清鏡頭自拍，就算多幾個人一齊合照都keep住好清晰 。即使想影全身outfit相都無問題，另外只需要輕易平鋪俯拍，唔使左就右就都可以輕易拍top shot。
同埋而家疫情雖然放寬咗，但視像會議已經變咗工作日常會做到嘅工具，有時候唔一定能夠安坐於office做視像會議，而Galaxy Z Flip4就可以令你免手持視像對話，唔需要長期拎住手機，雙手更可以騰空拎文件或幫忙表達自己，開會自然更得心應手！
3. 實測自訂專屬自己的外屏畫面
使用方便度：4.8分
設計多元度：4.8分
個人化度：4.7分
搶眼度：4.6分
手機外面嘅屏膜雖小，但五臟俱全，除了不用展開手機就能夠完成多項工作，如打電話、回覆msg和控制SmartThings Scene widget小工具，仲可以自由地design自己喜歡嘅版面，set up仲係好簡單，只需要按一按，掃一掃就可以set好不同風格嘅介面，而本身都有內置好多款式種類及多元化嘅設計，同步使用Galaxy Themes，更可自行定制字體、顯示圖示和版面設計來創造個人風格，總有一款會能夠突顥到你的個人風格。
4. 實測IG功能
IG友好度：4.6分
IG拍攝方便度：4.8分
Upload IG一樣容易操作，拍reels & Live就真係方便咗好多，特別拍一啲跳舞片嘅話，就會好容易調校到一個好好嘅角度，同埋唔需要搵多一個人幫手揸住嚟拍。
5. 實測Quick Share功能
分享方便度：4.8分
Quick Share都係令我驚喜嘅地方，快速send相都唔再局限於同品牌嘅電話，即使聚會後忘記了send相俾朋友們都可以利用QR code send相功能，唔使再一定要面對面send先拎到原質素相片。
總評︰
與一般手機比較，Galaxy Z Flip4能夠免提自拍已經係最大嘅優勝之處，因為成日要麻煩唔識嘅人幫手揸機係真係好麻煩嘅事，同埋唔係所有人都識得搵最靚嘅角度，所以都係靠自己先係最穩陣，真係隨時隨地都可以變成自拍達人。另外Quick Share功能真係好方便到成日會gathering嘅人士，整完一堆合照，要逐個逐個send真係好麻煩，而家send link就可以一次過share俾在場嘅朋友，真係節省唔少時間。同埋Galaxy Z Flip4整個外觀設計同顏色都好時尚，有佢覺得自己個生活質感都提升咗好多，如果你想自拍不求人同埋提升自己嘅生活質感，特別鍾意用小廢包嘅你，非常推薦你使用。
睇完唔知係咪真係適合你？可以立即登記5天免費體驗︰https://www.samsung.com/hk/offer/galaxy-trial/
5
