Samsung Galaxy Z Flip4｜機身自帶腳架設計好方便，一個人都可以出街打卡影靚相｜iTRIAL用家分享
呢部Samsung Galaxy Z Flip4，我第一眼見到已經被佢機身粉色系列吸引住，特別係粉紫色，真係好夢幻，好有少女嘅感覺。加上見到好KOL都推薦呢部好適合女仕用嘅摺機仔，連iTRIAL美評最近都舉辦咗一場live介紹用咗呢部手機就可以輕易成為自拍達人，所以吸引我去試用下呢部咁正嘅手機先！
Text & Photo：Siyi (IG: siyib )
實測 Samsung Galaxy Z Flip4
價錢： $8,298 (8GB RAM + 256GB ROM) ; $9,298 (8GB RAM + 512GB ROM)
Galaxy Z Flip4其中一大賣點係擁有免手持操控及拍攝功能！第一個功能係唔使展開手機就能夠完成多項工作，例如打電話、回覆短訊，甚至控制SmartThings Scene widget小工具，都能夠在機面屏幕上迅速完成，尤其係當你喺街拎住一袋二袋戰利品時，呢個可以單手就操控到打電話同回覆訊息真係好貼心嘅設計！
第二個免手持功能就係拍攝，透過FlexCam模式，平時影相只需摺疊屏幕，放喺枱上或地下作全身拍攝或其他不同角度拍攝影片或合照，去到邊影到邊，輕易就變身自拍達人，成為KOL不是夢！
愛自拍嘅我推介Quick Shot功能，不用打開手機既情況下連按2下機身右側鍵，便可以輕易在Quick Shot快速自拍模式用後鏡頭影相拍片，仲可以於機面屏幕向右掃便切換至人像模式進行自拍，再按2下屏幕便可以預覽實際照片比例，更易拍出心目中想要嘅效果！
可以錄影時在不被中斷的情況下無縫切換到以下Flex模式繼續免手持錄影，特別適合內容創作者和vlogger使用！
除咗影相功能，仲有自訂專屬主題，使用Galaxy Themes來創造個人風格嘅屏幕背景圖，仲可以用自己嘅靚相、GIFs或影片格式製作個人化嘅機面屏幕。
呢部電話有咁多新玩意，幸好唔使擔心電量問題，因為佢嘅超快速充電功能喺無晒電嘅情況下，大約30分鐘即可充電達50%，如果要充滿，1小時多啲左右就完成，啱晒喺而家分分鐘都唔可以無咗電話嘅新世代使用！
1. 實測外形
輕便易攜度: 5分
收納方便 : 5分
時尚度: 4.8分
機身外觀方面，我鐘意佢摺疊屏幕設計，輕巧細小，而鉸位亦做到很纖薄，展開後又有 6.7 吋大螢幕，用嚟煲劇睇YouTube都好爽！霧面機身玻璃與同系列嘅啞粉紫色金屬框架，感覺更加時尚高貴
顏色選擇又多又潮，有Bora 紫、杏桃粉、石墨黑及冰川藍，再配合埋不同顏色嘅手機殼，真係隨時幫部電話變身，用嚟襯返一身同一colour tone就完美！
手機嘅size適合女仕們對纖纖玉手用，而且當你帶小廢包出街時，由於小廢包嘅size細到只夠放一包紙巾，平時想放埋部電話入去都唔得，唯有經常拎在手上，好唔方便。但Galaxy Z Flip4摺機設計非常輕便，細細部啱晒放喺小廢包，就算男仕鐘意放褲袋都好fit！
2. 實測拍攝功能
經過我用咗2星期實測後，新一代摺疊屏幕手機Galaxy Z Flip4影相真係又靚又方便，功能上都有好多選擇，自帶美肌功能，用佢嚟影相拍片都可以唔使修圖，直接upload上Facebook / IG真係好方便！
最重要係Galaxy Z Flip4自帶腳架功能！！只要摺疊屏幕，放喺枱面上set好位，擺好pose後做出自拍5字手勢就開始倒數拍攝，真係非常方便，仲可以選擇用後鏡頭高像素拍攝，由於後鏡位置都有一個前屏幕，自拍時可以睇到鏡頭攝錄影像，取景唔會有cut咗人頭嘅問題，自拍或同朋友影相都可以輕易影到靚相，每一張自拍都係高質靚相！
平時同朋友聚會時總會有自拍環節，但通常冇人願意做拎手機果個，因為影出嚟塊面一定係最肥，有時唔小心手震，仲影到鬆郁矇添，真係掃興呀，但經我用Galaxy Z Flip4實測過後，完美解決咗呢個問題，推薦俾一眾鐘意影相打卡嘅朋友仔，因為輕易就可以做到自拍達人呀！
Samsung Galaxy Z Flip 4實測圖：黃昏氣氛嘅溫暖顏色能充份顯示於相片中，而且背光拍照，人像一樣清晰！
除咗影人像外，估唔到影食物一樣咁出色，相機嘅內置美食模式，色澤鮮艷，輕易就可以影到專業美食廣告相嘅效果！
我仲特別喺環境昏暗嘅餐廳拍攝實測一下，用黑夜亮攝功能，鏡頭的像素感應器提升了65%，在黑夜下影像一樣咁清晰，仲可以用FlexCam模式，只需摺疊屏幕，手持屏幕的其中一邊做俯瞰拍攝全枱豐富食物嘅景象，做foodie無難度！以下實測相片即使於缺乏燈光嘅昏暗環境下，見到人像及cocktails依然清晰！
拍攝方便度：4.9分
拍攝專業度：5分
操作容易度：4.9分
用户界面友好度：4.7分
畫質細緻度：4.9分
#1 Hands-Free Photo Capture 免手持精彩拍攝
有時唔想叫人幫手影相咁尷尬，有咗免手持都可以自拍，真係方便我平時自拍影product相或突然見到有靚靚打卡位想影相時，不求人、靠自己系列，想影咩角度自己話事，唔使叫豬隊友影嚟影去都影唔到我心目中想要嘅效果！
最正係可以座地自拍，上屏自拍畫面，下屏功能界面，有時出到街又唔想搵途人幫我影相，用Flexcam加摺起手機屏幕然後放地下自拍，仲可以隨時隨地調整最靚、最佳角度，影到9頭身嘅比例添呀，以往用其他電話要set timer，10秒內要衝番埋位，加上咁緊張嘅情況下仲要表情管理（輕鬆笑顏），影多幾張相真係身心疲累呀，Galaxy Z Flip4只需要擺好pose，原地企喺到舉5字自拍手勢就可倒數拍攝，影wide啲後面多啲景都得，自拍真係無敵！
#2 Multi-Angle Capture 多角度攝影
呢個設計最好係可以自由選擇用前鏡或後鏡頭作高質素拍攝，以往自拍用前鏡既像素都好低，有時喺昏暗環境下仲會影到好矇，放大小小睇張相都有好多noise（即起渣），多角度攝影就完美解決呢個問題。
#3 Hands-Free Video Chatting 免手持視像對話
平時我同2個囡囡最多就係視像對話，因為我要番工嘅關係，只可以lunch time打番屋企同囡囡傾視像解決下相思之苦，但一面食飯另一隻手又要揸住個電話係幾咁攰嘅事，有免手持設計，我就可以一邊輕鬆食飯，一邊繼續同囡囡視像喇！
#4 Front Screen Quick Capture 封面屏幕自拍
有時想同朋友嚟個快閃自拍，呢個function就非常適合，喺唔需要打開手機嘅情況下用封面屏幕已可以選擇拍攝模式，例如人像mode、廣角效果、拍片等，而且可以透過屏幕預覧，見到晒我同朋友仔個樣，再配合埋自拍5字手勢，大家都可以完美入鏡！
#5 Top Down Capture 輕易平鋪俯拍
非常適合及方便我影食物，平時我會在下廚時拍攝記錄低烹調食物前準備及製作過程然後製作短片，呢個function就有用處，只需要將手機屏幕摺疊成日90度再俯拍枱面上嘅食物，輕易便有專業拍攝嘅效果！
3. 實測自訂專屬自己的外屏畫面
自訂專屬主題對於鐘意裝飾到自己部電話獨一無二嘅用家就最適合，可以於外屏幕及主屏幕同步使用Galaxy Themes來自行定制字體、顯示圖示和版面設計來創造個人風格，而且外屏畫面操控容易，只需要按幾個鍵就可以挑選多元化既設計及款式，鐘意個人化嘅設計仲可以於時鐘嘅版面，以相、GIFs或影片格式製作背景來建立自己喜愛的機面屏幕！
使用方便度：4.5分
設計多元度：4.8分
個人化度：4.9分
搶眼度：4.7分
每次可以挑選15張相或多段短片來做屏幕時鐘背景圖，而且每次輕按屏幕2下都會逐張show出嚟，真係每次睇時間都好有新鮮感！
4. 實測IG功能
IG友好度：4.6分
IG拍攝方便度：4.8分
手機內相機功能仲可以支援直接拍攝及upload 上IG，特別係拍reels同埋開Live時摺起手機屏幕，即時一秒變手機支架用，方便我出席活動時用IG同我嘅followers即時現場開live互動，而且有上下屏幕，上屏幕係展示靚樣嘅版面，下屏幕係控制介面，非常方便操作！
5. 實測Quick Share功能
分享方便度：4分
平時用Samsung分享相片感覺唔太方便，但新功能quick share令我刮目相看，特別係唔同OS手機以往係不能互傳相片，但這個功能只需要挑選你想分享的相片，然後會upload上QR code，只要將條link send俾朋友，朋友就可以於24小時內自行download，真係方便咗好多呀！有一點要注意，若一次過要分享過百張照片，仍需要等待一段時間讓照片upload成功，朋友才可以download！
總評︰
與一般手機比較，Galaxy Z Flip4真係可以排列首位，論外觀及影相自拍功能都做得十分出色，機型細細，又方便袋出街，款式設計都充滿時尚感，特別適合鐘意影相upload上IG嘅潮人用，而且佢真正做到單手操控嘅功能，最欣賞即使單手操控，於打開屏幕後，只需輕掃右側的鍵來控制向上向下滑動屏幕，影相又可以單手在不用打開電話屏幕下自拍，真係貼心照顧用家需要！
而Galaxy Themes就可以自己設計鐘意或充滿個人化嘅屏幕背景，我鐘意睇時鐘介面時見到用自己影嘅靚相同影片嚟做背景，心情都會特別愉快！
最開心係唔使叫人幫手影相，自拍都可以影到滿意嘅取景角度同埋靚樣，自拍達人秒GET，如果你都想靠自己就可以影到靚相，推薦大家要擁有呢部咁正嘅手機！
立即登記5天免費體驗:https://www.samsung.com/hk/offer/galaxy-trial/
5
