RMK 盈潤極致粉底霜|超自然無瑕透亮零妝感 人人都是「天生麗質」!|iTRIAL 用家分享

29.04.2022

疫情下日日都要帶口罩,到食飯時除低口罩,成個妝就痴曬落口罩到,皮膚仲出現浮粉、起紋等問題搞到好尷尬,所以保濕嘅粉底真係好重要!今次就用咗RMK 盈潤極致粉底霜後,質地輕盈,上妝後比人一種透亮膚質嘅感覺,皮膚好似天生就咁光滑,即使帶住口罩出外幾小時,皮膚都可以keep 到水潤亮澤一整天,實測後當然要推薦一下比大家啦~

Text & Photo: Ctying (IG:Ctyingz)


實測 RMK 盈潤極致粉底霜 Creamy Foundation N

RMK 盈潤極致粉底霜 Creamy Foundation N

價錢:$480/30g

產品介紹:

質感柔潤,為肌膚帶來飽滿彈滑感的粉底霜。蘊含摩洛哥堅果油及乳木果油等高效植物性保濕成分,締造水潤亮澤的底妝。

獨特的Stretch Film成分能緊致及提升輪廓,完美覆蓋幼紋,帶來極致貼服、飽滿富彈性的底妝。

 

產品實測部分

質地:4.5分

質地水潤而順滑, 搽上面非常易推開,蘊含摩洛哥堅果油及乳木果油等高效植物性保濕成分,用1-2泵已經可以塗全面。


妝效/貼服度:4分

使用呢款粉底追求水潤透薄嘅妝效,的確上妝後,明顯皮膚亮澤咗唔少,而保濕度高,妝後浮粉、起紋嘅情況較少。

遮瑕度:3.8分

由於主打透薄妝底,對遮瑕方面相對較弱,面上色斑約遮到6成,而黑眼圈方面約遮到6-7成,之後配遮瑕膏效果會更好。


持久度:4分 

經過8小時實測,其實持久度算唔錯!亮澤水潤都可以保持到,但膚色就較剛上妝時暗咗,建議可以買白一度!帶咗幾小時口罩,口罩上都有沾上少許粉底,程度可接受!


總評:

呢款粉底適合偽素顏或淡妝,如果期望高遮瑕就唔太適合!上妝後,細紋明顯活淡,而最令我驚喜係當中含有Stretch Film,上妝後顏果肌明顯飽滿,好似打咗光影。粉底蘊含摩洛哥堅果油及乳木果油等高效植物性保濕成分,適合乾性皮膚,上妝後幾小時,更自然同有光澤感,但如果係油性肌膚配合碎粉定妝,持久度會更好。

總評分
4.5
質地
效果
抵買
推薦
Share :