【面膜】MTM Organic Custom-Blended Harmonious Mask 一個專屬於你肌膚的面膜| iTRIAL美評
20.03.2019

有冇試過敷完面膜好似無乜改善? 望住林林種種的面膜都唔知邊款最啱自己? 師少Tiff與你們同在,一直都搵唔到啱自己的面膜。直到我去咗MTM做皮膚分析,幫我由生活習慣及日常用護膚品等等分析,加埋用皮膚測試儀同毛孔say hello。今次我會試用MTM Organic Custom-Blended Harmonious Mask,在iTRIAL美評做一星期實測!

Text: 師少Tiff的右手 (IG: Cytfany) | Photo & Video: 師少Tiff的左手| Editor: Tiffany Ng | Video Editor: Kathy

MTM Organic Custom-Blended Harmonious Mask

師少最中意簡約的外表同包裝 加上專屬自己的護膚品 感覺超特別


價錢:HK$890/60g

平均價錢:$14/g

賣點:MTM Organic Custom-Blended Harmonious Mask獲得日本的ECOFIT5星有機認証,其成分萃取自多種日本珍稀有機植物,性質溫和並具有顯著自癒功效。蘊含豐富的紫錐菊根精萃、蘋果果水及奇異果果水等有機成分,強效提升肌膚免疫能力,有效舒緩肌膚痕癢及不適感,並軟化角質,預防因皮炎引致的肌膚粗糙問題;同時修護肌膚底層細胞組織,改善儲水能力,達致強效保濕。


MTM Organic Custom-Blended Harmonious Mask 實測

師少去MTM定制自己專屬的護膚品,有埋自己名印係包裝上面,包無認錯!

可以真正睇到皮膚的情況,我的角質分佈不平均,毛孔粗大,肌膚缺水嚴重。隨住長期唔做好防曬,骨膠原流失,珍貴的三角紋都無晒。我除左要狠狠地補濕,仲要好好的飲水搽防曬。護膚都係女人終身事業。

到底MTM係乜品牌黎? 係一個專門生產量膚定制既護膚品牌。有300幾種唔同組合既原液選擇,按照客人的不同需要加入護膚品中。我既組合就係蘆薈原液同彈性保濕精華,可以做到修理我經常曬太陽既肌膚,做到強效保濕、提升肌膚免疫力及自癒功能既效果。


Day 1

拍完上面大家見到既美評片,終於試到MTM既面膜。以下就佢既第一印象俾個分先。

依家黎教大家用面膜,首先,第一步,係打開個蓋XD 

原來隨面膜附送一支小心意,就係刮仔一支。但係sorry,我用左兩下就放棄左。因為太細,實在唔啱男人婆用,由其是手大怪….(是被歧視了嗎)。

每一刮都太小既份量,最後都係用手指拎,仲拎得順~ (當打緊Blog先發現,可能係想我拎上手背再用?!哈)所以,包裝留返兩分面子俾佢。(拎住呢兩分企埋一邊先,謝謝)


質地:5分

一開蓋係嚇到了,望住日霜咁既樣既面膜,有一刻覺得自己拎錯product…..

但係!真係日霜咁既質地架! 輕柔系列真係輕柔D。放上面無一般面膜好似有一堆物料放上黎面上,其實負擔幾大。

呢種面膜就輕身得黎,水水的質地容易推開,唔會每一下都要勁厚一撻,咁就可以薄薄一層慳住用~ 係有需要加強既位置再落重手D,放大個效果。

質地舒服輕薄,夜晚敷緊臉都唔怕嚇親男友。


MTM天然輕柔系列全系列的護膚品,95%以上由有機植物萃取製造,全球唯一護膚品品牌獲得ECOFIT 5星認證。

仲加入個人化量膚定制成份,成份呢一個item根本就送分!!!

*想知仲有咩成份,睇返上面簡介,我就唔重複啦*

毛孔黑頭無明顯的改善,但明顯地皮膚光澤左,有返彈性。


保濕度:4分

由於我無濕度機,真係靠自己皮膚感受。洗走左面膜之後,皮膚有扎實既感覺! 明顯的亮白感都有。

之後再上妝都明顯貼服,暫時感覺滿意,俾4分先。

回藍天的天氣,妝容都可以貼貼服服,全靠保濕做得好!


性價比:3.5分

HKD890一盒面膜,師少感覺到肉赤。但係包埋一小時皮膚分析,仲會加多幾泵原液落去,都算抵返啦。


總評語:

總結,由成份到上面既感覺都覺得好舒服舒適,輕薄的質地令我想再敷到下世~

香味控師少對呢盒面膜更係聞到天荒地老! 天然植物成份,草本香味出晒黎! (雖然係片中我聞到益力多味,個下應該係錯覺)

只係敷左15分鐘就足夠肌膚飲飽水咁,有返彈性,有返光澤。(感動落淚)

由於面膜呢D長期作戰產品,師少決定無私公開一星期用後感! Day 2-7就要去我IG到睇啦!

總評分
4
#MTM #面膜
Share

【護唇油】Clarins凝亮護唇油 唇膜級超水潤唇膏!? | iTRIAL美評
Clarins凝亮護唇油 唇膜級超水潤唇膏!?