【Lunasol 粉底液】細細一支已經搞掂成個底妝?!口罩妝必備局部補妝專用粉底液~黑眼圈瑕疵通通BYE BYE!
10.08.2020

平時我最重視遮黑眼圈,但好多遮瑕膏都遮唔到我嘅千年黑眼圈,今次Lunasol推出嘅局部補妝專用粉底液,設計方便攜帶,等大家隨時展現完美水光肌。輕輕一塗,即賦予肌膚媲美精華素的滋潤感,質感輕盈柔滑,如融化於肌膚般緊密貼服。配合細緻的珠光,可以輕易自然隱藏各種瑕疵及提亮肌膚暗沉部位,亦可塗抹於眼下三角位置,令膚色顯得更亮澤剔透。等我試下呢支Lunasol粉底液幫唔幫到我啦!!


Text & Photo:TiffanyC (IG:_tiffanycc_) | Editor:AnGel S.

 

Lunasol 粉底液 底妝 口罩妝 黑眼圈 好用 推薦 2020

Kanebo Lunasol 水光修護粉底液 Glowing Treatment Liquid

價錢:$280 (全3色)

色號:#3


實測 Kanebo Lunasol 水光修護粉底液 Glowing Treatment Liquid 

Lunasol 粉底液 底妝 口罩妝 黑眼圈 好用 推薦 2020

掃頭:

作為一支局部補妝用的粉底液,Lunasol貼心地設計了有埋海綿塗抹棒,加上小小一支,的確方便拎出街隨時補妝用。


延伸閱讀:

【Lunasol 眼影盤】魅光幻彩四色眼影Eye Coloration 戴著口罩更要有立體眼妝!


Lunasol 粉底液 底妝 口罩妝 黑眼圈 好用 推薦 2020

我用的是#3,顏色偏橙一點。


Lunasol 粉底液 底妝 口罩妝 黑眼圈 好用 推薦 2020

遮瑕度:4分

Lunasol 水光修護粉底液擁有屬於中高的遮瑕度,雖然唔可以一層就遮掉所有黑眼圈,但係可以層疊加強遮瑕度,基本上瑕疵都可以遮到6-7成左右, 有效提亮肌膚暗沉部位。


持久度:4分

化左全日仲要帶住口罩都冇推甩粉底,底妝keep得非常完整,依然keep到遮瑕度,冇因時間而減少,持久度唔錯。

 

保濕滋潤度:4

呢支Lunasol粉底液保濕滋潤度做得唔錯,用咗全日都唔會覺得乾,非常水潤易推。我本身眼底嘅位置都比較乾,平時上底妝都好容易卡紋,但用完佢之後都唔會顯乾紋,望落好smooth,化完全日到卸妝果刻都依然feel到果層保濕感係到!

 

總評:

今次試嘅呢支 Lunasol 水光修護粉底液 Glowing Treatment Liquid 小小一支又方便帶出街使用,加上無論係保濕滋潤度、遮瑕度及持久度都令我滿意,因為我上妝全日,底妝keep得非常完整,依然keep到遮瑕度,保濕度又不錯,值得一試!


延伸閱讀:

【SOFINA 粉底液】如羽毛般輕柔透薄 同時防汗控油 擺脫溶妝浮粉困擾


總評分
3.5
質地
效果
抵買
推薦
Share :