L'Occitane 乳木果滋養潤手霜 |冬日男女通用護手霜 質地滋潤且極速吸收

28.12.2021

又到聖誕~又到聖誕~話咁快又到冬天喇!唔少人都一樣會被乾燥嘅天氣影響,被皮膚痕癢、倒刺生長等問題困擾。而我都唔例外,所以再懶都要下定決心挑選一枝適合自己嘅護手霜,解決上述問題喇!今次想為大家介紹嘅好物係L'Occitane乳木果滋養潤手霜!馬上睇睇我嘅實測吧。

Text & Photo: Pinky (IG:Slurpee_pinky)

實測 L'Occitane 乳木果滋養潤手霜 Shea Hand Cream

 

L'Occitane 乳木果滋養潤手霜

價錢:HK$235/150ml

產品介紹:

L’OCCITANE一向都係一個Eco-friendly 嘅品牌,今次嘅乳木果潤手霜更有95%以再生鋁製成,以呼應品牌對可持續發展嘅支持同貫徹採用可再生物料嘅初衷。新推出嘅乳木果護手霜含有20%乳木果油以及β-葡聚醣,務求更有效修復皮膚屏障,令敏感皮膚人士都能體驗到滋潤而同時紓緩嘅效能。簡單塗抹護手霜嘅動作,可以令膚質更柔滑外,更能免受外來侵害。

 

質地:4 分

推抹時能感覺到護手霜質地豐潤細膩,同時帶有一種清新樹木香味,係BB沖涼液嘅氣味,既舒服又令人放鬆!
 

易吸收度:4.5分 

好多時候我都好怕質地較厚身嘅護手霜,因為大多都會停留喺皮膚表層,但呢款護手霜可以配合我哋手掌心嘅熱度,迅速吸收、滋潤皮膚而不油膩,均勻塗抹後可以見到雙手好有光澤!
 

保濕度:4.5 分

冬天好多時候都忽略咗對雙手嘅呵護,經過寒風吹打,乾紋自然特別明顯。加上疫情嚴重嘅關係,亦要不時使用酒精搓手液,其實更容易抽乾皮膚中嘅水份。塗抹護手霜後,明顯雙手乾紋情況有所改善,明顯變淡。

紓緩度:4分

未使用呢款護手霜之前,雙手偶爾會感到痕癢,容易因乾燥而受傷,乾紋顯然盡現。
兩邊手亦有一兩隻手指出現生倒刺嘅情況!
但使用之後,明顯睇到手背上嘅乾紋變得無咁明顯,有淡化跡象,滋潤程度同時亦為皮膚帶來持久而自然嘅光澤。
只要皮膚保持滋潤嘅狀態,亦唔需要再擔心倒刺增長嘅問題。輕輕一塗就可以做到軟化皮膚嘅效果!
 

總評

持續使用潤手霜護理手部,雙手唔駛再處於一個因痕癢而導致紅腫嘅尷尬情況。從外觀睇落去更可以漸漸見證到乾紋減褪。只係簡單地早晚使用一次已經足夠令保濕力維持整日並防止倒刺增生。另外值得加分嘅地方係佢嘅成份天然,無刺激性成分。塗抹時亦會散發出陣陣幽香,為緊繃嘅心情帶來一點紓壓作用。最後,由於每次需要嘅份量只係好少,二百幾蚊有咁大枝,其實性價比非常高,十分耐用,值得大家入手呢!


 


 


 

總評分
4.25
質地
效果
抵買
推薦
Share :