【IT cosmetics CC霜】愛裸妝人必試！ 人人讚賞的自然偽素顏

日日戴口罩你地會唔會化底妝？我就好擔心被口罩焗全日會溶妝之餘，仲甩到成個口罩都係粉底。聽聞 IT cosmetics 嘅皇牌全效完美遮瑕 CC霜 Your Skin But Better CC+ Cream with SPF50可以做到不脫妝又不溶妝，一枝集修正膚色、完美遮瑕、水潤抗衰老及SPF 50 物理防曬多功能於一身，等我試下佢好唔好用先！

Text & Photo: Momo (IG : ivym0) | Editor : AnGel S.

IT cosmetics 全效完美遮瑕 CC霜 Your Skin But Better CC+ Cream with SPF50

價錢：$320/32ml

色號：#Fair

實測 IT cosmetics 全效完美遮瑕 CC霜 Your Skin But Better CC+ Cream with SPF50

質地：4分

質地易推唔乾，推開感覺唔會過薄，延展度不錯。

延伸閱讀：

【IT cosmetics 遮瑕膏】眼部極致遮瑕膏 防水遮瑕力都超強?!

貼服度：4.5分

左邊塗了IT cosmetics 全效完美遮瑕 CC霜，無出現浮粉或脫皮情況，感覺非常貼服，不覺得乾或厚重。
 

均勻膚色度：4.7分

可見上面後能提亮及均勻整體膚色，不嚴重嘅黑眼圈甚至可以毋須再另外遮瑕，當然，如果係較嚴重嘅黑眼圈或暗瘡印，就要另外做重點遮瑕了。
 

遮瑕度：3.8分

遮瑕度不錯，在黑眼圈位置塗上一、兩層，基本上已可以令黑眼圈消失，於暗瘡印位置塗上一、兩層，至少可遮蓋7成，但要完全無瑕，就需要另外配上遮瑕膏。
 

持久度：4分

此圖為上妝後4小時，期間有戴口罩，口罩上沒有留下太多粉底痕跡，底妝依然完好，膚色均勻，惟暗瘡印較剛完妝時明顯。

總評：

總括而言，IT cosmetics 全效完美遮瑕 CC霜 Your Skin But Better CC+ Cream with SPF50妝效貼服，不易浮粉，遮瑕度令人滿意，保濕度不俗，上妝後不黏笠，戴口罩前上少少碎粉較好。

特別推薦喜歡自然妝感又經常趕時間出門嘅人使用，一支做到修正膚色、遮瑕、防曬，還不易脫妝或溶妝，整體效果不錯。

延伸閱讀：

【YSL Beaute 氣墊粉底】絕美升級皮革羽毛氣墊 打造完美無重底妝