【Givenchy 粉底液】抗污染防藍光?「光速粉底」Teint Couture City Balm新登場!

16.06.2020

Givenchy底妝產品一向口碑唔錯,我身邊嘅朋友對佢地評價都幾好,但我自己就未試過。今次新出嘅亮麗無瑕柔光粉底液除左可以抗UV,亦可以防污染抗藍光,啱曬成日要用電話嘅都市人!新粉底有「光速粉底」嘅稱號,聲稱就咁用手指就可以極速完成底妝,就好似平時搽護膚品咁!今日我想同大家測試下粉底液嘅遮瑕度、持久度同氧化度!


Text & Photo: Tiffany Tsoi (IG: @your.beautyteller) | Editor: AnGel S.


Givenchy 亮麗無瑕柔光粉底液 Teint Couture City Balm SPF25 PA++

價錢:$415/30ml

色號:N200


實測Givenchy 亮麗無瑕柔光粉底液 Teint Couture City Balm SPF25 PA++

質地:

粉底液質地偏杰身,無咩流動性,用手上會易啲推開同貼啲,用掃上會有粉痕,難推勻。推開後輕身,無厚重感。色調方面香港只有6隻色揀,網上話N200係中性偏白嘅膚色用,但明顯偏黃同深,大家買哩隻粉底時要注意番!


遮瑕度: 3分

有低中遮瑕度,buildable。素顏時黑眼圈嚴重,有暗瘡印,血管明顯。薄上一層有低度遮瑕,均勻到膚色,眼周色素同黑眼圈/鼻翼泛紅遮到5成,暗瘡印只遮到3-4成,仍然明顯。


延伸閱讀:

【Givenchy 氣墊粉底】貼「心」的心形Cushion Foundation 令膚色瞬間白亮


持久度: 3.5分

上妝約5個鐘後輕微出油,但鼻翼有脱妝問題,甩得七七八八。


抗氧化度: 4分

氧化問題不大,但因為粉底液啱啱上面會係偏matte,過左一段時間有少少出油後會令底妝更貼同變得有光澤,所以易出油嘅位置,例如面頰中央同額頭,會反而好似白過啱啱上妝,透亮左,但其他位置其實差唔多,只係黃左少少。



總評:

我覺得Givenchy哩款亮麗無瑕柔光粉底液 Teint Couture City Balm係屬於愈夜愈靚,啱啱上面係霧面妝感,但我個人偏向有光澤感嘅底妝。上妝後過一段時間,輕微出油後同底妝融合,就會有少少透亮感,妝感會變得更自然更貼服。同埋粉底液除左可以抗UV防污染物,仲因為加入左礦物粉,可以防藍光,係成日用電子產品人士嘅恩物!可惜遮瑕力唔高,皮膚狀況好嘅用佢好適合,就咁用手指推開,可以輕易上好底妝,可以好快均勻膚色。但若是瑕疵較多,或者係皮膚狀況差時用就一般。


延伸閱讀:

【YSL Beauté 粉底霜】 史上最高保濕精華比例 兼具光澤感與高遮瑕嘅底妝 !?


總評分
3.25
質地
效果
抵買
推薦
Share :