【GLAMGLOW 深層清潔面膜】皇牌白罐SUPERMUD 一罐清走黑頭消暗瘡兼收毛孔!

22.10.2020

坊間稱為「 荷里活明星面膜」的 GLAMGLOW 無瑕淨透深層清潔面膜 SUPERMUD® CLEARING TREATMENT未登陸香港前早已獲得一眾荷里活明星與歐美網紅力捧,幾乎每位用過後都大力讚好,部分人更封其爲最愛深層清潔面膜!因此亦早已獲獎無數,被CEW 美容大獎頒授「最佳對抗暗瘡皮膚」產品、Cosmopolitan Best of the Best My Favourite Product Awards 2019「我最愛深層清潔面膜」2nd runner up,仲係Sephora最高銷量產品之一!

今日想同大家一齊測試下呢個白罐面膜,針對佢嘅質地、清潔力同收毛孔能力作出評價,睇下係咪真係好似產品介紹咁講,只需幾分鐘就可以解決暗瘡、黑頭粉刺及毛孔堵塞等問題!
 

Text & Photo:Tiffany Tsoi (IG: your.beautyteller) | Editor:AnGel S.
 

GLAMGLOW 深層清潔面膜 白罐 SUPERMUD 黑頭 暗瘡 收毛孔 好用
GLAMGLOW 深層清潔面膜 白罐 SUPERMUD 黑頭 暗瘡 收毛孔 好用

GLAMGLOW SUPERMUD™無瑕淨透深層清潔面膜 CLEARING TREATMENT

價錢:$690/100g;$490/50g;$170/15g


 

實測GLAMGLOW SUPERMUD™無瑕淨透深層清潔面膜 CLEARING TREATMENT


GLAMGLOW 深層清潔面膜 白罐 SUPERMUD 黑頭 暗瘡 收毛孔 好用

易推度:4分 

質地偏杰身,但容易推開,可以好快又輕易地搽勻全面。我自己覺得全面薄敷就夠,分量係啱啱遮到膚色就ok,如果唔係會比較難乾,要敷長啲時間。之後可以係有需要嘅位置,例如暗瘡同鼻頭黑頭上敷多少少。敷上面後會有冰冰涼涼嘅感覺,之後會有輕微刺痛感,係正常反應,代表面膜係到發揮緊功效。


延伸閱讀:

【belif 面霜】告別暗沉膚色 強效抗氧化的炸彈霜 Aqua Bomb

 

GLAMGLOW 深層清潔面膜 白罐 SUPERMUD 黑頭 暗瘡 收毛孔 好用

清潔度:4.5分 

GLAMGLOW SUPERMUD™面膜嘅清潔力真係相當唔錯,係我用過咁多款清潔面膜當中最強!敷完之後啲污糟野會浮出嚟,用吸黑頭機可以吸走好多污垢物,或者用黑頭棒/棉花棒都可以輕輕推走佢哋。

 

GLAMGLOW 深層清潔面膜 白罐 SUPERMUD 黑頭 暗瘡 收毛孔 好用

收毛孔度:3分 

只用一次,收毛孔效果唔算好明顯,細心啲睇係有細少少。因爲面膜清潔力幾強,我會建議敷完之後最好再敷啲收毛孔舒緩面膜,減少再俾污垢物攝返落毛孔嘅機會。

 

總評:

呢個GLAMGLOW SUPERMUD™深層清潔面膜真係好用!除咗清潔力強,仲可以壓制暗瘡生長,加快暗瘡消退,會無咁腫痛,但係要注意返佢有一定嘅刺激性,如果好似我咁係敏感肌,或者皮膚較薄,我唔建議經常全面敷,兩星期用一次就好。其他時間可以主力敷係油脂分泌較旺盛的T字位、下巴及暗瘡上。另外,我覺得唔好等到佢完全乾晒先洗走,會難洗啲,可以趁7-8分乾就洗,同埋可以用洗面巾/潔面撲幫手,會容易啲洗走面膜。

總括嚟黎講,我好推薦呢款GLAMGLOW SUPERMUD™清潔面膜,可以一試!
 

GLAMGLOW 深層清潔面膜 白罐 SUPERMUD 黑頭 暗瘡 收毛孔 好用
GLAMGLOW 深層清潔面膜 白罐 SUPERMUD 黑頭 暗瘡 收毛孔 好用
GLAMGLOW 深層清潔面膜 白罐 SUPERMUD 黑頭 暗瘡 收毛孔 好用

另外,GLAMGLOW同一個系列仲有出相中嘅控油收毛孔產品!

GLAMGLOW超級潔面礦泥 SUPERCLEANSE™加水後會起少少泡,清潔力夠,用完感覺清爽又唔會好乾,有啲提亮膚色效果。

GLAMGLOW超級發光修護精華 SUPERSERUM™流動性唔錯,好推勻,搽開後會好似有層薄膜咁,需要多少少時間,多按摩先可以吸收晒。至於支GLAMGLOW超級發光爽膚液 SUPERTONER™,要搖勻先好用,味道同面膜一樣,聞起來有少許嗆鼻,主要用嚟幫助細緻毛孔。呢3樣產品入面我自己比較鍾意支超級潔面礦泥 SUPERCLEANSE™


延伸閱讀:

【FIRST AID BEAUTY 面霜】敏感肌濕疹肌都啱用 爭住搶購嘅強效保濕修復面霜


總評分
4.5
質地
效果
抵買
推薦
Share :