Clarins全新[輕盈版]賦活雙精華DOUBLE SERUM LIGHT｜輕盈清爽無重感 夏天必備｜iTRIAL用家分享
最近愈來愈熱又潮濕得好嚴重，係時候轉用啲清新又輕盈嘅護膚品。好消息！CLARINS皇牌Double Serum推出全新[輕盈版] Double Serum Light，比起原有配方輕透清爽50%，好似雲咁輕透！全新Clarins Double Serum Light 輕盈版賦活雙精華保留皇牌雙精華配方功效，但不一樣嘅清新觸感。等我同大家試用實測新配方是否輕盈但保留皇牌雙精華配方功效，再推薦畀大家～
Text & Photo: Dayday (IG: dayday_lam_)
實測 Clarins [輕盈版]賦活雙精華DOUBLE SERUM LIGHT
實測 Clarins [輕盈版]賦活雙精華DOUBLE SERUM LIGHT
價錢：$970/50ml
產品簡介：
全新CLARINS[輕盈版]賦活雙精華Double Serum Light質感好似雲朵般輕透，較原配方輕盈清爽50%*，極快吸收，適合所有年齡同膚質使用，獨有2:1完美親膚「水+油黃金比例」，5大細胞修護功效可以7天令肌膚變得緊緻、細嫩、透亮，特別適合香港炎熱潮濕天氣。
*12位感官專家對賦活雙精華及輕盈版進行對比感官分析測試結果
產品實測部分
質地：4.5分
其實輕盈版Double Serum嘅「水+油」配方係最接近皮膚嘅水油比例，搽上手唔會感覺好油好笠，好容易推開，基本上都即時滲透，仲有淡淡嘅香味，夏天用唔會黏膩！
吸收度：4.5分
比起平時自己用開嘅精華搽上手嘅感覺真係輕盈好多，一搽就吸收落肌膚。今次用紙粒做個測試，見到搽完都冇黏起任何紙粒。我本身係混合性肌膚嘅人，T字位出油多啲，搽上面係feel到啱啱好，唔會黏笠笠。
保濕度：4.1分
最近嘅天氣我已經要開冷氣瞓覺，洗完面輕輕用咗爽膚水，再用[輕盈版]賦活雙精華，即刻冇咁乾，瞓醒後依然保持到個保濕度，出油唔會太嚴重！
光澤度：4.3分
緊緻度：4.5分
用之前毛孔比較粗大同埋暗啞，連續早晚用左一星期左右，即刻見到皮膚明顯變得有光澤，有啲比較暗啞嘅地方都均勻番，毛孔都細緻咗！
總評：
我係屬於混合性肌膚，夏天潮濕天氣T字位出油會比較嚴重，今次試用[輕盈版]DOUBLE SERUM，真係比起一般精華質地更清爽又唔黏笠，吸收得好快，用咗一段時間都明顯見到毛孔收細。平時唔化妝肌膚都自然光澤透亮，或者可以化妝嘅時候加小小精華同粉底液混合，令到底妝更加貼服唔易溶妝。
本身都有過[原版]DOUBLE SERUM，建議大家可以同[輕盈版]兩款交替使用，天氣潮濕嘅時候用[輕盈版]，天氣寒冷乾燥嘅時候就用[原版]。
測試完畢，真係同[原版]功效一樣咁好！有興趣嘅朋友，即日起至5月29日可登記到銅鑼灣Sogo popup store親身試用！
4.25
