【Clarins 眼霜】60秒大眼奇蹟 顯著減淡黑眼圈 撫平眼紋

23.10.2020

隨着年齡增長,眼周肌膚問題愈來愈明顯,雙眼望落成日好似好攰,仲好顯老!我自己主要嘅困擾係黑眼圈同眼紋嚴重。經常熬夜、睡眠質素唔好、鼻敏感體質,令到我有一對好勁嘅「熊貓眼」。另外,我仲有個壞習慣,就係成日捽眼。因爲我對塵蟎過敏,經常眼睛痕癢,所以會捽眼去舒緩不適感,導致我眼底眼紋好深。

今次試用呢款Clarins全新提升撫紋全效眼霜Total Eye Lift,主打可以60秒極速大眼,重拾年輕睛采!特別加入2款「速效大眼植物配方」—— 卡西花萃取同有機哈倫加那萃取,分別可以即時提拉眼皮,撫平眼紋,以及緊緻眼周輪廓。連續使用一個月,可以有效地促進膠原蛋白增生,解決眼周肌膚鬆弛、眼紋及黑眼圈問題,令雙眼望落更年輕。下面我會同大家測試下眼霜嘅質地、即時保濕度、滋潤度,以及其他功效嘅效果!


Text & Photo:Tiffany Tsoi (IG: your.beautyteller) | Editor:AnGel S.


Clarins 眼霜 極速紅子彈 黑眼圈 眼腫 緊緻 眼紋 推薦

Clarins 提拉撫紋全效眼霜 Total Eye Lift

價錢:$600/ 15ml


立即登記極速大眼體驗:


 

實測Clarins 提拉撫紋全效眼霜 Total Eye Lift

Clarins 眼霜 極速紅子彈 黑眼圈 眼腫 緊緻 眼紋 推薦
Clarins 眼霜 極速紅子彈 黑眼圈 眼腫 緊緻 眼紋 推薦

包裝:  4分 

全紅色瓶身,好sharp、好搶眼!感覺上就好似係用完佢之後雙眼會變得炯炯有神,同包裝一樣特別惹人注目。

泵頭有啲實,一開始用嗰陣好易會按得大力咗,令泵出嘅份量過多。之後開始控制好個力度,輕按一下,泵出一粒豆嘅份量對我黎講啱啱好,夠搽雙眼。
 

Clarins 眼霜 極速紅子彈 黑眼圈 眼腫 緊緻 眼紋 推薦

質地:  4.5分 

質地輕薄,容易推開。泵出嚟嘅時候偏杰身,但推開後質地唔會好厚。一粒豆嘅份量可以好快就按摩至完全吸收,感覺幾清爽唔黏笠。

 

Clarins 眼霜 極速紅子彈 黑眼圈 眼腫 緊緻 眼紋 推薦

去黑眼圈度:4分

去浮腫度:3分

淡紋度:3.5分

用咗差唔多2星期,我覺得效果幾好,特別係眼頭底下嘅黑眼圈,比起未用嗰陣淡咗唔少。撫平眼紋在上圖看起來相對無咁明顯,但係化妝時會見到係有改善,因爲少咗出現卡粉底/遮瑕膏係眼紋嘅情況。同埋朝早用嘅時候,加埋眼部按摩,可以提拉眼瞼,60秒極速放大雙眼。

 

Clarins 眼霜 極速紅子彈 黑眼圈 眼腫 緊緻 眼紋 推薦

即時保濕度: 4分 

即時保濕效果唔錯,比起洗完面未搽任何skincare嘅時候升咗差唔多10%!

 

Clarins 眼霜 極速紅子彈 黑眼圈 眼腫 緊緻 眼紋 推薦

滋潤度: 3.5分

滋潤度不俗,搽完Clarins眼霜約2個鐘後肌膚含水量仍然維持到超過50%,比無搽時高。


總評:

連續用咗差唔多14日,我對呢款 Clarins 提拉撫紋全效眼霜 Total Eye Lift 嘅效果滿意,特別係改善黑眼圈嘅部分,明顯淡咗。我覺得各種膚質都適用,只需要係用量方面作出調整就可以。如果同我一樣肌膚容易敏感,會因爲太潤而起粒粒,每次用一粒豆嘅份量就夠搽曬雙眼。如果眼周特別乾,份量可以加多啲,加上按摩唔會難吸收,更可以即時提拉眼瞼,做到60秒極速放大雙眼的效果。另一點我鐘意佢嘅地方係唔會同化妝品打交!有時搽完眼霜,如果吸收得唔好,好容易之後上粉底或遮瑕時起擦子膠碎,但呢款無咁嘅情況,吸收得好好,好快。

總括嚟講,我會推薦呢款Clarins 眼霜,除咗價錢偏小貴,無咩其他缺點。雖然我用咗嘅時間唔算長,但已經見效,用耐啲效果應該會更好,而且成份天然,由94%天然植物萃取調製而成,可以安心使用!


立即登記極速大眼體驗:


總評分
4
質地
效果
抵買
推薦
Share :