Clarins 賦活雙精華|空瓶回購精華液|iTRIAL用家分享

20.05.2022

雖然每位女士都夢想著自己係少女嘅肌膚,但不得不承認隨着日子一日一日地過去,皮膚都變得冇少女時咁水潤,肌膚缺水嘅情況嚴重咗,敷少左面膜就好易顯出細紋,特別係額頭及虎紋位置。

有時都唔敢做太大表情及太浮誇嘅動作,例如張開口大笑(悲)

好多人講Clarins Double Serum賦活雙精華好好用, 好多Double Serum既忠粉都空瓶回購,話佢係有抗老功效的修護精華,我都立即入手實測一下,用過後效果真係好到返唔到轉頭。
 

Text & Photo: Siyi Bebee (IG:siyib)

實測 Clarins 賦活雙精華 Double Serum

Clarins 賦活雙精華 Double Serum

價錢:$650/30ml ; $900/50ml

產品介紹:

其實Clarins皇牌賦活雙精華已經有35年歷史啦~當中經過不斷改良後而家已經係第8代既Double Serum, 繼續沿用第7代[水+油]雙效精華配方,而今次改良後仲有21種高效水溶性及油溶情的修護植物萃取。

成份中最重要既薑黃, 含高達65%薑黃酮, 可以達致5大細胞修護功效:

1.再生 2.滋養 3.防禦 4.活氧 5.保濕
 

產品實測部分

質地/易推度:4.8分 

精華質感:透明(水質地) + 金黃色 (油質地)

獨家泵頭設計, 可以喺使用擠出前一刻才混合油溶性及水溶性既[水+油]既修護精華, 夠晒新鮮

因為以2:1[水+油]既親膚黃金比例調製,所以質地都非常易均勻塗抹全面,精華可以好快入到肌底, 而且搽上面既香味好舒服。

 

 

滲透度:4.3分

由於佢含有油份嘅質地,所以塗上面後都需要少少時間等待皮膚吸收至底層,加以按摩手勢, 加快肌膚吸收,而且按摩嘅時候唔會有擦子膠碎捽到出嚟。而水+油質地嘅滲透力出奇地高,好快被肌膚吸收晒, 絕對唔會覺得油笠笠,而且面上仲充滿光澤添。


 

保濕度:4.8分
滋潤度:5分

我一直都有用油類黎護膚, 因為除了要為肌膚補水之外,鎖水都好重要,護膚油可以穩定皮膚狀態,避免水份流失,達致水油平衡嘅功效。

同埋呢個樽身設計非常貼心,用家可以透過樽頂顯示既水滴型標誌擠出精華使用的份量。

天氣乾燥或夜晚我會使用大水滴,而小水滴就適合早上或和暖潮濕使用少份量既天氣。

平時我會用小水滴果一邊吱出黎搽頸部肌膚, 而大水滴就足夠搽勻全面+按摩,份量岩岩好唔會浪費。

用唔慣水+油呢種質地, 可以試下用小水滴果邊逐pump加上去, 搵返啱自己肌膚嘅texture。


光澤度:4.7分

去紋度:4.8分

試用左一星期都未夠, 已經見到肌膚緊緻左, 由其乾燥既天氣都足夠滋潤唔會甩皮, 而且仲充滿光澤感, 朋友見到我仲話我精神左添呀相信係改善左面色暗啞既問題, 聽到朋友讚即刻飄飄然開心晒。


 

總評:

經過一段時間早晚使用後,我覺得最明顯係撫平左額頭既乾紋同埋面上既小皺紋, 望落面頰位啲毛孔仲好似收細左添呀, 效果實在令我太驚喜, 1年4季都適合用,我會KEEP住用多幾支空瓶呀~

Clarins Double Serum一個步驟就可以達到水+油既護膚效果,真心方便,功效又顯著,推薦俾一眾鍾意快靚正既女生使用呀。

 

總評分
4.75
質地
效果
抵買
推薦
Share :