CeraVe 活肌再生系列｜皮膚科醫生研發 活肌再生修復 提升天然保護屏障｜iTRIAL用家分享
之前一直都有朋友大大力推薦CeraVe嘅產品，成個品牌所研發嘅產品都係有皮膚科醫生一同參與，絕對能夠放心使用！ 尤其佢嘅紫色系列係國外非常多人使用，之前亦都見到好多國外YouTuber介紹過，但當時香港仲未有得買，連試嘅機會都冇。
最近收到一個好消息，就係香港屈臣氏終於都有得賣啦！ 今次就等我一次過試晒成個紫色系列，護膚界嘅三大巨頭「胜肽」「A醇」「維他命C」睇下係咪真係咁犀利啦！
Text & Photo: Luna.W
實測 CeraVe 活肌再生胜肽緊緻修復面霜
價錢：$300/48g
產品介紹：
與皮膚科醫生共同研發， 蘊含高效胜肽，幫助修復肌膚表皮天然保護屏障，而且配方溫和有效係煥醒肌膚青春光彩。仲有效地提升肌膚緊緻度，令肌膚更有彈性，煥發活力。
-獨特嘅不致粉刺配方，無添加Paraben|香料酒精(乙醇)
-適合中性、敏感及乾性肌膚使用
產品實測部分
質地：4.6分
面霜質地呈乳白色，而且豐盈綿密，雖然質地較厚重，但依然保持良好推開性，只需少量就可以覆蓋全面頸部，吸收速度非常快，肌膚瞬間feel到水潤飽滿，出奇地唔油都唔黏立，而且仲有光澤感！
緊緻提升度： 4.5分
連續使用面霜7日後，原本模糊不清下顎線，逐漸有返少少輪廓，照鏡睇得出緊緻。 尤其令我驚喜嘅係膚質變得細膩左而且更有彈性！
實測 CeraVe 活肌再生A醇抗皺精華
價錢：$300/30ml
產品介紹：
與皮膚科醫生共同研發，活肌再生A醇抗皺精華蘊含高效三重 Ceramides及A醇，有助於修復肌膚表皮天然保護屏障，並補充因年齡增長而流失的Ceramides。配方溫和有效，無添加Paraben同香料，適合中性、敏感及乾性肌膚使用。
一支有幫肌膚煥發青春光彩同時淡化細紋和皺紋，撫平肌膚！
產品實測部分
質地：4.7分
A醇抗皺精華擁有輕盈質地，令肌膚有一種水潤感覺，而且極易推開，可以俾肌膚迅速吸收，毫不黏立油膩。肌膚唔會感到有負擔，係一種剛剛好嘅滋潤！
減淡皺紋效果：4.5分
作為一名面部長期多表情 到咗輕熟年齡嘅用家，我對減淡虎紋效果尤其關注。連續使用一個星期後，發現鼻翼位置乾紋同埋法令紋明顯減淡，肌膚變得細緻咗，整體質感有提升嘅效果！
實測 CeraVe 活肌再生維他命C提亮精華
價錢： $280/30ml
產品介紹：
由皮膚科醫生共同研發，其蘊含維他命C，有助於強化肌膚天然屏障，配方溫和有效沒有添Paraben 同香料，極適合中性、敏感及乾性肌膚使用。一支煥發肌膚青春光彩，而且仲可以提亮皮色！
產品實測部分
質地：4.9分
呈乳白色的輕盈啫喱質地，推開時非常柔滑可快速被肌膚吸收，使用後感覺清爽水潤，絕不黏膩，特別適合香港潮濕天氣使用。而且佢嘅保濕效果可以令肌膚瞬間感到滋潤又唔會有負擔感！
提亮/美白度：4.7分
連續使用7日後，原本因熬夜而變得疲倦嘅膚色，逐漸回復光澤感。而且最令我驚喜嘅係肌膚透明感加強咗，連嘴角暗沉嘅位置都消失咗！ 呢種由內以外透出嘅健康光彩分分鐘連修圖都未必做到！
總評
七日連續使用CeraVe 活肌再生系列後，唔單止水潤感提升令妝緊貼服咗不少，就細紋法令紋都減少咗，冇再有卡粉嘅情況出現，短短一段時間就做到呢個效果，實在太感恩令人愛不釋手！
而且肌膚彈性好咗好多，係睇得出嘅飽滿，不用再靠化妝修圖。而且下顎線明顯出返嚟，照鏡睇得出年輕咗，唔使再咁重手打陰影
，可以節省不少化妝嘅時間！
呢個系列嘅產品提供溫和而且修護力強。而且經由皮膚科醫生研發，適合各類型肌膚。強烈推薦比同我一樣因為熬夜、飲食不規律或者壓力導致肌膚老化、泛黃、暗沉嘅用家，配合整個CeraVe 活肌再生系列使用，早C晚A 令效果Double up！
4.75
