Benefit Boi-ing 提采明亮遮瑕膏|簡單易用 新手必備 零出錯遮瑕膏|iTRIAL 用家分享

20.05.2022

喺化妝袋拎Benefit Boi-ing提采明亮遮瑕膏出黎,就好似喺筆袋拎擦膠咁,不過係用黎「擦」走面上嘅瑕疵,雖然唔算好高coverage,但日常用黎遮黑眼圈絕對夠用。

我本身唔算好多野要遮,最多都係遮黑眼圈,Benefit Boi-ing提采明亮遮瑕膏好適合我放假落一落街嘅時候用,質地薄身,輕輕用指腹印鬆就出得門口,完全唔需要任何技巧,咁易用嘅產品,效果係點呢,即刻試比大家睇。

Text & Photo:Reese(IG: @reesemakeup__)

 

實測 Benefit Boi-ing 提采明亮遮瑕膏 Boi-ing Bright On Concealer

Benefit Boi-ing 提采明亮遮瑕膏 Boi-ing Bright On Concealer

價錢及容量:$215/5ml

產品介紹:

提亮、修正色調、補濕肌膚!Boi-ing提采明亮遮瑕膏蘊含紅海藻萃取及維他命C衍生物,更含修正眼下膚色的粒子,有助隱藏黑眼圈,即時提亮眼下肌膚,精華質感配方更可為肌膚補濕鎖水,不易結塊,而且可層疊塗抹,令眼下肌膚散發健康光澤。輕輕一筆,即時提亮雙眼。

 

質地/易推度:4分

遮瑕膏蘊含護膚成分,質地水潤,好易就可以推到好soft。

 

遮瑕度:3分

遮瑕膏屬於中度遮瑕,以我嘅黑眼圈情況可遮到8成左右,同埋有打亮左嘅感覺。

 

 

持久度:3.8分

因口罩鐵線位置會印走左啲concealer,所以用左手指個tattoo做實測,以上係3小時嘅效果,有少少甩左。

 

小提示:

1)於眼下方各印上3點 Benefit Boi-ing提采明亮遮瑕膏,再用指腹由內到外輕輕印開。

2)可層疊塗抹,加強提亮效果,亦可視乎需要隨時作補妝之用。

3)於顴骨及鼻樑點上並印開,可作highlight。

 

總評:

Benefit Boi-ing提采明亮遮瑕膏對於好著重妝感嘅使用者未必好適合,但對於化妝新手黎講,若果能擁有Benefit Boi-ing提采明亮遮瑕膏作為人生第一支concealer,則會令到之後嘅化妝journey有好好嘅發展,佢易用嘅程度,加上佢嘅質地,用黎練習係一流。

另外,想用黎化啲淡妝,扮下偽素顏,佢都係一個好好嘅選擇。

總評分
3.5
質地
效果
抵買
推薦
Share :