J
滋潤度幾好：）
唇膚滋潤度好夠，冬天用幾好。我用緊ex02色，就咁睇會以為係深啡色，但上到嘴睇落就紫紫地，適合秋冬妝容。厚搽的話，感覺上比較歐美，所以我會用佢薄薄一層做打底。
26.10.2020
Keep住回購嘅卸妝油
Shu呢枝綠茶潔膚油我用左幾年，好適合我嘅乾性皮膚用，卸妝洗面一take過。用完感覺都好清爽又唔乾，重點係做足乳化嘅過程就唔會出油脂粒： ）
02.10.2020
保濕用眼霜
中規中矩嘅眼霜，用完眼周肌膚會無咁乾，做到保濕嘅功效。但去眼紋、去黑眼圈就做唔到啦。價錢尚算公道： ）
02.10.2020
最愛嘅防曬之一
呢枝防曬質地透薄、好好推。用完唔會變到勁白，唔會有笠嘅感覺。味道有少少似柚子味、好好聞！推薦！
02.10.2020
節省用量嘅粉底
NARS呢枝粉底延展性幾好，好易推，所以用量好慳，少少就可以上曬全。光澤感唔太有，感覺上比較偏霧面。持妝度都算好，十幾個鐘唔補妝都只係t zone位有少少浮粉！
02.10.2020
保濕度幾高
味道好好聞，好天然。搽上面，好快吸收，唔會有笠嘅感覺。第二朝起身，的確感覺到皮膚有水潤到，而且唔會生粒粒。不過價錢略貴：）
26.08.2020
夏天用幾好： ）
呢款面膜幾適合夏天用，消爽得黎夠保濕，泛紅果陣敷佢都會舒緩到。
26.08.2020
用完唔繃緊：）
洗完面皮膚一啲繃緊嘅感覺都無，感覺好溫和，味道聞落好舒服。不過因為有粒子，我唔會日日用。
26.08.2020
性價比高！
Clinque呢枝洗面液，已經用過幾枝。感覺好溫和，適合朝早洗面用，或者配合佢地嘅潔膚水用，效果會提高。價錢唔算貴，專櫃黎講算平，一枝可以用好耐。
04.08.2020
不斷回購嘅潤手霜！
L’occitane 嘅潤手霜系我會不斷回購嘅物品。潤得黎唔會笠，而且乳木果味香得黎令人覺得好舒服，推介！
04.08.2020
當唇膜用：）
淡淡乳木果味，夜晚搽左當唇膜用，第二日雙唇唔會乾啊！
15.07.2020
夏天用唔錯： ）
保濕得黎唔會好笠，夏天用好足夠。Keep住用一排，皮膚白左啲啲，系小資女嘅選擇之一！
15.07.2020
有機花水，濕敷都無問題 ： ）
花水係我近期最愛❤️。平時洗面後會習慣噴左花水先做之後嘅保養，護膚品會容易吸收啲。但我最鐘意花水做到鎮靜皮膚嘅效果，噴完佢出街，皮膚會無咁易出油，推薦！
24.08.2020
有厚度但唔笠！
呢隻防曬雖然上面有厚度，但都算易推開，出完一日街都唔會覺得好笠！
11.07.2020
夜晚用幾好
質地都幾潤，不過都算快吸收。夜晚用，第二日啲皮膚會無咁乾同埋易上妝啲！但早上用，就覺得潤左啲啦！
11.07.2020
泛紅救星：）
靈芝水平時keep住用，感覺不太，純粹覺得好溫和。但如果塊面敏感同泛紅，濕敷靈芝水就好睇到功力，皮膚好快就退紅！
11.07.2020
cp值高，平價抵用之選！
泡泡好綿密，用完唔會有崩緊嘅感覺。清潔力都好夠，價錢又唔貴，Cp值好高嘅洗面產品！
11.07.2020