有效改善肌膚粗糙
質地水潤，混合肌怕笠嘅可以用兩泵，個人其實覺得已經夠潤。因為轉季關係兩頰好乾而且變得粗糙，用後第二日有明顯改變，而且膚色無平時咁暗啞，其他效果應該要再用耐啲先知
28.04.2020
閃閃哋嘅眼霜，質地易推，滋潤唔笠
唧出嚟發現眼霜粉色帶啲閃令令嘅(?)，推開又無嘢喎，質感唔算厚重，幾易推，薄得嚟滋潤，有少少香味。黑眼圈無點改善到。設計可以當眼部按摩，亦衛生過樽裝。
20.03.2020
Ok清爽易吸收，滋潤
有好淡嘅香味，質地唔濃稠，試咗搽上手，好快吸收，唔黏笠，約一分種完全吸收晒，感覺幾滋潤。之後洗手，無嗰種搽完Hand cream 洗手油油哋嘅感覺，出乎意料唔錯
20.03.2020
保濕效果ok, 用得安心
無香料不刺激，唔使擔心肌膚敏感，唔會太滋潤而有油脂粒問題，配合流金水用咗一段時間肌況明顯穩定咗。
24.01.2020
滋潤，可以用好耐
雖然細細罐，但每次只需用好少都足夠，搽太多反而容易出油脂粒。滋潤，唔算太笠無厚重感，感覺都易吸收。主要用嚟預防眼部細紋，黑眼圈就無咩改善過。
19.11.2019
從設計到香氣都非常少女♡
香氣雖然濃郁，但不俗氣不刺鼻，聞到有杏仁同雲呢嗱嘅味(其他分辨唔出)，感覺屬於偏暖同偏甜調，但唔係「死甜」嗰種。適合20-30代或者有顆少女心嘅女性使用。
24.11.2019
筆芯幼細
顯色，造型可愛。筆芯幼細易畫，但亦相對容易折斷。
28.10.2019
效果自然但不持久
可以當唇膏同胭脂兩種用法好抵買，膏狀唔算好易推，效果自然但不算持久
27.10.2019
保濕效果好，抵用
Belif 係去韓國時認識嘅品牌，網上評價唔錯便買嚟試下。冬天有脫皮問題，用後有改善，質地清爽易推，不油膩，夏天用亦ok唔會出油脂粒。價格相宜，值得購票～
27.10.2019
冬天用好滋潤
混合肌，冬天兩頰及鼻較為乾燥甚至脫皮，用咗有改善到，感覺長效滋潤且不油膩。
27.10.2019
期待美白效果可能要長期用
用咗柔膚乳再用，唔會黏笠，膚況正常時使用毛孔問題感覺有好咗，最近暗瘡問題比較嚴重，用咗好似令膚況穩定咗少少，唯人工香味較為濃，如果期待美白相信長期使用先有效果。
27.10.2019
氣味不討好
這款只係用過試用裝，打開有陣唔係抹茶嘅味，唔識形容，個人覺得陣味好奇怪，搽上面一陣已經要沖走... 不會考慮購買
27.10.2019
一般
有啲好似炭嘅嘢（？）係面膜裡面，成分相當天然。但按摩面部時會明顯感覺到「鞋鞋」地，用後不算乾，整體一般
27.10.2019
用咗一半就閑置了
每次用都feel 到輕微刺痛同熱熱地，用完即時黑頭唔見咗，感覺會乾，而且黑頭翌日都會浮返出嚟。使用感不佳，用咗幾次冇再用了...
27.10.2019
敏感肌或乾燥時注意使用
混合性肌膚，初時用過幾次都冇咩特別感覺，乾燥地方會比較刺痛，用後輕微泛紅且感覺較乾，清潔力算強(?)。一次用完後泛紅並有粒粒出現，自此無再用過。
27.10.2019
不過不失
天然溫和不刺激，用後並無太大改善暗瘡問題，只是令佢唔惡化而已，用過之後冇再回購
27.10.2019
好香，好relaxing
打開即聞到好香嘅咖啡味，不是人工香味，唔飲咖啡都覺得好好聞！磨砂粒子幼細，喚膚效果不算十分明顯，不過不失。但敷面膜時享受到嘅relax 感覺已經值回票價
27.10.2019
清潔效果好
可改善黑頭同毛孔粗大問題，即使肌膚較乾時使用仍感覺溫和但清潔效果即時且明顯，翌日都仲維持到，用過亞馬遜白泥面膜，但會比較刺痛，若不考慮價格，fresh略勝一籌。
27.10.2019
好用，但CP 值不算高
洗完不繃緊，即使洗完臉一陣時間不作後續護膚程序也不會感到乾燥。
10.06.2020
感覺還好，不會回購
味道天然，個人不太喜歡陣味。質地較難平均塗在臉上，敷在面部乾燥的位置會有少許刺痛感，用後不繃緊，但也不感覺到很保濕，相比同品牌其他面膜，此款不會回購。
27.10.2019