FANCL MCO 納米卸粧液
我皮膚偏敏感，用好多卸妝油都會起粒粒，但呢支質地輕盈又溫和，一泵上臉即刻溶晒啲防水眼線同粉底，連睫毛膏都輕鬆卸乾淨，而且遇水即刻乳化，沖完水零油膩感，塊面摸落滑溜溜又唔繃緊，用完連鼻翼啲黑頭都少咗，而家化濃妝都唔驚阻塞毛孔
顯示更多
09.11.2025
Sofina Primavista
高防曬，質地薄，搽上臉完全冇厚重感，仲可以修飾毛孔同均勻膚色，當佢係妝前打底真係一流，我係混合肌，T字位好易出油，但用咗佢之後個底妝可以keep到成日都冇溶，而且仲有少少控油效果，連平時下晝塊面會反光嘅情況都改善咗，雖然價錢有少少貴，但一支做到防曬，調色同控油三個功能，都係抵返晒！
顯示更多
09.11.2025
Canmake 花漾柔啞胭脂
啞緻嘅粉質上臉好貼服，完全唔會飛粉，仲帶住微微嘅透薄感，好似本身皮膚透出嚟嘅好氣色咁自然，我通常用佢支細掃掃喺蘋果肌同眼底位，即刻有種被陽光親過嘅溫柔感，持久度都唔錯，朝早化完妝到晏晝都仲keep到，價錢親民，細細盒帶出街補妝方便
顯示更多
09.11.2025
09.11.2025
急救恩物
之前塊面敏感泛紅，試咗好多貴價產品都搞唔掂，點知俾呢支平平地嘅修復霜救翻，質地雖然有啲厚身，但推開之後唔會黐立立，我通常薄薄敷一層喺爆拆位過夜，第二朝起身即刻見到塊面鎮靜咗好多，連之前擠暗瘡搞到紅腫嘅位置都退紅得幾快。最驚喜係佢唔會引起粒粒，用完支裝已經即刻回購咗支大容量放屋企看門口，而家化妝袋同床
顯示更多
09.11.2025
超高清無瑕粉底液
我本身毛孔比較明顯，但佢搽上面嗰陣好似自帶柔焦效果，啲瑕疵同暗沉即刻隱形咗，仲唔會好似戴咗面具咁厚重，朝早化好妝到落班都只係鼻翼出少少油，反而同皮膚融合得更靚，真係越夜越精彩！最鍾意佢唔會黐立立，而家成日戴口罩都唔怕蹭到成個口罩都係粉底。如果你同我一樣鍾意自然透薄嘅妝感，呢支真係值得試下
顯示更多
09.11.2025
抗痘啫喱
之前額頭同下巴成日生啲紅腫暗瘡，厚搽護膚品又怕悶住啲皮膚，呢支啫喱質地輕薄，搽上臉涼浸浸，吸收得好快，第二日起身已經見到啲瘡消返D，我用咗兩星期左右，暗瘡真係少出咗，連舊既痘印都淡得快咗。不過要提提大家，乾性皮膚可能要用少少保濕打底，同埋一定要日頭搽防曬！如果你都係成日爆瘡又怕黏膩，真係可以試
顯示更多
09.11.2025
夏天嘅救星
每次用完塊面即刻有種爽身粉咁嘅乾爽感覺，夏天平時T字位好易出油，尤其係戴住口罩個陣，只要薄薄印一層呢隻散粉，真係可以撐到成日都唔會油光滿面，而且唔會死白，補妝個陣都唔會結塊，細細盒帶出街超方便，已經回購咗三四次，推薦俾所有油肌同混合肌嘅朋友！
顯示更多
09.11.2025
Canmake絲滑梳乎厘眼影
用手指或者化妝掃都超易推開，上眼零粉感仲帶住啲微微珠光，我買咗隻奶茶色系，朝早趕時間用手指捽兩下就已經好睇，成日都唔會積線或者變灰，雖然話係開架眼影，但呢種幼滑同貼服度，真係拍得住大牌子
顯示更多
09.11.2025
潤燥再生精華Sulwhasoo
我塊面好難吸收護膚品，但呢支精華一搽上面嗰種滲透感真係好強，淡淡嘅草本味，搽完朝早起身照鏡，成塊面睇起嚟嘭潤咗，之前鼻翼兩邊嘅乾燥同暗啞問題明顯改善咗，而家上粉底完全唔會起屑，雖然價錢有少少貴，但用到咁有效果嘅精華，真係覺得投資得好值得！
顯示更多
09.11.2025
Excel 裸色深邃眼影
粉質幼滑唔飛粉，上眼好易暈染，就算係化妝新手都絕對handle到，我特別鍾意佢啲裸色調得好靚，唔會話太黃或者太灰，搽上眼即刻有種好溫柔嘅深邃感，睲落對眼好似自然放大咗咁，好有神！返工同約會都OK
顯示更多
09.11.2025
Canmake 柔滑眼線筆
筆頭超幼細，畫出嚟條線又順又實色，一筆過唔會斷斷續續，連我咁手殘嘅人都可以輕鬆畫到超自然眼線，最重要係佢唔會溶妝，一日冷氣房下無變熊貓眼，而且卸妝時用溫水就可以抹走，平靚正之選
顯示更多
09.11.2025
Canmake胭脂
夏天好怕搽胭脂會一嚿嚿或者好快溶，但呢隻粉末質地超細緻，掃上面嗰陣好似同皮膚融合咗咁，完全唔會飛粉，個顏色睇落去好似好鮮，其實上好面係好自然嘅血色感，好似跑完步咁微微透紅，成個人即刻精神哂！我朝早化完妝到放工都仲keep到色，仲有微微珠光令塊面睇落有啲透亮，而且細細盒放化妝袋超方便！
顯示更多
09.11.2025
Romand皇牌Tint
一搽上嘴嗰陣質地水潤，仲有陣陣生果甜香，好似食緊果汁軟糖咁，一啲都唔黏立立，唔用力抹過嘴的話都keep到嘅，我最鍾意佢唔會好似其他唇彩咁顯唇紋，薄薄一層已經夠哂自然血色感，厚塗又會有種嬌嫩嘅效果，而家我化妝袋長期放住兩支唔同色號，出街見人定打卡自拍都靠佢
顯示更多
09.11.2025
持久染眉膏
我本身眉毛比較淺色，成日畫完眉成日驚甩色，但用咗呢支染眉膏之後真係放心好多，朝早化好妝出街，到夜晚返屋企對眉都仲keep到色，冇話一撻撻咁脫色。個刷頭細細支好易掌控，連眉尾最幼細嘅位置都可以仔細地上到色，仲要唔會結塊或者一嚿嚿咁。我揀咗支深啡色，效果出嚟好自然，好似本身眉毛嘅顏色咁，仲有少少立體感添
顯示更多
09.11.2025
KISSME HEROINE MAKE
我本身係油眼皮，平時好容易溶妝，但用咗呢支之後真係冇得輸，畫出嚟條線又幼又順，一筆過唔會斷墨，仲可以畫到好精細嘅眼尾。最緊要係真係超級防水防油，我試過帶妝成日，甚至跑步流汗，條眼線都無糊到
顯示更多
09.11.2025
Aveda高效亮澤奇蹟護髮油
本身我啲頭髮又毛躁又乾，搽完呢支油之後即刻順滑咗好多，仲有種好自然嘅光澤感，唔會好似啲廉價髮油咁黐立立，同埋我最鍾意佢係植物配方，聞落係陣陣天然花香，而家我每次吹頭前都會搽幾泵，頭髮真係聽話咗，連開叉都少咗，真心推薦俾成日燙染頭髮嘅姊妹！
顯示更多
09.11.2025
SKINPOWER能量精華霜
最初用SK-II呢支SKINPOWER能量精華霜嗰陣，我都驚佢會唔會太潤，點知一用就愛上！佢個質地好似雪糕咁，搽上面好快就吸收晒，完全冇黐立立嘅感覺。用咗一排，最明顯係朝早起身照鏡，成塊面係飽滿咗、光澤咗，冇咗之前種攰殘嘅感覺，尤其係嘴角同眼周啲乾紋真係睇得到淡咗，而家上粉底都貼服好多
顯示更多
09.11.2025
Drawing Eyebrow
Etude House呢支Drawing Eyebrow真係令我驚艷！1.5mm超幼筆芯畫出嚟嘅線條超級精準，質地順滑到唔使用力就上到色，仲唔會結塊，畫多幾筆都唔會變「蠟筆小新眉」，最鍾意係用佢勾勒眉尾，輕輕一拉就出到鋒利又自然嘅線條，持久度都唔錯
顯示更多
09.11.2025
Bifesta深層卸妝潔膚水
呢支深層保濕型卸妝水完全顛覆我對Micellar water嘅印象，平時卸妝要捽到塊面紅晒先乾淨，但佢嘅低摩擦配方真係一抹卸全妝，連防水眼線同PM2.5微粒都輕鬆浮起，化妝棉一拖就冇晒，仲要唔洗過水超方便！最驚喜係卸完妝塊面竟然唔繃緊，敏感肌用都零刺激，冇香料酒精，會回購！
顯示更多
30.06.2025
11.02.2025
11.02.2025
11.02.2025
11.02.2025
11.02.2025
11.02.2025
11.02.2025
Aveeno 天然燕麥高效舒緩保濕乳
秋冬開始用 Aveeno 的天然燕麥高效舒緩保濕乳，對它的效果非常驚喜！這款潤膚乳含有三重天然滋潤燕麥配方，特別適合我的極乾同敏痕癢肌膚，使用後，肌膚立即感受到滋潤，乾燥和不適感明顯減輕
顯示更多
11.02.2025
星夜櫻花沐浴啫喱
最近入手 L'Occitane 的星夜櫻花沐浴啫喱，對它的表現非常滿意！佢質地溫和，能夠有效讓肌膚回復柔軟，使用後，肌膚感覺清爽，適合日常使用，香氣就好個人，但我都幾鍾意櫻花香，不會過於濃烈，但又持久
顯示更多
11.02.2025
杏仁沐浴油
最近天氣乾燥試用L'Occitane杏仁沐浴油，感覺非常滿意！沐浴露的質地好潤，唔會洗出好多泡，用後肌膚感覺柔滑，不再感覺乾燥，香味也很淡雅，給人一種放鬆的感覺，非常適合在疲憊的一天後使用！
顯示更多
11.02.2025
16.05.2024
16.05.2024
16.05.2024
16.05.2024
16.05.2024
